張栢芝
發佈日期 : 2011年 9月14日
|
|
昨日高清台又再重播星願這套超級催淚片,高清台畫質一定好過手上的DVD吧,但無奈要忍受每15分鐘播一次廣告。
回想這電影已是12年前 ( 1999年 ) 的事,當時她非常清純,第二套電影就做女主角,而且仲憑這套電影得到最佳新演員獎。
( 第一套係喜劇之王第二女主角 )
而且也為這套電影唱主題曲星語心願,並在香港電影金像獎,得到最佳原創電影歌曲。
呢套電影真係好正,重溫依然係好感動。
|
|
講起唱片,張栢芝12年前,推出首張專輯 任何天氣,銷量達白金唱片,以一個新人來講,真係好利害。
唔好以為呢隻碟只係得主題曲 星語心願一首歌好聽,其他歌都唔錯架。
重播呢套電影,使我想起呢隻CD碟,立即數碼化,成為CAS藏碟之一。
|
|
好喜歡呢個封面,12年喇,我今日都唔覺得呢個封面Out,
依然清新和清純,碟內還附有兩張貼紙。
![]() |
![]() |
我知,一定又會有人話現實世界張栢芝乜乜物物,其實呢個世界,好多人都係咁架啦,戴著面具做人多的是,
我自己又好得去邊呢?我就無資格批評別人喇。
人與人之間,越睇得清,越發現對方缺點,反而睇唔清楚會比較好一點。
幾時係最好?當然是剛相識的時候吧,第一日比第一週好,第一週比第一個月好,第一個月比第一年好……但點樣都唔夠幻想的好。
只睇到對方好的一面又有什麼問題呢? 何況對方是一個藝人? 只要在幕前做到我幻想的就足夠了吧。
|
|
左手邊是影集加歌詞,印刷得精美,感覺好好。
![]() |
![]() |
|
|
你睇,內裡的風格和服裝,真係一點都唔Out。
![]() |
![]() |
|
|
內裡還有兩款貼紙。
![]() |
![]() |
![]() |
![]() |
|
|
這碟一共收錄了五段內容,第一首是 MV,最尾一首是伴唱,實質就只有三首歌曲。
原創當然是任何天氣和星語心願,還加上翻唱 張麗瑾與鄭丹瑞 留給最愛的說話。
雖然我滿意張栢芝的留給最愛的說話演繹,但對於負責讀白的陳曉東演繹,就非常之反感,如果換上其他人讀白,效果會無咁差。
有關碟內收錄的三首歌曲,我見有熱心市民上傳給大家分享,有興趣的朋友可以去以下三個播放器內重溫一下。
|
|
你還記得內裡的催淚歌詞嗎?
我要控制我自己 不會讓誰看見我哭泣
裝作漠不關心你不願想起你 怪自己沒勇氣........
星語心願
Video
|
|
留給最愛的說話
Video
|
|
任何天氣
Video
各師兄與朋友,這篇文章,如非商業用途,歡迎轉貼再轉貼,如需借圖片使用,
請自便,但敬請不要抹去圖中的 avbuzz.com簽名字樣,感激感激再感激。
◆ avbuzz.com精神,人人毒我,我毒人人 ◆
謝謝收看這篇文章,你是第 個收看這篇文章的讀者。