十月圍城
發佈日期 : 2010年 1月7日 圖 / 文 : 巴斯
總結
全片以舊香港中環作為背景，諷刺係全程在上海拍攝，
還以4300萬，在上海搭建一座1905年中環場景，但像真度好好丫，場景我滿意架。
片長 135分鐘的十月圍城，對我來講有點失望，在這 2小時15分鐘內，有些時候我覺得悶，
加上入場前我刻意唔想知道有關呢套電影的所有內容，最後原來並唔係我所幻想的內容，心裡總係不滿吧。
片中動作場面不多，但總算有幾段，打得一般啦，他日都因為呢個理由而不會買光碟收藏。
而睇過一次這套電影之後，無論是入電影院，或是光碟重溫，都沒有打算再睇多次，
片中很多演員，多到在這 2小時15分鐘內無法一一刻畫他們的角色性格出來，我覺得有點浪費。
而片中最多人踩黎明所演的角色，都咁多人踩啦，我都無需要加多腳喇掛。
我完全明白欣賞電影時，總不能太理智，但這套電影內的劇情，真係有不少使我很難相信和投入的地方，
這點或多或少，扣了很多分數呢~~~
總結完
純動作精采預告
有熱心市民放了有關十月圍城預告片到網上，有興趣的朋友可看看以下的精選預告片。
請Click以下 Play鍵播放片段
對這電影有興趣朋友，可去十月圍城官方網得到更多資料
http://www.bodyguardsandassassins.com/
廢話時間
多謝你睇完總結，依然看廢話時間。
終於可以在這個假期，抽空睇到十月圍城喇~~~~
今次係第二次來 i SQUARE睇電影，但今次並不是在 i SQUARE IMAX院，而係在 1號院欣賞。
因為我還未看過 i SQUARE IMAX院以外的其他房間，所以順道一看。
i SQUARE 佔盡地利
乘地鐵來到尖沙咀站，無需上地面，大家可在地鐵站內，分別找到圖中所見的 H 或 R 兩個不同 i SQUARE 地底出口。
兩個地底出口，都是貫穿 i SQUARE和地鐵站之間。
方便到佢呢~~~~就算係黑雨都唔關事，大家可不需任何雨具情況下，安然由地鐵站步入這個商場內。
 |
 |
圖中就係1號院座位圖，大約可猜想到實地是如何樣子。
以下就係 i SQUARE 1 號院的平面圖，
可大約猜想到座位的佈局。
而實地的位置是如圖中所見的傾斜，除非米高佐敦座前面，否則不會有人阻擋到視線。
但圖中的銀幕，左右並未全開，千萬不要誤會是如圖的細小，開場時會左右打開，我是滿意打開後的屏幕呎吋呢。
不如換過另一角度看看座位角度吧。
1號院的座位雖然也是真皮椅，但顏色就有別於 ISQUARE IMAX院。
劇情分享
如果你打算入場看這套電影，請千萬千萬不要再看下去，因為以下內容，係我打算和睇了這電影的朋友分享，
如你未睇的話，預早知道了劇情，大大影響你日後觀看的心情和效果。
拿~~開始架喇~~~~唔好再睇落去呀~~~~拿 3 ...........2...............1............一個半.............
我無想過係革命片，睇完之後，覺得之前的人好大犧牲，我就無呢個心喇~~~
如果唔係歷史的話，我一定會罵寫劇本的人亂作出來，因為太唔合情理喇，
點可能連自己的命都唔要，就係為搞革命，所以好配服能為革命犧牲的人。
除了革命義仕之外，正如上面提到過，片中有很多不合理的事情，使我很難投入劇情，
例如後期殷子丹就是因為范冰冰答應佢，他日會向佢女兒提佢個名，咁甄子丹就唔要命咁去保護佢個情敵...........呢點我真係好難接受囉。
你是否記得佢的打鬥場面，只係接近尾聲叫緊張D，其他就一般啦。
而連續五年入選中國最美50人選舉的范冰冰，今年更名列前三名位置，
在這套電影的演出一般，但她所化的粧極之像昔日女性的樣子，很利害呢。
 |
 |
今時今日李嘉欣唔再係我眼中第一美女啦，但近年都少見佢在電影演出，以為呢套電影會見多D佢，
且~~~~~原來只係出一個兩秒鏡頭，仲要無對白，短過平日見佢護膚品廣告。
好彩入場唔係因為佢Jack，否則一定叫回水。
你記唔記得當開估劉公子，愛上不該愛的女人，原來係李嘉欣的時候呀，哈~~~篇劇真係大整蠱囉~~~
王學圻演商人李玉堂，真係演得好，是全片演得最最最好的一位。
 |
 |
外面最多人不滿的要算係黎明一角，而我不但不喜歡他的造型，更加唔明白點解吸食鴉片煙的劉公子會咁好打囉。
我都話明白睇戲唔可以太理智，我真係明架，但佢連個表情同做型，都好難使我相信佢好打得囉。
而演阿四的謝霆鋒雖然今次唔再型仔，在片中演出一般啦。
 |
 |
全文完
其他相關筆記
各師兄與朋友，這篇文章，如非商業用途，歡迎轉貼再轉貼，如需借圖片使用，
請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。