國內睇MTV7000D

發佈日期 : 2011年 7月23日

 

月初帶同 ipad 返國內,其間在北京,上海,杭州三個地點,分別在酒店和家居內,

試用 Magic TV streaming功能,越洋睇電視直播,哈~~~~~居然都可以睇到直播香港電視節目。

如果大家有去過國內旅行的話,雖然珠三角範圍內,

可以在酒店睇到直播香港電視節目,但長期被國內廣告腰斬或插播原有節目內容。

 

如果珠三角以外就更加係無香港電視節目睇添,但用 Magic TV streaming功能的話,就無問題喇~~~

在酒店利用iPhone或 iPad Wi-Fi上網,就可以睇到家中MTV7000D,但係因為酒店所提供的網速有跟關係,畫質唔可以要求高,

只要唔太要求畫質的話,就可以順利播放到而欣賞到整個節目。

後來去到當地家居試用時,由於屋主用上光纖,速度比酒店好得多,但都唔可以去到極速 5MB,但總之睇得到就得啦。

 

有無留意一個國家發生政變時,叛軍第一時間唔係佔領銀行,而係機場,港口,電台和電視台。

可想而知,操控電視台,係對一個國家幾咁重要,睇完呢篇文開始數手指,

你估用呢個方法在國內睇到原味香港電視直播,仲有幾耐丫拿。

不過呢個方法,只可以在香港安裝MTV7000D,並用iPad和iPhone用Wi-fi對應一次,

之後先可以離開 MTV7000D在其他國家收睇到,國內的朋友就比較難用呢個方法睇了。

北京酒店睇直播

在北京酒店內睇下電視節目先。

酒店的電視節目悶到你呢,而舶講國語,有些更無中文字幕,

呢個時候.............一定睇返自己母語的節目啦,就連廣告都係香港的所屬廣告嘛~~~

 

香港的交通實況,天氣情況,都可以通過呢個方法在互動新聞台睇到。

 

新聞都係無v染原味播放。

最開心係互動新聞台是 24小時,所以一返到北京酒店,無論係幾點,都可以睇到無v染原味新聞。

 

上海酒店睇直播

離開北京後,來到上海的酒店,依然是可以用相同方法睇到直播。

不過呢家酒店的網速就比起北京好,所以可接收到相對好少少的畫質。

 

上海睇有線直播

正當我由北京來到上海時,銀手和太太剛好也要來上海工幹,

在香港機場臨上機前,還有時間來一個早餐,

進餐時不忘在機場內用 Magic TV streaming功能睇晨早新聞,哈~~~又咁巧合地報導上海有關的新聞。

銀手立即用Whatsapp傳這張圖片來上海給我分享。

 

兩日後銀手和太太完成上海的工作,趕來會合,這日剛好我正在上海郊區家訪當中,而銀手香港家中有安裝有線電視,所以這刻可在上海試試。

見到嗎?在上海睇有線電視直播,以前係不可能的事呀~~~~實在太正了!!!!!!

銀手太太用iPhone,銀手用iPad2,都係無任何問題全程睇晒。

 

仲可以用 iPad或 iPhone以外,其他室內發聲裝置來發聲。

 

上海睇獎門人

有線做襟錢,咁...............當時無線做緊乜,正是獎門人暑假旅行團

在上海能睇到呢個電視直播,中間仲要無v染插播廣告,你話正唔正先~~~~~

 

推出Beta2

昨日( 7月22日 ),官方推出最新 Beta2 更新,死仕們!!!!準備好未呀,準備好就更新啦,我就等你們報平安喇~~

雖然MTV 7000D係唔需要用手指升級,就咁用LAN線升呢~~~但官方直到我打字呢刻,都仲未放上 Beta2 ,

暫時只可以去官網用人手Download落手指做升呢動作,激死人!!!!!!

敢死隊聽命!!!!一步到位網址如下: 

http://magictv.com/hk/downloads/mtv3200_3700_7000_6_00beta2.zip

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。