Magic-Pro ProMini 4000 救命電

Magic-Pro ProMini 4000 救命電

發佈日期 : 2012年 10月10日圖 / 文 : 巴斯

下面三張相，係出 NoteII 當日影的，剛碰到當時出白色 iPhone 5 的一位朋友，講起 iPhone 5的 Lightning新接口，

同時也提到新接線現在要帶在身邊好不方便，因為平日他的汽車，公司，家中都有 30Pin 線待用，

但現在這幾個地點的30Pin線，通通不能用在 iPhone 5身上，一時未能適應，他還即時取出這條跟身的Lightning 線給我看。

看到這條線，使我想起剛巧有 Magic-Pro 的 ProMini 4000 充電站在身，於是給他一看，

哈~~朋友超喜歡，點解? 你有眼睇架啦，無論體積大小，顏色，還有樣子，都襯到他的新 iPhone 絕。

還即時接上Lightning 線充充電試下先。

當然無問題，可以對應到啦。

我一向都唔喜歡用外置充電，明明可以換電池的 Note 1 ，根本就唔需要外置充電的存在，所以我先會買三塊電池。

只不過早前朋友送的禮物，講聲多謝咁解。

但 iPhone 因為先天不能換電池，我見好多用家，都要配流動充電器，朋友試完好喜歡，問了價錢後我們就說再見。

而我自己呢一方面，當Note 2得手後，我先知道，暫時市面上並未有額外的 3100mAh電池買到，

充電器就更加唔知幾時推出，天啊一塊電池點可能捱一整日啊!!!!!

真想唔不到，平日用不著的這個外置充電，今日居然成為我的救星，

我強調係日日打救我，因為由出機當日到現在，我依然未能配到額外的3100mAh電池。

如果無呢個外置充電，在街上的日子點過?

4000 mAh容量

這充電站的強項係擁有 4000mAh 容量

( Note I 2500mAh ● Note II 3100mAh ● iPhone 4s / 5 1400mAh ) 相信都一定夠他們用到當日回家的鐘數了吧。

由於她屬於 5V 1A輸出，雖然就比唔上用屋企的火牛5V 2.1A充電速度作比較，但在街上用這個流動充電站來救命，是可以接受的速度。

五個顏色 不銹鋼底殼

她厚度只有 7.5mm 可算係超薄，圖中左手邊是 ProMini 4000，右手邊是Note II ，

透過圖中所見，大約可猜想到兩者之間的厚度，所以帶出街並不會阻位。

面板有五個顏色，並且擁有不銹鋼底殼，

無論係底部或者機面，一定唔會影衰部手機，五個色當中，只有白色最合我的白 NoteII 用。

輕觸式熱感設計

電源開關是屬於輕觸式熱感設計，圖中所見呢個 4段容量的 LED 顯示屏，

她們每 25%一組，分別為 25% 50% 75%和 100%這四組。

電量顯示：

開關時，用家要用手指長按圖中所見的鑽石圖案開關，先可以開到機，

用雜物長按這個開關是無任何返應的，一定要用手指長按這個位置 3 秒，方可開啓充電電源。

就算開啟電源後，如果唔係真係充電，閒置超過 1 分鐘，她會自動關閉電源，非常安全。

安全最重要

有次在街上需要充電，在充電過程中，我見到朋友，順手把充電中的 NoteII 和 ProMini 4000 迫入緊迫著雜物的背包內，

由於我傾得實在太過投入，完全無留意根本沒有任何空間給 NoteII 和 ProMini 4000 散熱。

當我和朋友道別後，探手入背包內，發覺內裡好熱，當時好驚，因為發覺 ProMini 4000 充電燈是沒有亮起來，以為燒了。

原來她一早因為無法散熱，因機身過熱而自動停止再充電。

當我再次開啟她，她又再一次開始充電了，相信大家都一定同意，充電安全是最重要的。

餵飽佢

機頂所見的是輸出和輸入接口，一個係USB ，另一個係 Micro USB 接口，

Micro USB 接口就係用來餵飽 ProMini 4000 自己，而 USB 係用來餵飽其他裝置。

呀~~~提提大家，呢個充電器係容量係 4000mAh，係非常巨大的容量，

唔好求求期期就咁接上普通電腦USB接口來充電就算，

咁樣有機會充到天光都充唔滿，因為有可能只係接上了龜速USB電源接口。

接上之前，最好睇清楚呢一個USB係咪提供到 5V ，如果唔係就唔好浪費時間喇。

最好就係用能提供 5V的火牛，咁就包保一定滿意喇。

跟機線

圖為跟機來的不同款式接口，當中 Micro USB 和 30Pin 都是作為我的 Note 1 和 New iPad 使用。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆ avbuzz.com精神，人人毒我，我毒人人 ◆

　謝謝收看這篇文章，你是第個收看這篇文章的讀者。