My January

發佈日期 : 2012年 7月25日    圖 / 文 : 巴斯

分手要狠這首歌，是我開始留意吳雨霏作品的第一首歌曲，使人一聽再聽。

7月20日是吳雨霏推出 My January 專輯的大日子。

出碟當日未有時間經唱片店，直到星期六經過中環 hmv ，由於趕時間，在大門口找不到這專輯，唯有找店員幫忙，

唉......問呢個，佢話要找另一個幫忙，等了三分鐘，先有人幫到我，期間我四處望，

或再問其他工作人員，但都因為有其他客人招待中，無法插咀。

工作人員最終帶我轉了半個圈，來到這個我智力無法推算到，位於遠離CD區的藍光碟專柜位置附近，見到下圖呢個位置。

不但有屬於這專輯的燈箱，還有試聽。

但...........那有空留在這裡慢慢試聽呢? 燈箱下有現貨發售，趕時間，即取即走。

排行榜

離開前在大門口見到呢個排行榜，

哈~~~~G.E.M.第一位，仲勁過安室呢~~

丫~~呢個16強排位，係點樣定架呢? 係每小時計完，就把咁多隻CD碟搬一次丫，定每日搬一次丫? 定一個月搬一次呢? 

咁係獨立一間 hmv 的統計， 定係咁多間的總和呢? 丫...........好複雜啊，一想就頭痛喇，仲有少少想暈加嘔的感覺。

我都係想得太多了，人講乜咪信乜囉，想咁多做乜遮，低等動物。

不過...........16強當中，無吳雨霏啊~~~

 bread n butter 香水

宣傳上提到首批隨碟附送一枝 bread n butter 香水 。

但又無提到所謂首批係十億套，定係十套，咁我又係第幾套呢? 噢....我又想多左喇。

 這是跟 CD附送的 bread n butter 香水包裝。 

由紙盒內取出香水瓶，是如圖所見的樣子，可見瓶口是噴裝設計。

香味是不濃烈，我個人是可接受到的淡淡優香。

CD盒

CD盒比一般普通CD盒大了一點點，如果唔想影響美感的話，就唔可以和其他普通CD擺放在一起。

如圖所見，與 Transformation 比較的話，今次的比較大了一點，而且我都不太喜歡有點像大陸碟的味道。

這個CD盒並非木盒，透過下圖所見，是以多層紙皮壓製而成。

把盒面打開，就是如圖所見的樣子。

首先出現的是一張質地好薄的海報，被對摺後，擺放在這個位置裡，

然後可以見到 bread n butter 所送出的 $300 Cash Coupon ，有效期去到今年的年尾。

把海報打開來看，是如圖的樣子，哈~~~我相信影完今次相，今後都唔會再打算再打開吧。

不過問心講，構圖和顏色都好正呀，只係紙質不夠好。

唔緊要啦，有變多個會真係把海報貼出來用呢? 睇完一次咪又係摺返埋?

海報和 Coupon移走後，就可以見到呢本歌詞加影集，內裡都係吳雨霏的水底攝影圖片。

來到最底部就可以見到 CD 碟的出現。

呢隻又唔係發燒碟，當然唔會係金碟啦。

獨欠一首

如果在街上買了雜誌，飲品，食物.............等，我們都可以即時享用到，但CD碟就唔同喇，如果有私家車的話，當然唔係問題。

但我無囉，我只能座公共交通工具，暫時得物無所用，所以 iTunes Store 就可以解決呢個問題，

只不過我唔接受到所購買的是 44.1 KHz 16bit 256kbps AAC ，只係一般平民接受到的基本聲效檔案。

這專輯一共收錄 10首歌曲，但唔知點解 iTunes Store 只發售其中九首，獨欠 狠狠 (子彈煙花remix)

咁究竟係專登唔放呢一首落去丫，定係放漏左呢? 如果係放漏左，咁是否會放返入去呢? 

如果係專登，咁點解又會係選呢一首呢? 呢一首同其他又有什麼唔同，比 $8 都唔賣比大家擁有，一定要買CD碟先可以擁有呢?

好複雜...........我............我個頭又開始痛了.........

MP3 鈴聲 $200 ?

歌詞其中一頁內裡有提到，今次的十首歌曲，都可以有 MP3 鈴聲，透過 SMS 來Download ，每首收費 $20 。

各位無睇錯， MP3 鈴聲要 $20 ? 買晒十首MP3 鈴聲咪 $200 ? 

無野下話 ? 在 iTunes Store 買一首單曲都係 $8 ，一口氣買九首都係 $72 ， 成隻CD碟都係 $99 炸播 。

我............我個頭又開始痛了.........

香港係一個自由市場，明碼實照，一買一賣，絕無任何欺騙成份，

試想像一下，鈴聲唔需自己落手落腳轉，有人轉埋，呢D帝皇式服務，對於秒秒鐘幾十萬上落的朋來講，值得比架。

都係做返自己野啦，唔好理咁多了，有怪莫怪......有怪莫怪......有怪莫怪......

返到家中，當然第一時間吸啜靈魂，方便四處都可以聽得到。

  個人評價

一街都係翻唱作品，莫講話聽，睇到都覺得漏，

當然，呢個世界係自由的，人家喜歡點做，又無犯法，在無權過問資格下，唯有只可以唔支持就算，無乜野可做到。

何況很多朋友都好喜歡欣賞翻唱作品，只係我個人口味古怪吧，需知翻唱作品並唔係罪來的。

這專輯所收錄的都是原創作品，放在第一首的遲早，更加是由吳雨霏自己作曲。

雖然曲目是十首，但當中有兩首是屬於同曲不同版，如果要咬文嚼字的話，實得八首歌曲。

今次找來 Eric Kwok，John Laudon，林若寧 .........等合作這張專輯，可見唱片公司對吳雨霏的重視，而事實上也沒有白費。

無論係十首定係八首，我個人對這專輯十分滿意，

這專輯沒有一首歌我覺得反感，也沒有一首歌每次去到該首歌就要跳走。

就算是屬於周柏豪獨白版本的告白，我都唔會因為他的獨白而反感，反而由於他的聲演，使到這歌有另一種戲劇味道。

整體每首歌都好平均，都是我喜歡的類別，但程度又不像 G.E.M.一樣的喜歡，

好像所送的香水一樣淡淡的優香，唔會好激烈，但會細意欣賞。

上圖睇得唔清楚十首曲目的名字，可以睇睇下圖。

仲唔清楚  ? 不如咁丫~~~清楚喇掛。咁多首歌的喜好都有次序的，

第一位係告白，第二位係生命樹，第三位係狠狠，第四位係遲早..........

不如欣賞其中一首主打作品告白，看看你是否喜歡? 

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。