多功能傳送 的 Whatsapp

發佈日期 : 2010年 10月24日            圖 / 文 : 巴斯 

　來到呢個事事一步到位的年代，電郵，SMS 都唔夠好用，身邊越來越多朋友加入呢個老牌 app，

這個 app是否適合自己並不重要，最重要是當身邊朋友都一一使用，

自己無論是否滿意，都要加入成為一份子，否則保証被孤立。

昨日加入了這個 app，終於明白點解咁多朋友用，因為~~~~真係好好用。

安裝後，進入喜好項目，就會見到以下呢個表，千萬唔好誤會係用家自己的電話薄，雖然好似樣。

呢個表，係利用用家自己的電話薄，顯示出同樣有用 WhatsApp 的朋友名單出來。

所以用家見到表內的每一位名字，都係用家自己熟識的電話薄親友。

無安裝呢個 app的親友，當然唔會顯示出來啦~~~

而用家電話薄內原本無名單的生梳朋友，更加唔會顯示名字出來。

如圖所見，給顯示出來的朋友，就可以見到對方的 Status 。

選取聊天室的話，就可以和朋友溝通架喇，

而且可以一目了然咁見到對上一次和對方講到什麼內容。

留意在呢個 app同樣對表情公仔有效架。

多功能傳送

點解我喜歡呢個 app ? 

因為除了文字互通之外，仲可用以下方式傳送。

如果只係對應文字，用SMS就得啦，無需又要再安裝多一個 app吧。

傳送包括硬照，短片，連錄音都仲得~~~~太強了吧。

傳送口訊

發硬照呢D基本功能就一定有架啦，唔想打字的話，可以直接錄音，一輪咀講講講，講完就可以發出，

對方立即聽又得，有空先聽亦得，得左~~~

按圖中所見的 Record 鍵，就開始自己想講的內容，講到夠就按 Stop鍵。

每段內容只有兩分鐘時間，其實都夠用啦，

我就無可能一口氣講兩分鐘棟篤笑喇，所以對我來講有凸添~~

如果真係唔夠長，咪再錄多段囉。

錄完之後可以自己聽一次有無錯先，

有錯就殺，無錯就 腥~~~

傳送短片

如果覺得錄音都唔夠，可以拍埋片架播，咪就係用 iphone自己的短片拍攝效果囉長度上限為 30秒。

同平時拍片一樣操作，只不過拍完之後就有下面的選項，

拍得唔滿意可再拍過，滿意的話就 腥~~~

轉寄

以上無論是對方的文字內容，硬照，短片，或者錄音，都可以轉寄比其他親友，

圖中所見的編輯鍵，就是給用家上述之用。

心水清的朋友應該可以見到，除了可轉寄其他朋友外，還可抹走內容，但這裡所謂 Delete，

意思是洗了顯示出來給自己見到的內容，並不代表Delete早傳送到對方的內容。

用家在自己這一邊 Delete 某內容，對方依然是手上的。

如圖所見，選了某內容後，就可以決定是轉寄出去，還是 Delete 顯示。

和其他同類 app一樣，在手機備用狀態下，

如有最新訊息，都會第一時間在面版顯示出來。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。