毒害小輝輝 ( 一 )
發佈日期 : 2011年 9月8日
|
|
|
想了一段時間，點樣可以用最簡單方法，在家訪時，順手毒害其他人，使他們走上CAS不歸路呢。
第一個CAS印像是很重要，為免嚇怕屋主，誤以為 CAS係好麻煩的事物，最後想到用 Airport Express 。
她一身有多用，日後我再和大家分享其他用途，今次集中為今次而設的用途。
先看看圖中所見呢四件物品，就係我出門去毒害人的工具。
係咪好輕便呢? 就咁呢四件就可以做到CAS示範架喇，其實可以係三件，因為 iPhone 和 iPad是同一樣的，
只不過我係都要用 iPhone來開頭，iPad殿後咁解。
今次目的，係要對方洗濕個頭........嘿嘿嘿，呢D毒藥雖然係輕量級別，但我好有信心，對方一定中毒的。
出發前在 iPhone 和 iPad內，存入一定數量 AIFF檔案格式音樂在內，每首歌並附有縮圖，而曲目都是平日發燒友熟識的曲目。
|
|
|
好喇~~~~我呢方面的事前準備講完，由於輕便，首先唔會嚇怕屋主，全程只係麻煩到屋主，借個插頭位給我插 Airport Express 。
還有就是把光纖線連接Av amp 和 Airport Express之間，就係咁簡單，相信咁樣唔會嚇親屋主，又唔會覺得CAS麻煩喇掛。
|
|
|
|
|
|
利用呢條另外購買的大細頭光纖線，連接Av amp 和 Airport Express之間，就大功告成。
幼頭接去 Airport Express，粗頭接去 av amp。
|
|
|
今次被我毒害目標人物是大家熟識的 小輝輝，他最近新居入伙，家中是影音分家的器材，
我目的係打算使他知道，自己擁有的Av amp，播歌能力並不比他自己純兩聲道器材差。
他所用 Av amp是 Denon 100週年版本，而擺放這部 Av amp 附近，
也有電源提供給 Airport Express 使用，而同時又可接上光纖線到 AV amp。
由於只有一對前置喇叭關係，平日就要用人手切換兩組喇叭線，
喜歡兩聲道的小輝輝，用在喇叭上的線材，就圖中所見的 TARA Labs THE 2。
|
|
|
毒害小輝輝的方法，是利用他一對主聲道座地喇叭 Sonus faber Toy Tower
和 Sunfire HRS- 8 低音炮所組成的 2.1聲效。
雖然在這個空間用 Sunfire HRS- 8 ，並不是我個人對家庭影院標準，不過用來作為聽歌傍住出低頻，
她應該一點問題都無，但這個只是推測，未試又唔知。
|
|
|
麥景圖呀~~~
你睇，在刁架上的佢更加靚仔，尤其在烏絲燈下，顯得更有氣氛。
|
|
|
|
|
|
麥景圖之嘛~~~~我都有啦，等我用自己帶來果部，同佢果部合照一下先得。
我果部仲可以拿著通街走添呀~~~
|
|
|
一代名器 SONY SCD-1 你無理由唔識掛~~
|
|
|
中置和放在梳化側邊的後置喇叭，都是用上B&W產品。
|
|
|
Denon 100週年版上面的是小輝輝早年玩具，今日只用來陳列之用，
由於這個顯示屏看起來很有味道，小輝輝有些時候會開來欣賞一下，
又再証實多一次，Hi Fi用來睇的道理。
事實上這個顯示屏真係幾吸引，上次拍的預告片，完全因為這些跳動顯示而帶出氣氛，我好喜歡架。
你睇，顯示可以是上面或下面跳動都可以，尤其播放 80年代舊歌時，見到呢排顯示，就最有感覺喇~~~
相信在上一次條片，大家都可以強烈地感受到。
|
|
|
如果你忘記了該條片的效果，可Click以下播放器得到重溫。
VIDEO
|
|
|
OPPO 95是小輝輝的最新宇宙盤。
|
|
|
今時今日，買新電視，一定選有3D功能電視機啦，小輝輝也不會例外。
買電視送一對主動式眼鏡。
|
|
|
好喇好喇~~~~仲有其他器材唔講住，一陣先講，都係講返主題係點毒害小輝輝喇。
接駁好之後，當然係開聲啦，Denon 100週年當然有 Channel Level調校， 2.1之下，超低音係幾咁重要呢。
我再三強調 2.1的低音炮，並不是用來下下打心口而設，聽慢歌的低頻，就係靠呢個低頻 Un出來，
呢種低頻效果，如果在純兩聲道要做到的話，
用家一定要花費好大，在純兩聲道器材上，先可以得到相同效果，我之所以千方百計都要介紹給其他人，就係咁解。
