可惜?

發佈日期 : 2013年 8月26日    圖 / 文 : 巴斯

這是位於旺角信和中心地庫B22店鋪，當你見到呢張相的時候，

這店不再存在於這個位置了，成為一張歷史圖片。

這店鋪售賣是以一手碟為主，售價有一些價錢很吸引，我之所以影到這歷史圖片，

並不是我預先知道結業，而係數月前某日見到這碟售價驚人，在門口影了相給朋友看而存底相片。

還記得早前提過有關I.Music也結業的分享嗎? 以下呢兩張相，係上星期信和中心地庫實況，

這個位置，連同一起就有三間吉鋪，如果打算在這裡賣 CD碟大展拳腳的話，可以一口氣租三間啊。

不過中間剛好被 宇宙船 阻住，

否則就可以一列四間打通開CD鋪，咁就發過豬頭喇。

不過 2013年要做到呢點並無難度，只要出得起租金，就可以趕走舊租客，零難度。

以上我當然係講反話啦，2013年叫人開CD鋪? 咁...........一定係同佢好大仇口吧。

就算開都只可以賣發燒碟吧，雖然我唔明點解出完又出，再出然後再出兼再版，都一樣咁多人買，

你咪理，人家收錢收到手軟，不過豬又點會明人想什麼呢?

我覺得可惜 ?

唔好貓哭老鼠喇，平日都唔多去CD鋪，知道有自己喜歡的碟，先話去CD鋪走轉，完全被動式，

就算來到旺角買碟，第一志願係 Sky Music ，節拍，威威，幾時會想起呢間鋪丫?

有乜資格可惜遮?自己都唔幫襯，平又點呀，摺埋左啦~~~學人講集體回憶? 如果唔係荒謬，一定係貓哭老鼠吧。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。