iPad 下集 應用篇

     發佈日期 : 2010年 4月24日    Model : Winnie   圖 / 文 : 巴斯 

個人評價 

單刀直入不要浪費時間，試用過之後，改寫了我對 iPad的睇法，因為我早前未見過實物，

更錯誤推測了她的真正用途，所以早前決定不打她主意，但今日我下定決心，要向著擁有 iPad這個目標進發。

早前我一直只係顧著 iPad是自己一個人使用的工具，覺得在公眾場合拿出來用會好異相，

原來這部機，是與親朋戚友聯誼時使用的娛樂工具。

例如一起睇相或者睇片，你介紹我睇呢樣，我介紹你睇那樣，重溫邊次邊次的舊相............真係開心死。

但必需是在大部份可上網地方用，先可以玩得開心，只靠家中的無線 Wi-Fi是不夠的，

否則出到公眾地方無Wi-Fi熱點，就好無趣，試問一部不能上網的 iPad，豈不是等同廢鐵?　

 iPad實物比我一直幻想細部一些，這點使我明白，一定要找人來和 iPad 合照，先不會誤導其他人。

當日我就是誤會了機身的真實比例，現在有 Winnie 做比例可以知道得更清楚。

而且也可見到屏幕，在室外露天情況下，屏幕的反光程度。

9.7 "多點式觸控屏幕，當一班人圍來看畫面時，由於可視角度達 178度，正是養兵千日，用在這一朝喇~~~

站邊的朋友，依然是可以見到出現在屏幕上的畫面，太開心喇。

而屬於LED背光 IPS 顯示幕，瀏覽網頁靚就理所當然啦，但最最最最囉命就係加入了味精效果。

我自己影的相有幾狗肉，平日大家都領教唔少，原來把相片倒入 iPad內，經過處理後再以這個味精屏幕顯示出來，

相片的質素變靚了!!!!!!給我一個驚喜呢~~~呢點真係好毒!!!!

不要誤會圖片單是推光或做了一些濃烈鮮色來討好大家，事實上係整體上表現一起提升，

最適合我呢類唔夠料，但又能提供一個自我陶醉相片的夢啊。

把 Winnie 手機內同一張圖片，與 iPad屏幕作比較，1024X768解像度的iPad，面積大過 iPhone，

圖片反而遠勝縮細了的圖片，太強了吧!!!!!單是這一項功能，就足夠毒死我。

iPad的相薄，每一本相簿，都用如圖的方式去做成縮圖，方便大家去找不同的相薄，我很喜歡這個無咁死板的縮圖。

每頁同時出現 12 本相簿，想再看其他的話，就向下掃找就可以了。

把眾多相薄當中，拉一輯出來的時候，

方便得來又有型，可在朋友面前拖拉整輯相。

再放在這個位置上慢慢選，細心留意 Winnie 的手部比例，可大約猜想到每一張縮圖，都如郵票般大小，

找相方便好多，無論是小朋友，或是老人家都手到拿來。

如果選取幻燈片播放模式的話，

iPad即時變身成為電子相架，可以淡入淡出呢D低能轉換花式就一定有啦，最囉膽係提供埋背景音樂，

音樂仲要係可以來自音樂庫內自己喜歡的音樂~~~~~問你死未?

做開電子相架的廠........握噢~~~

 iPad 一個字形容晒，就係  堅!!!! 

平日我們就算用家中電腦上 Facebook，都會覺得內裡的文字好細，但用 iPad 就唔係咁講喇，

同樣以Winnie來做比例，可見到放大了 2X Facebook內的 Wall ，看得有多開心呢。

而且打字時候所提供的鍵盤好清楚，透過 Winnie 的手指你都感受到真實打字環境下是多舒適。

但你唔好再講有關繁體輸入問題了，全人類都知道打唔到繁體架喇~~~知架喇~~~~知架喇~~~~

打英文或者簡體啦，睇繁體無問題啊~~~

唔好提剪剪貼貼先貼出繁體喇~~~咁麻煩，索性話唔對應繁體輸入好過啦。

如果覺得輸入面積唔夠大，轉另一個角度丫~~~~~滿意了吧。

有幾次我身處街上，突然有朋友約即慶睇戲，

呢一點Notebook救過我好多次架喇，在朋友面前一起即時上網訂票，

仲有時間和朋友討論看那一家戲院和那一場比較適合，iPad訂票比我平日所用的 Notebook更方便。

Winnie就即時試去電影院網頁系統內訂票，圖中所見，Winnie的手指算是幼，但要選兩個位的話，都要一些技巧。

Winnie 利用機內的 Zoom大畫面功能...........噢~~~~你睇你睇。

你話我知，咁樣還會篤錯嗎?

