nu Force NE-600X

發佈日期 : 2012年 5月4 日    圖 / 文 : 巴斯

朋友介紹市場上有款平價入耳式耳機,除了有品牌外,還有不錯的效果。

朋友話呢款耳機,強項係 $220 有扁線而且在市場上有好的口碑。

於是借來一用,正是大家熟識的 nu Force 這個品牌,包裝係用如圖所見的硬身膠盒。

 

在側邊有按鍵可把膠盒打開。

 

打開之後的佈局就係咁樣喇~~~~

紅色扁線好搶眼,鍍金插曲尺頭。

 

跟來的有大中細三款不同大小的耳膠,講起耳膠,好多初學者,以為係兩對後備耳膠,無留意到她們是有大小之分。

所以跟來係乜就用乜,無理會耳膠大小,是會直接影響到音色。

入耳式耳機,耳機越入,低音越厚,用了不適合的耳膠,無法緊貼耳孔和耳道,就會影響到低音效果,

所以點解有時聽到A話好聲,B話唔好聲,但A和B同樣都是低音狂,

理論上唔會差咁遠,就是因為 B 用了 不適合他的耳孔和耳道大小的耳膠。

每個人的耳孔和耳道都不一樣,所以生產商一定會為用家提供不同大小的耳膠來給用家配合使用。

 

以前我自己不接受入耳式耳機,因為塞在耳道感覺不舒服,

但慢慢發覺入耳式耳機好處,由於入耳式容易隔音,自然無需開大音量,就可聽真D,變相減低對耳膜的傷害。

而且低音部份是我最喜歡富有彈性的質感,是其他非入耳式設計沒法提供給我的享受。

所以選擇一個優質入耳式耳機,是有效發揮到手機聽歌最佳效果。

隔音耳機在街上用危險 ? 

當然非常危險啦,其實在街上都應該唔好帶手機,

就算帶的話,當手機在街上響的時候,連望來電顯示都唔好望,

而且一邊要少心避過由天空跌下來的漒水樽,但另一邊又要小心騎樓底會整幅倒下。

直到步行到室內安全的環境下,先好看未接來電號碼,

在街上聽手機都咁危險,何況用耳機聽歌呢? 係咪? 

所以我相信無人會在街上聽歌咁危險吧∼∼

 

唔知點解,一見到扁線,就會使我想起 Monster 呢個牌子。 ^_^

曲尺頭有人喜歡,有人又會反感,我猜一定係和他們放在身上時所擺放的位置不同而定,我自己就無乜所謂。

反而唔係Y字線,就有一點唔慣就真。

 

個人評價

我口味是低音狂,市面上的耳機,只要低音唔達我個人口味標準,就無興趣。

其實你見我咁耐都只係喜歡漫步者 H260 ,你就知我係幾咁喜歡低頻。

nu Force NE-600X耳機低頻未能達到我個人標準,所以未能取代我心目中最好的流動耳機。

但我有問過覺得漫步者 H260 低頻過量的朋友,他們試完 nu Force NE- 600X ,反而覺得表現好過漫步者 H260,尤其人聲方面。

哈~~~不得不再一次推介一下 Power Amp 這個 app,留意左圖顯示 nu Force NE - 600X的字樣嗎? 

那是我所輸入的記憶設定,這是屬於 EQ的設定,由於 nu Force NE - 600X 的風格取向,和我一直用開的漫步者 H260 很不一樣,

所以 EQ 是有必要調校過,由於有記憶功能並能加上命名,所以在欣賞歌曲時,我會好確定現在所用的是什麼設定的 EQ。

 

不如咁喇~~~唔好信人講,咪人話好你又信好,一定要信自己,如果你想八掛下,可以去旺角聲耀全音試聽,

因為他們長期有一對陳列品供參觀人仕試聽,用你自己帶去的流動裝置試,咁就最有效了吧。

聲耀全音

香港旺角西洋菜南街1A百寶利中心1405室

Tel: 3188 1720

如果中環對你來講方便的話,米樂影音陳列室,同樣提供陳列品作試用。

地址 : 中環皇后大道中 58號振邦大廈 703室。

查詢電話 : 2521 5999

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。