機密邂逅  The Tourist

發佈日期 : 2011年 1月10日            圖 / 文 : 巴斯 

　　何解呢套電影排唔到聖誕和農曆年上呢?會唔會係弱片呢?這是我最擔心的。

睇過預告片，又唔似丫，基於自己是Angelina Jolie影迷，依然係撲入去睇。

非常幸運，這套電影並非3D，

並且在第一志願，圓方6號震動椅影院有得上演，票價$65，太美滿了吧。

Angelina Jolie是荷里活電影女星裡，高貴又得，型到爆的動作又得，這正是我喜歡她的最大理由。

如果你是相信，越是漂亮的女人，越懂得說謊，越懂得如果利用身邊男仕為他們做事。

Angelina Jolie所主演過的角色，一次又一次地去証實這點，呢套都唔例外。

今次她演的這角色，是美貌與智慧並重，反而係冇身手的普通女生。

片中的Angelina Jolie，同樣地靚到不得了，多個鏡頭都可以即時用作樓盤或化妝品廣告，尤其尾段，高貴到佢呢。

個人評價

不明白為何找來發漲的Johnny Depp 演這角色，呢類平平無奇不起眼的做型角色，

一街都係，無需要找他來演，何況我一向不欣賞他的演技。

今次我對他的觀感也沒有任何改變，如果硬要說的話，有點更差的感覺。

這片雖然有動作和爆炸埸面，但所佔比例不多，震動椅作用不大，全片都係睇Angelina Jolie個人表演，

作為Angelina Jolie的Fans就冇投訴，因為就算有悶場出現，單看Angelina Jolie的樣子，就可解悶，

這點我好放心，何況這電影沒有使我覺得悶場的感覺。

但如果和上一套Angelina Jolie作品 salt比較的話，我喜歡salt多一點。

對我來講，這類鬥智片，劇本好重要，我覺得呢套片的故事不過不失啦，非睇不可就唔講得，可以一看咁囉。

如果好像我一樣，是Angelina Jolie迷的話，一定要入場支持一定喇。

本片的導演係以下呢位，業積? 以下圖表可有小小頭絮。

唔......看過了吧，好似...........

下圖可見到Angelina Jolie近年作品名稱。

下圖可見到Johnny Depp近年作品名稱。

下圖可見到，叫係第二男主角，近年作品名稱。

如果對這套電影感興的話，可先看看以下官方預告片先，睇過之後再作打算。

  VIDEO  

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。