個人評價與感覺
發佈日期 : 2011年 11月11日 圖 / 文 : 巴斯
|
|
|
呢部機畫面表現靚唔靚 ? 你睇佢機身上的勳章先丫，又THX 3D又 isf認證。
如果係貼在人的身上就話有機會係招搖撞騙之徒，呢類人相信大家在香港或國內都見唔少。
不過機就唔同喇，佢無不良的行為會做得出來，所以你見呢部機咁多勳章，畫面差極都有限吧。
就算我話差，都係我個人問題吧，咪真係當D勳章流得架，正所謂一章勝萬字。
短片內所出現的新舊機畫面比併，雖然只係用 iPhone 4來影，
但都可以見到舊機畫面明顯不夠新款機光亮，色彩無咁繽紛亮麗，對比無咁強烈。
不過我希望你們明白，現場的的確確係新機靚好多，這是鐵一般的事實，就算唔係發燒友都睇得出兩者差距之大，
不過............並唔代表我接受舊機的畫面係咁差。
以我呢種人來講，如果比我做示範，我保証自己一定唔去調校舊機畫面，只會好專心咁用自己最佳能力去調教新機到最靚示人，
我唔搞差舊機個畫面，都算係好有良心架喇。
不過主辦單位咁大間公司，一定唔會好似我咁做啦，諗都唔會咁諗，係咪?
主辦單位講明，這日新舊機大比併的時候，無論線材和投影幕，都係用同一款式。
而我亦深信當日的工作人員，一定花了很多心血在調校舊機到極靚的狀態下做示範。
只不過我唔接受當日所見的舊機畫面係咁差，完全係我單方面個人生理和心理有問題。
其實新機靚過舊機，差唔多係理所當然，唔需AB比都知，何況新機推出之後，都唔會有舊機賣，比乜鬼呢?
不過Show一定要做咁解。
講起呢個 Show，主辦單位安排在信興的總壇內舉行，場地關燈之後達到伸手不見五指，
而且地方又夠大，可同時容納好多人，好彩唔係安排在什麼酒店之類的漏光地方。
不得不提是今次負責技術講解的代表 Heron Yau，講得好生動，而且對部機非常之了解，雖然內容有不少數據，
但由他口中講出來，一點悶的感覺都無，說話流暢，睇得出事前做了好好好好好多工課，
有睇過短片的朋友相信都會同意， Heron Yau 這位人材值得一讚。
由於當日我太投入拍片關係，無為他拍攝到硬照留念，請見諒。
先把舊機的表現忘記吧，講返部新機表現，都係JVC應有的效果，喜歡 JVC的朋友一定會滿意，
不過初步就咁睇，可能我幻想力太強，想像了一些天馬行空的要求，和宣傳上大力推崇的 4K 有一段距離。
講到 JVC獨有 4K e-Shife 技術，令 2K 1920× 1080 解像度大幅增至 3840 x 2160 即 4K的解像度。
當然指 2D環境下有效，而唔係講 3D吧，更加唔係容許插入一些用錢都買唔到的非民用4K訊源。
如果唔講我知，無啦啦捉我睇畫面，我係唔會知道現在這個畫面就是經 e-Shif技術轉化出來的 4K畫面。
由於新機價錢和舊機接近一樣的關係，如果是 JVC迷的話，當然是買新機了吧。
一向對畫面有極高要求的周海櫻先生 ( image n sound limited 新視聽 負責人 )可能遲一點會有示範機在他店鋪出現，
到時我試下去參觀一下再作評價吧。
|
|
|
丫~~~官方提供了一張 e-Shife 技術圖，相信大家睇完一定明白晒當中的原理吧。
但對我呢個低智商的人來講，如果唔係因為圖中有英文字母出現，呢張圖究竟係打直放，定打橫放我都未知。
不過呢個世界好奇怪 : 真係明果個又未必買，真係買果個又未必明。
不過我睇唔明唔緊要，你睇得明係最重要嘛。
順帶一提， e-Shife 技術只應用在 X90 及 X70身上，入門級別的 X30 Sorry............
|
|
|
其他強項
提供配合 anamorphic lens 的功能，基本上都一定有架啦，不過講另一個強項吧。
如果用 2.35: 1幕的朋友，一定好喜歡這款機擁有鏡頭調校記憶，一連串動作包括對焦，變焦以及水平/直立鏡頭移動，
有了這功能，日後就可以一步到位地切換 2.35:1和16:9 之間的畫面比例。
還記得第一代 D-ILA投影機紅綠藍三色未能疊正的問題嗎? 現在這技術很成熟。
來到這一代，加入1/16像素校正功能，可進行多達 121點 之微調（11直立 x 11水平）。
|
|
|
買X90 送蜘蛛 ?
