陳潔麗 Purely

發佈日期 : 2012年 8月11日    圖 / 文 : 巴斯

8月10日星期五，是陳潔麗推出 Purely專輯的日子。

今日真係有D火呀!!!!我去完誠品書店之後，係下午 4:30 ，

以為順路走去後面街的 時代廣場 CD Warehouse ，可以一次過買到 Lily 和 Eason 的CD碟啦。

其實上去時代廣場的電梯過程都好麻煩架喇，我又趕時間，點知搞到成頭汗先上到去，只係得返 Lily ， Eason居然賣晒!!!

唔係下化!!!!!一時火滾起來，連眼前的 Lily 都唔買，走了去 聲威閣 (灣仔集成中心) ，一口氣買到晒兩隻。

Lily 咁耐以來，我最喜歡呢個封面，把封套拿開之後，就係CD盒了。

除了有歌迷會申請表，還有影集歌詞。

歌詞裡有幾張 Lily 的半身和大頭照片。

把 CD 包裝打開後，就係如圖的樣子。

碟面的絲印是如圖的樣子，沒有什麼持別之處。

返到屋企，打算CAS啦，點知..............又係咁，

平日習慣都是讓碟內的 IFPI 碼自己找來有關資料，好明顯仲未有熱心市民比我早做好完成品，咁........唯有自己打返晒D資料啦..............

完成喇~~~可以方便四圍去聽熟歌曲，

讓有時間就可以在發燒房品嘗。

專輯合共收錄10首歌曲，除了當中8首屬於翻唱歌曲，

其餘兩首是屬於原創新曲，我以綠色字名代表。

宣傳上話 HiFi天后 陳潔麗 .........但我見 Susan Wong的唱片宣傳，都係用 HiFi天后 來介紹 Susan Wong，咁即係點架呢 ? 

在我心目中，一個以英文歌為主，一個以國 /粵語歌曲為主，兩者在風格上很不一樣。

咁佢兩個出碟你買唔買先，咁咪係囉， HiFi天后 形容詞來架遮，認真你就輸了。

 翻唱歌曲要成功，必需要有條件，第一是編曲，要編得比原作好，是成功的一半，第二是蒼海遺珠，

Lily當初之所以成名，除了她吸引人的聲線外，就是唱出一些蒼海遺珠作品，給人眼前一亮的感覺。

好像風箏與風，下一站天后，當年發燒友點可能接受到Twins的歌曲呢? 

當年有邊條友話自己喜歡聽 Twins 的歌，居然夠膽用 Twins 的歌來示範，佢必定成為炮灰。

就係因為大家不屑 Twins ，Lily 就把風箏與風，下一站天后，用自己的演繹方式，

唱出另一種味道來，大家就可以見到 Lily的實力了。

後來更有人把謝安琪的喜帖街和 Lily 的版本作比效，可想而知 Lily 在發燒友心目中的地位。

這碟在混音部份交給了在香港發燒音響界極有權威的 Kent Poon 專業處理，聲就無需擔心，一定達到發燒質素。

昔日我最唔喜歡 Lily 在舊公司的錄音器材上，尾音有S.....音，在 Kent Poon 處理下，這缺點並不存在。

以 Lily 的經驗和唱腔，碟內的八首歌曲對她來講，基本上係零難度，只差編曲的人有幾多實力吧。

感謝負責編曲的不會又來搞什麼所謂佢自己話正的爵士樂，換來的都是一些簡約和舒服的樂器，百聽不厭。

我會留意 Lily 的兩首新歌的表現，內容和演繹都是我個人喜愛的口味，結果都無使我失望，實在未能找到唔買這碟的理由。

Lily 加 Kent Poon，係發燒靚聲保證，出普通 CD得架喇，無需要果D乜Q物Q碟 。

整體十首歌曲，無一首我會在中途跳走的歌曲，依然是大家喜歡的 Lily 演繹風格，值得再三回味。

請投入欣賞這碟兩首原創歌曲。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。