三個願望 實現第二個
發佈日期 : 2010年 8月23日 圖 / 文 : 巴斯
全城依然在搶購 iPhone 4，我也只好一直等等等和等。
生日前出賣自己樽鹽，獲得補償後上網訂購另一部新機，當時電郵通知係月尾到步。
 |
三個願望 實現第二個
想不到有驚喜，就是再次收到電郵，提示我會提早收到機，
這日無需等到月尾，就可以再次得到 iPhone 4，好開心呀~~~
開盒後發現，手上所擁有的，是最新版本，打算越獄的朋友，呢批貨就要等一等了。
呢輯並唔係有關 iPhone 4 開箱圖，而係記載得到呢部機之後所發生的點點滴滴。
每次和朋友談 i Phone 4，對方都是講天線接收問題，好悶呀~~~
如果罩門位是確定在該個位置的話，一向用右手握機的我，係唔會接觸到罩門位，
加上我平日傾電話，習慣用藍芽耳機，所以手也不會一直拿著機身，就算真係有呢個接收問題的話，對我影響真係好細。
iPhone 4外型咁靚仔，在我眼中，市面上無任何一款保護套，會靚仔得過佢真身，所以我一定唔會用機套。
為了解決保護機身還有話天線問題，當得到機之後，唔好煩我，第一時間就係去把 iPhone 4整個身體包膠喇。
把整部機過膠的話，唔好再同我講那些什麼天線接收問題了。
把手機整部機包膠，並非新玩意，自第一代 iPhone就有，只不過當時用家，只是想好好保護機身吧，與接收問題無關。
今次得朋友介紹，在一家名叫星暉的店鋪做呢個手術，所貼上的是完全透明款式。
店鋪正舉行優惠活動，我有三位朋友之前在這店包過機，集齊印花後，我是第四位，可享八拆啊。
由於每部 iPhone 4包膠需時 30分鐘，加上有不少人輪候，
所以一定要打電話Book時間，否則碰上黃金時間的話，要等好好好好好好耐。
我所貼的是完全透明款式，分兩塊貼上，第一塊復蓋整個底部和不銹鋼圍邊 ( $160 )。
而第二塊是表面的高清保護貼 ( $70 )。
 |
 |
老闆娘起手式，並不是包膠，而係抹，把機身抹得乾乾淨淨是最重要的一環。
老闆娘用圖中的白電油，把所有油漬和指紋一一抹走。
 |
 |
然後在圖中以藍色托底的紙上，
取出一塊透明材料貼出來，然後蓋著機身底部去。
 |
 |
過程需要一些熱力去幫助材料貼收縮，所以圖中會出現風筒。
圖中可見，該塊透明材料貼的面積比機身大很多。
老闆娘，一邊用手去把邊位接緊和把表面抹貼。
 |
 |
當整個底部和邊位都緊貼機身後，老闆娘就拿出非常鋒利的刀，把多餘出來的膠邊 Cut 走。
這就完成了整個底部包膠的工作了。
 |
 |
接下來，老闆娘再拿出幼條透明材料貼出來，把機身圍著不銹鋼邊貼上。
 |
 |
最後把所有機身上的生口位，例如電源開關位，喇叭位，耳機位，
機身側邊的音量調節鍵，Sim Card位，背面的鏡頭位置...........一一用刀介出生口。
接下來是選擇屏幕面表的保護貼了，市面上一般的透明貼，質料見得下人，大約 $30-$40上下，這片就要貴接近一倍價錢。
iPhone 4 強項是她的視網膜畫質，所以我不想有一些不必要的畫質下降。
因為該個防指紋質地物料，表面會有細細的紋，或多或少，影響我欣賞視網膜的畫質，所以我選擇表面光滑的高清貼。
當然，針無兩頭利，用高清貼的話，就要成日用布抹去指紋吧。
圖中左手邊的防指紋質地物料 $120，右手邊為高清貼 $70 。
老闆娘用純熟的手法，把高清貼，直接貼上去機的表面，然後用抹布在表面抹幾下就完成了。
最後一步，就係撕了表皮出來，就大功告成!!!!!
 |
 |
呢間店鋪，係在先達三樓 ( 頂層 )，不過女生們最好和男生一起去，唔好獨自去呀，
因為附近有色情光碟店鋪，而這間店鋪的鄰居，正是其中一家四仔店。
攪惦!!!!!貼完好似無貼一樣咁靚仔!!!!又可以起到最基本保護作用。
 |
 |
 |
 |
完成手術後，會合在街口對面的朋友下午茶，
智能手機的好處，就係可以即時把圖片上傳到 Facebook。
呢點會使到大家都唔係好想再用 DC 影相，因為影完仲要返屋企先有得貼圖。
相比起即貼即讚好，相差實在十萬九千里了。如果呢部機的影相質素係合格的話，會係一個好方便的事。
以下圖片，係用 i Phone 4 所拍攝，而且每一張圖，都可 Click 入去收睇原圖，
圖片內，我只係畫了隻龜，無調校過任何光暗，色溫或顏色。
 |
 |
 |
 |
微距
微距是我最最最關心的效果，因為呢類智能手機，
對我來講，影食物是最最最重要，如果無微距的話，對我來講係廢物。
圖中右手邊係 iPhone 4的最近距離極限，無論顏色，解像度，或是距離，
作為貼上 Facebook或電郵給朋友的圖片來講，我真係收晒貨。
 |
 |
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。