|
G.E.M. X.X.X. LIVE 2013 發佈日期 : 2013年 4月14日 圖 / 文 : 巴斯
2013年 4月12 至16日 ，一連五晚，G.E.M.都會在這裡與歌迷見面， 期待的一晚終於來臨了，幸運地撲到第一場唔係太後的位置，太幸運了。
未過馬路，就見到有工作人員免費派由G.E.M.代言的飲品， 有乜條件，我以為要出示演唱會門票先有，原來唔需要，只需行埋去就有贈飲一人一罐。
唔知係唔係為免有人拿去出售，每一罐工作人員都會把拉環打開，先會派比每一位朋友。 其實都唔係人人有份架播，原來呢隻野係有酒精成份，成年人先有資格取，小朋友就無喇。 唔.........我飲唔慣酒，所以這味道不合我個人口味，我飲了兩口就放棄了，對不起 G.E.M.。 我在想，附近執開汽水罐的公公婆婆呢幾日咪.............
今次呢個舞台係咁樣架呢~~~~
啊~~~~地對空大殺傷力武器~~~~ 正所謂養兵千日，用在一時，師兄，努力呀~~
雖然係手機，但你都努力呀~~~
等了這一天好耐喇~~~~ 終於可以親身來到現場睇了。
舞台燈光靚到不得了，好有氣氛，太開心了吧。 G.E.M.的演唱會，每首歌都好聽，又有最靚的燈光，咁都唔影相就笨喇~~~雙料娛樂同時進行。
雖然大會有安排智能手機 app 代替熒光棒，但依然有不少人用傳統的熒光棒。 唔知係唔係因為那一些不能換電的手機的朋友，擔心在演唱會期間用盡手機電量，咁就好無安全感了， 所以就算 app是免費，大家都唔用呢?
G.E.M.有兩首歌是非常適合演唱會內演唱，由於旋律極有節奏感，是帶動氣氛進入高潮的曲目。 第一首當然是 G.E.M. (Get Everybody Moving) ，第二首是 After Tonight。 想唔到演唱會第一首，無需熱身，正正就是以 After Tonight打頭陣， 你知呢首歌的篇曲幾迷幻得架，演唱會播係好正架，一開場立即進入狀態，利害。
講到軍隊步操式編曲的 G.E.M. (Get Everybody Moving) ，就更加係最最最最適合一大班人一起叫口號的歌曲， 在 G.E.M. 帶領下，大家一起叫 GIVE ME A G. GIVE ME AN E. GIVE ME AN M. GET EVERYBODY MOVING 真係好囉命~~~~負責篇曲的朋友仲驚我們唔死，落重藥!!!! 今次在這首歌插入一段 Rolling in the Deep 。 你知呢首由 Adele 唱的歌有幾型得架，溝埋 G.E.M. (Get Everybody Moving) 一起服用，全人類癲晒~~~把氣氛推上沸點。 那個使人窒息的低頻，整個地板都在震動，相機有腳架都死， 兩級防手震鏡頭都無法抵消那個震動的地板~~~
你睇，漫天碎紙，所以播呢首歌時，又好聽，又好睇。 呢個現場氣氛，係他日買碟都無法得到重溫的。
當時因為實在太激動，我都忍唔住要拍片~~~~希望能盡人仕留下呢個氣氛， 但結果無法和現場比較，效果只能是現場的 1 %
G.E.M.講得對，和她一起演出的人， 每一個都好重要，呢批 Dancer 真係好惦~~~
G.E.M. 的作品，快慢歌都有，唱完快歌，要轉慢歌，難佢唔到，變身零難度。
Sometimes I cry, somewhere inside
難得 G.E.M 咁近距離出現，仲要擺出呢個Pose， 草木竹石皆可為劍，邊個話手機唔可以用來影演唱會? 不過呢位朋友，在黃金一秒，未能把握最佳構圖機會，把手機打橫拍攝，效果會是 : 天地之別
嘩~~~做乜最頂那個位置有另一個台升到咁高?
鼓后降世 原來係 G.E.M. 在打鼓，勁到無朋友，起初是坐在椅上打，後期 High 到企起身打。 咁高望落觀眾席都 High ，何況仲要打鼓。 我估當時她的官能刺激得好緊要囉~~ 香港樂壇，有幾多個可以識用咁多樂器，而同時又識作曲，仲要唱得好聽，而且係呢個年紀就能在紅館開自己所屬的演唱會呢?
G.E.M. 是最好的∼∼∼∼∼
我無宗教信仰，所以在唱宗教歌曲 哈利路亞 Halleluyah 呢部份，不太投入， 我呢類無惡不作的壞人，見到呢個十字架，硬係覺得周身唔自在，頭痛~~手震~~耳嗚~~， 直頭唔夠膽正視呢個十字架，仲感覺自己開始溶溶地咁添。
首日特別嘉賓 呢個時候~~~~佢出現了，他就是今日的嘉賓 : 哭泣聲絕無意義 它不會扭轉分開的心意 夢似是失去了收結一首詩
G.E.M. 呢個表情好得呀~~~~
Dancer 真係好得~~~~型爆!!
G.E.M. 今日的音樂成就，必定是她的監製 Lupo Groinig，屬於最最最最大的功神。 極之喜歡他的編曲。
各師兄與朋友，這篇文章，如非商業用途，歡迎轉貼再轉貼，如需借圖片使用， ◆ avbuzz.com精神，人人毒我，我毒人人 ◆ 謝謝收看這篇文章，你是第 個收看這篇文章的讀者。 |
Video 
OH~~~~OH~~~~OH~~~~ 給你我的心 能否請你別遺棄 
