逆戰藍光碟

發佈日期 : 2012年 3月31日    圖 / 文 : 巴斯

昨日星期四，係我好期待的逆戰藍光碟推出的日子，下午接到旺角 DVD PRO 來電，話逆戰到貨了，於是飛身去睇睇。

三款光碟都同日推出，藍光，DVD和VCD都有。

 但...........點解隻VCD放側左 ? 老闆，你點做野架~~~~ ，其實...........係我無睇清楚就影；

可想而知，VCD在我眼中的地位係幾咁......... ^_^ 

我當然只係要藍光碟啦，唔該一隻咁多丫~~~~

嘩~~~後面放到上天花板咁高的存貨係乜來架?咁多?

唔..........自制爆谷，一路食，一路睇呢套難得拍得好好的藍光碟先得。

今年一月尾上畫的這套逆戰，散場時都好想睇多次架喇，以下係當日入戲院睇呢套電影時的感受。

http://www.avbuzz.com/audio-video/201201/cc21/0.htm

個人評價

片長 122分鐘，即係超過兩個小時電影內容，並同時放入DTS-HD MA 7.1聲軌和 Dolby TrueHD 7.1聲軌，

仲有埋 Special Features ，為保持聲畫質素，用50GB單面雙層碟係必然的。

封面強調當日在電影院上畫時，聲軌都一早擁有 7.1聲效。

係咪示範碟質素? 邊度得來咁多示範碟丫，專注返劇情把啦，我之所以睇多次，主要都係劇情吸引，

近年真係無幾多套好睇的電影，呢套又未到非睇不可的地步，只不過咁大製作，無奶油未睇過咁解吧。

畫質方面，唔知係咪太多不同拍攝地區國家和不同類別的器材呢? 不同地點的畫質差別都好大，

有幾場戲的暗位真係好差好多雜訊，但又一些夜景又好滑淨架播。

所以唔可以列入示範碟，國內某D鬧劇藍光碟，高畫質過佢添。

聲效方面不過不失丫，兩條聲軌其實都差唔多，內裡的槍聲，唔係我個人口味咁重火力，

不過兩條選一條聲軌的話，我個人都係喜歡 DTS-HD MA 7.1 多一點。

最喜歡的一段，一定係開場在約旦的激列槍戰，在家中爆機比親友分享，必選這一段。

動態就唔係我所期望的，注意力可留意呢一段的環繞聲效果，後置和後中置喇叭子彈橫飛的表現。

包裝方面，先來一個紙套，然後先到膠盒的包裝出現。

打開盒之後就可以見到隻碟的絲印樣子。

對這電影有興趣的朋友，可先看看預告片先決定是否買入這碟丫~~~

  Video 

一

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。