紅色小人的幸運日
發佈日期 : 2012年 3月1日 圖 / 文 : 巴斯
|
|
Video
昨日是四年一閏先有機會出現一次的 2月29日,
同時也是詠麟調限量 1000套獨立號碼珍藏版本公開發行的首日,早前訂購這套Boxset的客人由這日起,可開始去店鋪取碟。
旺角節拍
晚上經過旺角節拍睇睇有無得賣先,
~~~有呀,有呀~~~在門口的飾櫃裡有呀~~~你見到嗎? 左下角呢~~~~
就係呢個位置擺放了兩套詠麟調作為陳列品。
|
|
啊~~~~咁~~~~~飾櫃所擺放的係咪屬於靚號碼呢?
玻璃反晒光,睇唔到添~~~~
|
|
靠近一點先...............呢個號碼算唔算靚呀?
咁呢個呢? 呢個又算唔算靚呀?
等我查問一下店員售價先,原來和早前預購價一樣,都是每套港幣$2999。
但係店員後面補多句................無號碼選。
店員無正面回答我如果要選號碼幾錢..............
我相信你們和店員熟一點,不如代我問好嗎? 我都想知唔同號碼的價錢係幾多錢啊。
|
|
威威店
不如去威威店睇下先,在步入威威店的飾櫃通道內,接近門口當眼位置上見到有詠麟調陳列品擺放出來,
而且還與上次推出的鄧麗君Boxset放在一起,乜........鄧麗君Boxset仲有貨嗎?
提提大家,呢張合照,可大約猜想到詠麟調,實物大過鄧麗君Boxset幾多。
話晒詠麟調都有 61隻CD嘛,所以比一套 27隻的鄧麗君Boxset大盒好多。
查問店員詠麟調售價,都係$2999,當然都係無號碼選啦。
靠近一點睇睇當日賣價 $1350的鄧麗君Boxset,今日賣幾錢先,
原來係 ..............,不過係編號 100 啊,合唔合理? 我唔識呀,你話值咪值,唔值咪唔值囉,乜都係假,最緊要自己買得屍服,聽得開心。
|
|
開箱儀式
紅色小人早前訂購了這套詠麟調,今日去取碟,提貨後當然返來影開箱圖啦,
開箱儀式,係由他的美麗又可愛女兒主持............你睇這位美少女幾開心,佢真係訓身演出架 ^_^
外層係用最普通的紙箱包裝著。
|
|
|
|
紙箱是雙層打孖上,而且用防撞膠再包多一層,
真係好好的保護著啊................
|
|
|
|
啊~~~~~Alan親筆簽名?
原來紅色小人把這盒剛出爐的Boxset,
拿到校長出席媒體訪問場地,居然趕到獲得校長親手簽上名字在盒上,嘩~~~~有無咁難得呀~~~~太利害了吧。
|
|
透過小公主身軀比例,可大約猜想到實物大小。
|
|
|
|
好喇,打開睇睇裡面係點架先。
|
|
|
|
|
|
61隻CD何其壯觀..............
就算一分鐘聽一隻碟,係一隻碟唔係一首歌,都要一個小時先聽完。
|
|
內裡當然與早前產品宣傳照的樣子一樣啦,獨立編號設在盒上正中位置,編號上面寫著................
啊~~~~~編號竟然係.................太幸福了吧................
如果外間得到呢隻咁珍貴的紀念版,真係唔知幾錢先有交易,
錢,紅色小人有,他不會出售的,只屬自己珍藏吧。
|
|
|
|
圖為側面和底部的樣子,而底部可一次過見到 61隻碟的名字。
|
|
|
|
封套真係非常之精美,話得Back To Black,都是彷照當日的黑膠樣子而做吧。
每隻CD都有底衫穿上的。
|
|
|
|
CD的底部刻上坑紋和印上33 1/3 轉字樣的正面。
|
|
|
|
61隻CD當中,韓版,日版,Remix版,就算只有兩首歌的EP都有。
你話喇~~~那有Alan迷唔喜歡呢套 Boxset呢? 歌迷會一定瘋狂搶購呢。
你知Alan的歌迷,真係唔講得笑的。
|
|
|
|
就以呢三隻圖案碟,都係參照當年的樣子復刻過來。
|
|
數碼化
今時今日,音樂數碼化係非常之重要,加上 61隻CD,每一隻都獨立包裝,
就算用家有耐性每次聽都去拆包裝,但那個包裝封口都頂唔住咁多次拆拆封封。
數碼化之後,篤一篤就可以聽到,方便到無朋友,Boxset唔只係用來收藏擺放咁簡單,
要真係去聽,如無數碼化,聽得咁麻煩,一定唔會聽啦,失去聽歌的本意。
這套 Boxset 內裡有韓版又有日版,咁究竟CD碟內的 IFPI Code,能否在資料庫找到歌曲名稱等資料呢?
如果無,要一隻一隻,一首一首咁用人手打入去,咁你做埋紅色小人個份都得喇。
好啦,紅色小人就用其中一隻韓版來試試先,哈..............想唔到真係有。
無他,你咪真係當 Alan的歌迷死先得架。
心水清的朋友一定會問,點解唔用 DB Poweramp 這個軟件來啜碟呀,
唉........你用開都知啦,無錯用佢來啜碟係好聲D,但好多時中文歌,都找不到資料呢,就算找到都係英文併音,死未。
今次都係一樣,於是先改用 iTunes 來啜,用iTunes即出,開心又屍服。
你睇喇,係咪好開心先。
|
|
就算只有兩隻歌的日版EP, IFPI Code都找到資料架。
不過由於時間關係,點可能一夜之間啜晒 61隻碟呢? 做兩隻來試試先啦。
|
|
就係咁,先做好呢兩隻碟聽住先啦。
|
|
CAS 透過 iPad 來操作,真係開心死,篤下就可以得到重溫,唔需要走來走去,拆來拆去。
|
|
試幻想一下,當數碼化之後,再去欣賞這套 61隻CD係幾咁方便,大大增加欣賞這套碟的樂趣。
|
|
|
|
各師兄與朋友,這篇文章,如非商業用途,歡迎轉貼再轉貼,如需借圖片使用,
請自便,但敬請不要抹去圖中的 avbuzz.com簽名字樣,感激感激再感激。
◆ avbuzz.com精神,人人毒我,我毒人人 ◆
謝謝收看這篇文章,你是第 個收看這篇文章的讀者。