偷 Stolen Moment

發佈日期 : 2012年 7月7日    圖 / 文 : 巴斯

劉美君上次推出 Love Addict 專輯，翻唱男歌手國語歌專輯，深受音響發燒友與樂迷喜愛而大賣。

 7月6日劉美君再次推出新專輯，CD版這日正式推出市場發售。

沒有在全港19區格過價，都唔知呢個價，係全港最平定最貴，總之大約係咁上下價錢吧。

丫~~個價錢牌又打得幾有型啊~~係呢，價錢牌打呢個位就手D咩?

寫住送海報，咁就順手丫唔該。

最近聽了 鄧紫棋，薛凱琪和胡琳這幾隻新專輯，她們都是屬於原創音樂，三隻碟都感到滿意呀。 

劉美君上一隻專輯 Love Addict 係翻唱大家熟識的曲目，音響發燒友無人覺得反感。

劉美君唱大家熟識的曲目，仲要從新篇曲，基本上都唔會輸架啦，如果咁都唱得唔好，就唔係劉美君吧。

今次專輯同樣屬於翻唱作品，碟名叫 偷 

偷 ? 碟內10首翻唱歌遮，唔算偷掛，何況都無一首歌名叫偷，

睇真D，封套上面寫著 Stolen Moment ，哦~~咁明白了。

整體都聽得舒服架，無後侮買入。

唉...........又係呢款不討好的唱片封套設計，算吧，可以點呢? 

打開對摺的封套後，可見左手邊存放CD碟的暗格和右手邊的連體歌詞。

歌詞都有幾張有Feel的劉美君相片在內。

把 CD 碟拉出來可見到有底衫套上。

埋少少睇睇隻CD碟先，金碟 ? 唔好傻啦~~成熟 D 啦唔該。

宣傳上話首批 CD係德國壓制，我呢隻算唔算係首批呢?

咁首批係幾多隻架? 咁十隻定係十億隻呢 ? 

翻到後面，可見到這本歌詞集和 DVD碟所擺放的位置。

DVD樣子和CD是接近一樣，只係 DVD 字眼有所不同作為區別。

DVD 碟可否換返錢呢? 如果唔可以換返錢，下次淨出CD就夠了，因為咁樣環保 D。

 Youtube 都 1080P啦，叫我播 DVD，又要開電視，如開投忍雞仲要落埋投影幕天，不但要開DVD機入碟，Load完仲要等 Warning ，

搞到一身汗，最後出來都唔係我要求的1080高畫質，電視報新聞都 1080i 啦。

MV我當然好希望睇啦，仲10首咁多，但我唔係想要DVD質素囉。

不如........比條 Youtube 1080P 的Link 我好嗎?

DVD 所收錄的MV內容

最終我選擇在電腦 Mon，透過PS3播放。

10首 MV 都係在室內與樂師一起拍攝，類似乜乜物物演奏廳咁，並唔係我幻想10首不同環境，不同故事的MV。

好明顯係我睇到MV兩個字就想多左喇，用PS3 120速飛住來睇都睇唔晒，收工。

這是封背的樣子，可同時見到 CD 和DVD 的曲目。

$105 CD +DVD 就係咁樣喇~~~

仲有海報

CAS 嘛，當然要吸靈魂出來啦。

 以下就是收錄在這碟的10首歌曲。

Tou 這專輯，在 iTunes Store 正以 $73 發售中，如喜歡單一首買也可以用 $8 購入單曲。

話時話，在 iTunes Store 唱片公司把 劉美君 這輯歌名全都用併音所組成。

即代表透過 iTunes Store 所 Download 下來的歌曲，都是劉美君 的英文名  Prudence Liew，和英文併音歌曲名字。

如果有要求的朋友，唔係比了錢就大晒，得手後，都係要落手落腳，把 劉美君 的英文名 Prudence Liew  與每一首歌曲改返做中文，

一係就把自己電腦內的 Database 所有中文歌手名，都跟佢轉成英文名，否則 Database 就會比佢打亂了。

因為電腦硬碟裡的劉美君，與 Prudence Liew 係兩個唔同的歌手名來的，還未計英文併音歌名所帶來的問題，你明我講乜啦。

不過都係果句 收你幾蚊，又乜又物，你想點丫? 依家有無人投訴丫，無丫嘛，大家咪又係咁買，有乜問題先 ? 小提大做。

我唔知唱片公司打唔打算改，但今日就係咁喇。

英文程度和智商高的華人，對以下歌名絕對無任何難度。

外國人就好啦，一睇就睇到係乜野歌名，我就唔識喇。

iTunes Store 的歌，以呢個價錢和平台所獲得的音樂檔案，是屬於 Apple 的 DRM-free 格式，

這個 44.1 KHz 16bit 256kbps AAC 只係一般平民接受到的基本聲效檔案。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。