蒸溜法 HDMI 都得
發佈日期 : 2012年 6月22日 圖 / 文 : 巴斯
|
|
|
Video
|
|
|
蒸溜法
iPad 以無線 Wi-Fi 方式，獲取來自電腦的音樂檔，
可免受不必要的干擾地，以數碼無污染訊源，重現所得來的音樂擋案，
由 44.1kHz 至 96kHz，最終還可以對應埋 192kHz，我為她命名為 : 蒸溜法 。
CAS兩聲道發燒友，會利用 iPad 加 Camera Connection Kit 的 USB ，來達到蒸溜法，
在CAS兩聲道發燒友或 Hi-END音響領域被受肯定。
當中家庭共享功能，實在係功不可沒。
重溫家庭共享操作 : http://www.avbuzz.com/audio-video/201111/casbb1/0.htm
如果不知道什麼是CAS兩聲道發燒友所用的蒸溜法，可重溫國仁的詳盡介紹 :
http://www.avbuzz.com/audio-video/201205/ken192video/0.htm
兩聲道發燒友所用的工具，就是圖中所見的 Camera Connection Kit，
利用這個 USB 接口，可與高級解碼器接上，達到更深層次的音色。
|
|
|
30 Pin HDMI Adapter
對家中只擁有Av amp的朋友來講， 這個蒸溜法是否同樣可行呢?
試想想，一般 Av Amp 如果要以 HDMI 來播放 96 kHz 或 192 kHz 的聲效格式，根本係無任何難度，
這點使我聯想到如果我唔用 Camera Connection Kit 的 USB ，改用直接的 HDMI，咁 iPad 咪可以直入 Av Amp 囉。
記得 Apple 在當年推出 iPad 2 的同時，還一起推出 30 Pin HDMI Adapter ，唔知可否幫到手呢?
這個 30 Pin HDMI Adapter 官方名稱係 Digital AV Adapter，官方售價每個 $300 找返 $2 。
| 腦場副廠線 | 原廠線 |
 |
 |
蒸溜法用在 Av amp身上，只係我幻想的推測，不知道是否可行，加上我唔覺得一個 30 Pin HDMI Adapter 原廠和非原廠會有幾大的分別。
這日經過腦場見到 30 Pin HDMI Adapter ，戚起條根，想一試自己的推測是否可行，
於是用$188購入圖中所見的老翻...........咳咳咳......Sorry，應該係叫副廠線。
圖中所見副廠線，一頭係 HDMI，另一頭係 30 pin。
 |
 |
|
|
|
我就是用圖中所見的接駁方式，把 Denon 4308 Av amp 與 New iPad接上，無需另接其他線材，包括電源線。
接駁方式如下 :
iPad >>>> 30 Pin HDMI Adapter >>>> 2 M HDMI Cable >>>>Denon 4308
所需材料如下 :
PC 或 Mac + iTunes + 家庭共享功能 + AirPort Express ( 或 Router ) + iPad + 家庭共享功能 + 30 Pin HDMI Adapter + HDMI 線 + Av amp 。
|
|
|
線材方面，用平日用開的 Comects HS Series 2M HDMI線材。
|
|
|
為了硬照拍攝時交代得清楚一點，所以把 Av Amp 顯示輸入名稱，命名為 New iPad 字樣。
心水清的朋友一睇呢個顯示屏的左手邊，就知道答案是得定唔得喇。
|
|
|
實在太好了，真係出到，
圖中是 New iPad 以 家庭共享 無線傳送方式接收來自客廳 PC內的 192 kHz音樂檔。
|
|
|
無論是 96 kHz 或 192 kHz 音樂檔案 ，這個蒸溜法，在 av amp 身上都是可行的。
 |
 |
|
|
|
優勝之處
兩聲道蒸溜法，由於受制於 USB線的長度關係，iPad 只可以放在器材那邊，
如果用家的器材，本身一直是放在皇帝位身邊，那當然是沒有問題吧。
但好像我咁不幸的話，器材與皇帝位有一段距離，試問距離咁遠，點操作呢?