見到圖中的蜘蛛嗎? 是配合頂級型號 X90 一起使用。
送蜘蛛 ? 你就想，係用來配合遲一點推出的對應軟件，到時可在 JVC官方網頁Download到，
蜘蛛用家接上電腦後，利用JVC所提供的這個免費軟件，做到自動調校。
不過我覺得擁有蜘蛛的用家，都唔係普通市民，就憑呢個自動調校軟件，他們真的會收貨嗎?
情況就好似 Av amp所提供的自動調校，有邊個一線發燒友話正架?
有關這個 X90 Auto Calibration的資料，可透過以下短片得到進一步的了解。
Video
|
|
|
新款3D眼鏡
當日還同場提供新舊兩款 3D立體眼鏡，下圖為新舊兩款眼鏡在外觀上的比較。
新款眼鏡，無論是鏡片或整體都比舊鏡較窄身一點。
|
|
 |
|
|
|
新款眼鏡最主要係放棄用餅形電池，改用USB充電，附電源開關鍵，每次約需 15分鐘充滿電，電能足夠看 3個小時。
呢款係主動式眼鏡，並非戲院用的 $6貨仔眼鏡，每副港幣 $1280 ，我個人提意，最起碼買 6副，
否則有客人來到，唔夠眼鏡用的時候，你推我讓，上演一幕一幕的孔融讓梨真係版，真係失禮死人。
 |
 |
 |
 |
|
|
|
|
|
|
當日示範會，大家都係用呢副眼鏡來睇 3D效果藍光碟，
圖中只見到其中 3款碟，由於貓頭鷹和蝙蝠俠呢兩隻碟，在會後唔知飛左去邊度玩，影唔到合照喇。
 |
 |
 |
 |
|
|
|
無線傳輸器
單靠眼鏡，仲未可以睇到由投影機放出來的3D效果，一定要配合埋無線傳輸器。
每個 $690 ，比起眼鏡來講，係咪即刻覺得平好多呢? 會唔會仲有少少抵的感覺呢? ^^
推廣期間 X70 / X90，眼鏡和這個傳輸器都會跟機送上，但這個優惠期有限，送完即止，不另通知。
而 X30 就不會跟機附上眼鏡和這個傳輸器，有需要的朋友，就需自行購買。
|
|
|
|
|
|
搖控樣子都係咁上下樣子~~~~~X30的搖控就沒有PC呢一個鍵。
|
|
|
|
|
|
當日比併，X90放中間自己一個無作出比併。
而一左一右就各每一邊放兩部機。
|
|
|
|
|
|
X70與X30一起放在同一邊，用如圖所見的膠架分隔。
|
|
|
|
|
|
另有一部白色.X30放在一角作靜態展示。
|
|
|
|
|
|
機背對比圖
上圖是屬於X30 的機背，而下圖是屬於 X70 / X90的機背。
透過以下的機背對比圖，可進一步了解 X30機背是沒有提供 VGA ( PC ) 接口，其他各款接口與X70 / X90的機背一樣。
|
|
|
三部新機的機壳樣子都是一樣，但有少少出入就係身上的勳章。
X70與 X90是印有 THX 3D和 isf認證字樣。
|
|
|
而入門級別的 X30 身上，是沒有任何認證字樣在身上發現。
4K e-Shife 功能就更加是不提供了吧。
|
|
|
主辦單位當日把巨大會議室大門口，化身成一個電影院一樣的感覺入口。
門口兩側的不是紙牌，而是會變化硬照圖像內容的薄屏顯示器。
 |
 |
|
|
|
|
|
|
為隆重其事，
當日邀請了日本JVC投影機產品部經理 岩崎倫也先生 (Mr. Michiya Iwasaki) 親臨講解
 |
 |
 |
 |
|
|
|
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
