|
|
|
你今日格價未? 長沙灣篇
發佈日期 : 2011年 2月19日
|
|
|
2 月 18 至 21 日，一連四日的香港電腦節 2011，今年依然是位於長沙灣遊樂場舉行。
18日首天下午時份，抱著好奇心來到這個戶外電腦節八掛一下。
長沙灣遊樂場 ? 嘿嘿嘿，呢個遊樂場大門口有好多巴士站架，座巴士送到我去門口，真係開心死!!!!
且~~~~~白資仔
整個長沙灣遊樂場大門口附近的巴士站，通通臨時停用呀~~~
座巴士來的話，一係早一個站落，一係就眼白白飛到下一個站落車行返轉頭囉~~~~
唔想好似我咁低能，就座地鐵來吧。
 |
 |
|
|
|
|
|
|
如果打算座地鐵來，咁就在長沙灣地鐵站A1出口上地面，依指示步行到長沙灣遊樂場大門口喇喂。
地鐵站內有清楚的指示牌，如果都係唔識，就問穿制服的劉醒啦~~
不過呢幾日，一定好多人去架，如果唔想問人，總之人行你行，跟羊群啦。
 |
 |
|
|
|
終於來到大門口喇~~~
嘩~~~~無野下嘛，下午接近四點架喇播，仲要排隊先入到場?唔係多人到咁恐佈下嘛?
原來係排限量荀野，唔怪之得咁早來霸頭位啦。唔......咁.........呢班人今晚咪要訓街?
原來今日早上首日開幕，大會就以一折 iPad 16GB Wifi打響頭炮 (原價為$3,888)，這日以 $388出售，首天限量2部。
最低工資做成個月都無幾千蚊啦，家陣訓一晚就有喇播，訓街都抵呀師兄~~~努力!!!
 |
 |
不過咁啊，他們的荀野，日日唔一樣架，18日星期五第一日主角係 $388 i Pad，19日星期六主角係 $568的 Galaxy Tab (只限 2件 )
仲有 $5599的 Mac Air (只限 1件 )，還有 $1 Seagate 2.5" 320GB 硬碟 (只限 9件 )，
仲有 $1 的 8GB SD Card (只限 40件 )............等等，問你死未 ? iPad 和 iPhone 都有得荀架。
來到 20日星期日，荀野雖然無之前兩日咁激，但都仲有部份產品有留意之處架。
20日星期日留意荀盤如下 :
 |
 |
|
|
|
手快有，手慢無，有心去搶的話，早出發呀~~
|
|
|
正所謂事不關己，乜乜物物，都係入場先喇~~~
收陀地?
乜........入來呢個球場玩，要入場費架咩 ?
嘩~~~~仲大拿拿收 $5 ，一時之間都唔知去邊度籌咁大筆錢。
|
|
|
|
|
|
我本身積蓄，如果比了入場費的話，
咁........我差一點點就夠錢去買的墟心樂園餐，距離目標咪又遠左 ?
|
|
|
都係咪喇~~~~睇睇個場多唔多攤位先，啊~~原來都有接近 140個攤位之多，
應該有返咁上下睇頭掛~~~~
|
|
|
咪住，睇埋個節目表先得。
啊原來佘詩曼，長腳蟹，仲有我最最最喜愛的Chock聲湯寶珍，都無打算來會場呀~~~ ^-^
單靠呢D節目吸引唔到我播。
|
|
|
正在十五十六，計算是否動用呢筆積蓄時候，好彩比我見到，
原來呢度係可以接受八達通，咁都無咁驚。
Do~~~~得左!!!!!順利入到場。
|
|
 |
|
|
|
丫~~~~原來比了 $5 唔係淨得入場卷架播，仲可以得到一個圖中所見的福袋。
唔~~~等我打開來睇睇有D乜先得，由於福袋內容個個唔一樣會有出入，
所以我都唔知自己抽到全場最差定係全場最豐富啊，不過我相信都超出 $5 呢個價錢啦。
 |
 |
 |
 |
 |
 |
 |
 |
 |
 |
|
|
|
呢個戶外電腦節真係好多野買架，拿你睇睇，衣車啦，開紅酒器啦，電鬚刨，連菜刀都有呀~~~
呢 $5入場費真係比得值喇~~~明明係電腦展，居然有意外的驚喜，我真係估你唔到呀~~~~
 |
 |
|
|
|
|
|
|
以上唔合眼緣嗎? 唔緊要~~~~地拖丫，再唔係煲丫~~~~
洗牙器都可以架播。
 |
 |
 |
 |
 |
 |
|
|
|
咁藍光碟適合喇掛$77 - $99都有交易架~~~~
|
|
|
圖中所見的近日必睇正片東風破，上週剛推出時，我的撲入價是 $145，想不到這日在會場居然會 $99有交易。
我影呢張相的時候，真係含住眼淚手都震晒咁忍痛影架，真係無陰功。
另外市值 $125的大隻佬，倩女幽魂，監獄風雲，星爺經典笑片，成龍成名作.........等等...............都係$99有交易。
 |
 |
|
|
|
會場仲有各式美食，價錢又唔係好貴，腸腸 $10 一條，買兩條來做雙節棍，仲平2蚊雞天。
有味道飲品 $7- $8，淨水平兩蚊，
之但係.........點解一碗有三款料的麵，同一條 " 吊吊Fing " 的腸售價係一樣架呢?
呢條數學題會否深左D咁呢?
 |
 |
 |
 |
 |
 |
 |
 |
|
|
|
|
|
|
以上食品，我就食唔起喇，我想出去買個豬仔包乾吞算，
不過.........如果我依家出左去，仲可唔可以入返來架?
啊~~~原來出大門口時，來到呢個位置，只要伸隻手比工作人員打一下呢個隱形印在手背上，咁當日返入來會場，係無需再附費用的，
因為工作人員有枝燈，係可以照到呢個隱形印架，其實票尾都印有當天日期的，真的需要在手上打印嗎?
後來我想想下，可能大會怕有些離場人仕，把用過的票，交比場外的朋友循環再用，
大拿拿$5入場費喎~~~有人咁做的話，大會就真係血本無歸嘛。
唔好理咁多事喇~~~~大會有呢個安排，咁只好依照遊戲咁玩啦，唔該打印丫哥哥仔。
喂喂喂~~~唔同你講咁多喇，我去買豬仔包喇，不如你自己行下，睇睇呢個戶外電腦節會場，有乜東東丫。
|
|
|
其中一個攤位，見到呢句標語，咁有信心 ?
|
|
|
你今日格了價未?
未 ?
咁就要 Click入以下的圖片庫睇睇喇~~~
http://www.avbuzz.com/event/album1012
|
|
|
|
|
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。