咁玩法跟播黑膠唱片無分別，都係每次想跳歌，就要走來走去。
|
|
|
15米長HDMI線
由於呢個方法是用HDMI的關係，與兩聲道所用的USB線並不相同，HDMI線是可以走得比USB長好多。
於是就可以利用HDMI的優勢，只要用一條長的HDMI線來連接，就可以把 New iPad 放到皇帝位上來操作了。
專程問聯興電業的Lawrence 借來一條 15米長，留意不是15呎，而是 15米長 ( 約 49呎長 ) 的HDMI線，
相信足夠香港大部份發燒房用了吧，如果咁長都得，短過 15米就應該更加唔成問題了吧。
圖中所見，專登唔收藏好這條 15米長的線，由得這條線出現在大家面前，而且我仲由得佢打圈唔拉直擺放。
|
|
|
圖為這條由 聯興電業 Lawrence 借給我用的 15米 HDMI 線。
 |
 |
|
|
|
44.1kHz係理所當然一定得啦， 無論係 96 kHz 或 192 kHz 都照播無誤，
Av amp的顯示屏上給大家見到所播放的訊源。
|
|
|
|
|
上圖我把 New iPad 企放在紅色椅上，只係方便交代角度的拍攝手法，實際上我係唔會好似上述的圖咁擺放 iPad ，
因為咁樣操作 iPad，自己對手會好累，而且背靠梳化而坐的我，成日要起身，先可以接觸到 New iPad，極不方便。
真實使用的話，我找小芬來代替我，我會用呢個方式擺放部 New iPad。
留意部 New iPad 係斜放，目的是遷就我手腕，方便篤個 New iPad 的角度，手腕和手臂，就唔會因操作而累。
|
|
|
用呢個角度擺放 New iPad，我可以無需理會線的存在，也無需拿著 iPad在手，
只需篤畫面，一邊上網，一邊選歌都得。
仲有，用完之後條線就咁攝返入梳化後面，乾手淨腳，咁擺法，是我個人能使到線材無咁麻煩的方法了。
 |
 |
|
|
|
留意這 30 Pin HDMI Adapter 的線身較長，對接上HDMI線後，不會因為HDMI線太接近 iPad 而屈著，
美中不足是30 Pin接口並沒有保險鎖來咬實 iPad 。
|
|
|
總結線材並不需求好靚的線，但唔好用太差，左圖所見黑色線，係我之前在鴨寮街買來粗用的不知名 HDMI線，
一直放在床下低沒有用上，估唔到今次可有她的用途了。
在包裝上也有提到她自己係屬於HDMI 1.4 ，只 5米長，播放 44.1kHz 和 96kHz 是沒有問題，
但一播到 192 kHz 時，會有斷斷續續的情況出現。
右圖為一般HDMI線材，長10米，播放 96kHz 和 192 kHz 是無任何問題，所以線材並不需求好靚的線，但唔好用太差。
 |
 |
|
|
|
iPad 1
這個蒸溜法，在 iPad 1 身上，同樣可以對應 96 kHz 或 192 kHz ，雖然我沒有擁有 iPad 2，但無奶油唔得丫，
只要 iPad 係 iOS 5或以上版本，唔試都知可以吧，她與 New iPad比較，只是操作上沒有New iPad咁快吧了。
|
|
|
iPhone 4
Camera Connection Kit 的誕生是專為 iPad 過相片而設，本身並不兼容 iPhone ，
所以CAS兩聲道蒸溜法的發燒友，都一一用上 iPad 而並沒有提到可用 iPhone 玩。
如圖所見，把 Camera Connection Kit 接上 iPhone 4後，畫面第一時間出現不兼容的字樣。
但如果用 30 Pin HDMI Adapter 的話，可透過圖中所見， iPhone 4是沒有兼容上的問題。
| Camera Connection Kit | 30 Pin HDMI Adapter |
 |
 |
 |
 |
|
|
|
iPhone 4 與 30 Pin HDMI Adapter 沒有兼容上的問題，只是接駁方式兼容，並不能代表可對應到 96kHz 和 192 kHz ，
於是就用相同的方式，透過家庭共享後的 iPhone 4 作為訊源，
結果，同樣能正常播放到由 44.1kHz 到 96 kHz 或 192 kHz 的音樂檔。
不過未知是否 iPhone 4 先天關係，操作時明顯沒有用New iPad 來得順暢，
我意思是操作上慢，聲音是正常播放，沒有斷斷續續等不正常現像。