試問你朋友睇著自己用呢種方式訂票，仲唔型到爆咩~~~真係訓著覺都Kit一聲笑醒呀~~~ ^_^

　除了訂票篤得開心之外，上MSN都係好強架~~~

你睇 MSN的顯示介面幾開心~~~~~單係新鮮感都囉唔少分啦。

iPad係一件消閒工具，用來發白日夢就最好喇，

講到發白日夢，看雜誌就最開心而且投入。

你話他日所有日本時裝雜誌，都可以好似咁睇書的話，真係開心死。

正如我上述講過，這個屏幕很味精，畫質極之討好，在一個發光體上見到所有物品都有高對比度畫質，

欣賞呢一類以圖像為主的雜誌，我同你講丫，真係迷晒落去，乜野都唔想做架。

iPad 另一個強項，就係在一個接近 10 " 的畫面上看Google全街景地圖，真係好囉命~~~~

本身找得地圖來用的一刻，一定係對目的地好陌生，好無安全感，好想盡快知道目的地係點。

大家都用過 Google 全街景地圖架啦，有幾好用唔需我再多講。

平日用手機上Google 全街景地圖，屏幕很細少，操作未能得心應手，

但在街上用接近 10 " 畫面的 iPad 找到目的地，還可以利用 360度球型來觀看附近環境，

平時的手機點可能做到咁方便又就手呢，那個視覺效果先最囉命。

你把 Winnie的身軀做比例，你就可以猜想到Google 全街景地圖這張圖有多清楚了吧。

不要忘記這全街景地圖是360度球形轉動的呢。

的而且確，iPad確實是無法對應 Flash。

就以 avbuzz.com的主頁來講，用Flash來寫的位置都是看不到。

但我相信過渡期很快就會完結了，因為在美國本土就開始有其他的網頁瀏覽器推出，

只要安裝到 iPad 之後，今後用該個網頁瀏覽器來看網站，就解決了 iPad 無法看到Flash的問題。

但暫時香港的App Store還未能提供到 iPad用。

不過這段過渡期，又並不是所有用 Flash寫的網頁都睇唔到，

就以日常多人看的生果報為例，用iPad內置的網頁瀏覽器，是看不到動新聞，

一直有用 i Phone或 iTouch 產品的朋友，都知道有 apps 可解決這個問，來到 iPad同樣可以安裝下來直接播放動新聞。

安裝了這個 app後，iPad就可以無需經網頁瀏覽器，

而一步到位，輕易收看到每一則動新聞了。

在今日圖像化的年代，就算是新聞的目錄，都是以縮圖方式去表達呢。

動新聞依然是可以在 iPad 內播放。

YouTube 是今日不能缺少的東西。

透過 Winnie身軀做比例，可見到整個接近 10"畫面大小的短片，

一大班人一起看是多開心呢，當然畫質都是一個問題，但上得YouTube，

都是追求內容為主，畫質為次的娛樂，我相信大家都會接受的。

講起 Youtube，美國一位 99 歲老婆婆，接觸她一生中第一台電腦 iPad。

婆婆一向熱愛閱讀，但是隨著年紀越來越大，青光眼使她看不清任何文字。

但是在 iPad 的高對比度屏幕上，加上文字畫面可以 Zoom大後不影響畫質，比放大鏡更好用，她開始重新得以閱讀，甚至寫作。

婆婆的家人根本沒怎麼教過她，婆婆已經自己學懂該怎麼寫東西在 iPad上。

由購買 iPad 到現在，她已經讀了兩本書，寫了十二首小詩。

其中一首詩是婆婆獻給 iPad 的。

有熱心網友把這則新聞發放上 Youtube 給其他錯過的朋友得到重溫。

想重溫的話，可直接按以下這個播放器。

想要高質素，當然是下載拆肉去骨的電影預告吧，apple網站自己下的片，一定方便啦。

畫質也是在這個接近10"畫面的高畫質，但只播放到最高 720片，1080片還未用得上。

但在這個畫面上 720P片都好滿意喇~~~

下載回來的片，都是以縮圖方式做成 icon，不但美觀，而且又方便找尋。 

酒樓的家庭聚會，碰上有小朋友坐唔定又叫唔停，對呢類小朋友，只要把iPad內的遊戲開啟 .......

試想想，用一個接近10"屏幕的 iPad來玩遊戲，

我保証小朋友在 30秒........唔係.........應該即刻乖乖地，坐定定在玩，無需要父母勞氣。

iPad還可以化身成為搖控，操作家中的音響播放器。

如圖的 icon ，按下去就可以做。

圖中左手邊的GENEVA音樂播放器，平日本來是把 ipod 類插上，就可以直接播放內裡的歌。

但利用剛剛Winnie所指示的 icon後，GENEVA音樂播放器就可以播放圖中左手邊 Macbook 內的歌。

透過無線裝置連接就可以了。

圖中所出現的歌曲選單，並不是來自iPad本身，而是來自 Macbook 內的歌。

Winnie可自由地利用iPad來選播 Macbook 內的歌。

而Winnie正利用 ipod 來調校GENEVA音樂播放器的聲音大小。

我真係非常非常喜歡這部 iPad的設計，用她來打直看avbuzz的文章，圖片和文字都出得多一點，更加一目了然。

擁有這產品，開心過玩一部家庭影院器材多多聲。

iPad能上網是最重要，不能上網就等同是廢鐵。

 ipad暫未有3G版本推出，但就算推出了，香港也暫時沒有供應商有提供該項服務。

雖然可以無需一定要有3G版，但要用 PCCW 或 3仔台的 Pocket Wi-Fi，

呢部機，係把 HSPA流動通訊訊號轉化為Wi-Fi覆蓋，總之接收到電話的地方，就同樣代表上去到網，

速度也是高速的，而且仲可以分比身邊五部Wi-Fi產品接通上網。

下圖就係 Pocket Wi-Fi的樣子，呢部機無線架，大細就同部普通手機差唔多，但要接受佢用電量和要帶埋佢出街呢。

雖然圖片來自 Netvigator ，但3仔台一樣有呢款機。

不過依家講緊上唔到3G計劃，只好用佢啦，而且 iPad 淨WiFi版平少少嘛~~

上面呢部機是可即時解決上網問題，但我接受唔到多帶一件東西出街，而且我相信都好食電...........

未能提供繁體輸入，也是使我要多等一回的決定。

非常多謝虎妞給我機會接觸到這部機，使我對她有進一步的了解，也使我對她改觀。

希望以上兩個問題盡早解決，我就可以出手了。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。