OPPO BDP-95 正式登陸

發佈日期 : 2011年 4月8日   Model : So So

 早前試過部 OPPO BDP-93,本來都只係試下,八下掛呢部機的能力,點不知試試下覺得非常之合自己口味,

操作手感和反應當然唔可以同 Sony PS3 比較,但係無論畫質定係聲效都大大優勝過 PS3,

而且操作更爽過那些所謂萬元級別以上的尊貴機帝機后,雖然明知自己都無乜機會有大量碟可以睇,

但始終有機會接觸到一些優質碟,所以都係要放返部有參考價值藍光機在身邊先得安樂,

於是家中就多了部 OPPO BDP-93 喇~~~就係咁....... 之前的 Sony BDP-S765 藍光機裝飾品   又可以放落床下底了。

原本係想同大家講, OPPO BDP-93係屬於入門級藍光機,

但想想下唔對路,因為市面上千幾蚊都可以買到部藍光機,唔係山寨機呀,有名有姓架。

就以 Samsung BD-C5500為例, 除了藍光碟播到,其他乜D物D都一樣播到,$980有交易,仲係行貨添~~~

BDP-93依家 $4699無可能叫入門級藍光機喇掛,不過BDP-93事實又真係好得我歡心,在發燒級別來講,真係算入門級架喇。

 

無可否認,BDP -95的外型真係靚仔過 BDP - 93好好好好好多,但售價就貴一倍有多啊。( $9999與 $4699 )

計過條數,明知自己一年都唔睇得幾多隻碟,擺多過睇,都係擺部平機算了。

不過我又好想八下掛,部BDP -95 質素靚唔靚得過BDP - 93一倍咁多呢?

早兩日經過,見到BO Acoustic 旺角陳列室,有部用來接訂單,唯一的一部 BDP -95 Demo 機,襯住仲未到貨,於是又去影下個樣咁囉。

睇睇個背面先............

唔.......我的攝影技巧唔夠官方所提供的圖片好,都係用返官方圖比較適合。

咁係咪清楚好多呢~~~~~ ^_^

見到左上角嗎? 平衡輸出,頂級機先有架,我屋企就無喇,所以比我都無用,但一線兩聲道發燒友就會好開心囉。

唔好問我點解唔係 7.1 全平衡輸出,我答你唔到。

 

比埋個正面你睇丫,

係咪靚仔過 BDP - 93好多呢~~

 上次咪介紹過BDP - 93 個包裝好細心,又彩盒,又環保袋,又黑色發泡膠,仲有埋硬盒放配件,

今次BDP -  95 再加多兩錢心思,就係送埋 15粒比鍍金端子用的防氧化膠粒。

日本仔又係唔會想到架啦,我猜佢又唔需要抄 OPPO 咁低庄掛.....

其實又要幾多成本咁呢? 只不過有無心思咁解吧。

但比錢果個就受晒啦~~~~未開機開心一輪,無得頂!!!

IEC 電源插頭,發燒友至愛。

 

搖控照舊無變,都係同BDP -  93 一樣囉。

 

嘩~~~~ SoSo 淨係見到個BDP -  95紙皮箱都咁開心,拆開見埋堶惚}唔得了 ? ^_^

究竟.............個包裝係點架呢,今次有無環保袋送呢? 待續...............

可能你會問,依家仲接受緊訂購,點解可以有開箱相 ? 

原來今日下午,新鮮出爐的 BDP -95 首批貨到步,之前落訂的朋友可以得到現貨了。

眼見老闆今日把大量貨堆到出門口,貨量仲頂到上天花板,係咁打電話叫客來取機,唔好阻住條路,

搞到一鑊泡咁款,都係唔打搞佢咁耐,下次再來囉。

 

雖然仲未有開箱圖睇,但都可以透過以下呢個表,

初步了解一下 BDP -95 和 93兩者之間,究竟有乜分別得架? 

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。