利用 av amp 出 2.1只係成功了一半，因為就咁用CD機聽，都可以欣賞到相同 2.1效果，所以未達到我要介紹CAS目的。
接下來就係播放 iPad /iPhone 內的歌，不過並唔係由 iPad發聲，而係利用無線傳送技術，
使到 Airport Express 接收數據，再以光纖線，送到 av amp 處理發聲。
由於 iPad內的歌附有縮圖，用家就可以好輕易找到喜歡的歌曲，我就係要小輝輝體驗呢個非常之吸引的操作。
呢個方法係屬於 AirPlay的一種，小輝輝的100週年紀念版，是早期購入，家訪期間，小輝輝未有空為她做 Airplay升級手續，
今次利用 Airport Express 來代替該功能，使小輝輝知道效果大約去到邊。
圖中所見，當在 iPad / iphone 播放歌曲時，如果在接上 Airport Express 環境下，就會見到圖中所見的 AirPlay 標記，
按一下就可以給用家選擇直接用 iPad 發聲，還是用 Airport Express 使到 av amp發聲。
由於我把 Airport Express 改名成為 Base Station 999，所以不會以 Airport Express 這個名稱顯示出來。
|
|
|
帶去的 iPad / iphone ，所收納都是發燒友 ( 小輝輝 ) 聽慣聽熟曲目，
現在用唔同訊源，在小輝輝所屬器材上使用，
無需十萬八萬，附出只是小小金錢，用另一個方式玩得更開心。
|
|
|
正式開始喇，把iPad交到小輝輝手上，給他自己感受一下iPad選歌的樂趣，而他所選曲目，都是熟識效果，
由第一首歌開始，小輝輝都完全中晒毒，因為在他家中，一向並不會用 av amp 2.1 來聽歌，
每次聽歌，一定係用 SCD-1 加麥景圖出聲，他現在對眼前自己朝夕相對的 Av amp 另眼相看。
正如早前推測一樣，Sunfire HRS- 8 用作 2.1聲效表現，只要不是播放大動態的聲效是沒有問題，慢歌是滿意的呢。
小輝輝在整個被毒害過程中，都非常開心和積極，他好想快點擁有呢個效果聽歌。
咁就太好喇，上釣喇~~~~~ ^_^ 成功踏出第一步喇~~~
但呢個以 Airport Express 作藥引的方法，並不是發燒友應用的方式，
最起碼是要用一台電腦，配合 Converter 或解碼器，先係最基本設定。
利用 Airport Express ，只是我個人一試對方是否接受到用呢種方式玩器材的試用工具。
雖然 iPad / iphone 收納的都是AIFF優質檔案，
但透過無線傳送到 Airport Express ，是被轉化成壓縮檔，並不是原味 AIFF檔。
何況一部 iPad最大容量，都只是得 64GB ，就算乜都唔裝，單是 iOS 都佔用了 2-3 GB了 ，
擺唔到幾多隻碟就全院滿座，絕對不是長遠計玩法。
小輝輝經過進一步了解後，他接納了用 Notebook 加 Converter ，再利用Remote app 去打做自己的CAS系統。
最後小輝輝問市面上有邊隻 Converter 推介，相信你會知道我點答小輝輝吧，無錯，正是國仁推介的 MF V-LINK ^_^
那日我和小輝輝都玩得好開心，旁晚時份先道別離開，現在還回味和小輝輝的歡樂時光。
|
|
|
事隔一日，我收到小輝輝 WhatsApp............
成功喇、成功喇，証明 CAS 加 Remote app 配合 av amp 2.1係非常之吸引的毒物，
並唔係我神經病院走出來的喜好，最起碼都有小輝輝呢個院友覺得滿意丫。
試想想，係什麼推動力，使他事隔一日，就飛去買 MF V-LINK， 還要購入他家中一直沒有的無線路由器呢 ?
由此可見小輝輝係幾咁滿意 CAS 系統表現。
我收到他WhatsApp之後，再約第二次家訪，因為他告訴我 ...........
時間又夠喇，下集再傾丫...........
如果心急想聽下集的朋友，可比一千萬我，然後留低聯絡電話，
我會打電話講一次比你知，不過燒比我唔收架播，下集見丫。
|
|
|
 |
一 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
