呂珊 Phases Of Love

發佈日期 : 2012年 6月15日    圖 / 文 : 巴斯

這日經過旺角節拍，見到呢隻碟放正在門口，趕時間又落雨，拿拿臨放低 $88 走人。

唔係因為 24Bit 96KHz，唔係因為 LPCD M2 Mastering 母帶製作，唔係因為呢隻 CD 碟奧地利製造，只因呂珊這個名字而買。

買的時候連歌名都無睇就行，其實有乜好睇，見到額頭印住 24Bit 96KHz ，唔通會係 Rap咩，推測呂珊都係一向類別歌曲吧。

圖中可見，呢隻碟仲有得試聽，不過即管提提有得試聽啦。

一線兩聲道發燒友，買條線都一萬幾千起，喇叭一百幾十萬一對，

一萬幾千壹隻玻璃 CD ，又何曾要試聽過先買呢? $88一隻CD碟，提佢有得試聽都侮辱左人家吧。

我要求好低，最緊要內容好聽，如果靚聲咪當係獎品囉。

整體音色滿意，只係曲目方面不是每一首都喜歡。

全碟 11 首歌，前面幾首都喜歡，理由係樂器簡單清翠，加上呂珊的聲線，聽得好舒服，

反而最尾兩首的合唱歌，唔係我杯茶，兩首都聽到一半就捱唔住。

整體內容一般，可能比多少少時間聽多幾次會順耳一點掛，暫時得五首歌喜歡，以下我用粉紅色代表。

打開封套可見內裡的樣子，左手邊是歌詞集，右手邊是這隻碟。

24Bit 96KHz  LPCD M2 Mastering 母帶製作，奧地利製造，一定再三提醒消費者吧。

所以在碟身上也可見到這些字眼。

歌詞和CD套是一體的，不會分開。

而內裡除有歌詞外，有呂珊一張相，還加上音響器材的樣子。

係囉，有錄音室的器材在歌詞集內出現，

可能想帶出發燒或者靚聲的訊息吧。

所以我幾時都話 Hi-Fi 唔只用來聽，仲要用來睇加嘛~~~~~

這張就是歌詞裡唯一的呂珊照片。

透過這兩個角度，可大約猜想到這碟包裝的厚度。

封背可見到今次所收錄的11首歌曲名稱。

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。