|
|
|
iPhone 4 也同樣是容許以長達 15米 的HDMI線接駁，其表現依然是在192 kHz的訊源下正常播放。
當然同樣是操作上比較慢。
|
|
|
個人評價
我好怕依家D人，講親乜都要否定某某先安樂，呢個 HDMI 蒸溜法，係提供多一個方法比家中只有 Av amp，
又或者家中的Av amp，效果比兩聲道器材好的朋友用，並不是否定兩聲道用 Camera Connection Kit USB 蒸溜法。
在這世界上，依然是 Camera Connection Kit USB 蒸溜法最好，因為以USB輸出來之後，
用家可以買十萬八萬或以上的更高質素解碼，去發揮兩聲道器材的表現。
HDMI 蒸溜法，極其量也只係發揮手上的 Av amp 到極點，眼前的 Av amp無需另購解碼，就能對應到 96 kHz 或 192 kHz 。
而 HDMI 蒸溜法，也只係其中一個用 Av amp來玩CAS的方法，並不代表最方便玩CAS的方法，
這篇文章，只給大家多一個方式去玩 CAS，完全唔係否定某一種玩法而設。
CAS趣味之處，正是提供多個不同方式去玩，當中並不需要花好多錢或時間，就能得到當中的樂趣，而且為用家帶來方便。
HDMI 蒸溜法所出來的 96 kHz 或 192 kHz ，就算是最基本的 44.1kHz 聲效都是很好，只要用家唔介意接線的話，這是一個值得試用的方式，
只需一條 HDMI 線和 $188 的 30 Pin HDMI Adapter，就可以玩到，可樂而不為呢? 何況連 iPhone 4 都可以用這個方式玩。
雖然完成了這個測試，但我自己依然是喜歡用 Mac mini + MF V-Link + New iPad + Remote app ，以 Av amp 來玩 2.1。
喜歡簡單而且無線操作，唔單只 2.1聲音效果好聽，
更可以在 17" Mon上見到一個又一個播放中的唱片封面，仲做到 Hi-Fi 用來睇的視覺效果。
|
|
|
原廠線
好喇~~~整個試驗過程完成了，証實可行，咁係唔係應該用返條正廠線呀?
唔係有錢買機，無錢買線下化 ? 所以專程去 Reseller 購入這個原廠 Digital AV Adapter
仲記得當初推出時的包裝是膠袋嗎? 今日轉成紙盒裝了，在盒上還有 Apple 的徽號。
| 腦場副廠線 | 原廠線 |
|
|
|
|
|
圖中所見，位於上面是原廠線，下面比較長是副廠。
|
|
|
下圖可見到兩者的比較。
正廠有兩個接口，一個是HDMI，另一個是 30 Pin，副廠就只有一個 HDMI。
| 原廠 | 副廠 |
 |
|
 |
|
|
|
|
你睇，幾開心，原廠線提供兩個接口，可以一路用 HDMI 的同時，一路用 30Pin 來為 iPad 充電。
所以話呢，收得 $298 ，原廠係唔同D架。
|
|
|
正廠的 30Pin 側邊是有提供 鎖位，呢個設計好正，可以咬住 New iPad 唔會鬆脫，
早期 i 產品跟機來的線都是用上這細心的設計，現在跟來的線都無呢個設計了。
反觀副廠線就無呢個設計，正所謂一分錢，一分貨嘛，都係原廠出品有信心。
| 原廠 | 副廠 |
 |
 |
|
|
|
用原廠線的收場
呢條由 Apple 官方推出的 30 pin hdmi adapter ( Digital AV Adapter )
訊源經過佢的話，無論係 96 kHz 或 192 kHz，話之你喜唔喜歡，都劃一以 44.1 kHz 輸出，唔準高清聲效輸出!!!!!!
反而老翻...........咳咳咳......Sorry Sorry 又唔記得，應該係..........反而副廠線，就可以保留訊源係幾多就比返幾多出來。
傻仔見得多，未見過低 B成咁喇下嘛，仲以為買原廠線係信心保証，
我又點估得到一個 30 pin hdmi adapter ，原廠和副廠真係有咁大分別得架!!!!
明明逃過一劫，家陣走返轉頭自尋死路，就係咁............我就唔見了 $298 !!!!!!!
係咪因為我叛教，所以你咁對我!!!!!你講!!!!
 |
|
|
|
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。