Xposed 正式推出 CD 版

發佈日期 : 2012年 7月6日    圖 / 文 : 巴斯

G.E.M. 鄧紫棋 最新專輯 Xposed 今日正式推出  CD碟 ，市場以 $109 發售中。

收錄在這碟的 10首歌，6月27日早就在 iTunes Store發售了，大家都聽過了吧，每一首我都喜歡架。

以呢個價錢和平台所獲得的音樂檔案，是屬於 Apple 的 DRM-free 格式，

 這個 44.1 kHz 16bit 256kbps AAC 只係一般平民接受到的基本聲效檔案。

如果音響發燒友的話，係唔會接受到在他們眼中這個咁低層次的音樂檔案，

而事實上這個平台，照顧的並不是發燒友，只係普通市民。

iTunes Store 所發售的檔案格式，又點會係我的目標呢? 

所以只等 7月5日出碟，靈魂用來做 AIFF 檔，驅殼珍藏在柜內供奉。

早前到唱片店，以 $210訂購了限量版Boxset，今日滿以為可以得到實物，

點知店員同我講，話個 Boxset 要推遲到 7月10號，今日推出市面的只有售價 $109的普通版本。

我的心情即時..........

一早訂購反而今日無貨收 ? 點解 ? 點解 ? 點解 ? 點解 ? 

我都唔知一陣會唔會比車車死，又或者有塊磚頭飛埋來飛死我，明日仲是否存在呢個世界上，仲要等 5日咁耐。

唉，算喇，比隻普通版我喇，5日後再算吧。

當我見到隻普通版時...............做乜隻碟咁似國內盜版碟的包裝架? 天呀!!!!發生乜野事呀!!!!!

唔知係我的問題，定係個Code的問題了，膠袋上所提供的 QR Code ，我無法對到入網址目的地。

拆開膠袋仲覺隻碟似國內盜版碟，我依家個心好唔順，頂住頂住。

就連側面都似國內盜版碟，我都唔知係唔係我唔開心，使到我睇事物的角度都影響埋。

打開對摺式內頁，可見到左手邊的歌詞影集和右手邊的CD碟。

歌詞影集與封套是連著一體。

這是封面的樣子。

今次呢個封套設計，係一直以來最最最最最差的一個封套，所以我好唔開心。

用CAS玩住先啦，現在唯有寄望五日後 Boxset 給我驚喜吧。

限量版Boxset

限量版Boxset入面有乜，除了碟之外，仲有以下物品。

  Video 

  Video 

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。