Canon Power Shot S90 

實用

Model : Ceilia 

發佈日期 : 2009年 11月4日     圖 / 文 : 巴斯   

Canon Power Shot S90 其中一個最大賣點,當然就係她可以全手動調校光圈和快門啦。

而她的操作是以一隻手轉動 手動環 來調校光圈,另一隻手轉動機背雞仔餅來調校快門,好似單鏡機一樣。

下圖由 Ceilia 示範轉動的位置,正是手動環了。

在手動模式時轉動這個手動環,就是調校光圈值。

而轉動機背這個雞仔餅的外圈,就是調校快門埴。

所以操作起來很有單鏡機的感受。


但如果用家覺得無需要用手動環來調校光圈值的話,

手動環是可以容許去修改成為其他功能,圖中 Ceilia 手指所示的 Ring Func.,正是修改手動環的設定。

按著 Ring Func.的話,如圖所示就可以給用家去修改手動環的功能,

透過下圖,可見到手動環可以修改成其他功能。

由於S90的光圈和快門都可以因自己喜好而自定,所以影光纖效果相就最開心喇~~~~~

雖然 S90 是可以長時間曝光,但並唔代表可以無限拖長曝光時間, S90快門連度為 1/1600 至 15 秒,

由於不對應 B 快門,所以最長也只是有15秒的上限。

不過要影呢類光纖效果相,加上光圈可作手動調校配合,曝光時間有 15秒都足夠了。 

Snap Shot

 機仔其中一個強項就是機身細小,平日放在褲袋,有需要時,

就可以在 2秒內抽出來影相,非常方便,何況 S90 起動能力很高。

而且測光準,對焦又快,用家只是需要把精神花在構圖上,無需理會一早選好的自動模式,

利用 S90 來 Snap Shot ,基本上係一種享受,睇到就可以影到,成功感自然高吧。

影得太多死物,總不能離開女生啊~~~~~~用 S90 影一影白裡透紅的  Ceilia 先得。

 Ceilia  >>>>>    好靚啊~~~~~以一部機仔影人來講,我收貨架喇~~~~

微距

平日用機仔影相的話,都係一些飲飲食食的相居多,所以花花微距功能對我來講好重要架,

呢部機的微距並不是機仔當中最強,但係以 5 cm 影食物大特寫的話,絕對無問題。

而出來的質素,我就收貨喇,唔收貨就買部萬萬聲的單鏡反光相機加枝萬萬聲的微距鏡頭丫唔該。

~~~你睇到食物的新鮮感嗎 ? 呢D質素相片Up上 Facebook或網上相簿,我就無投訴架喇。

影完室外,不如影下室內相片先。

各位觀眾,鐵板炒麵~~~~~

 

不過D麵太過白,加隻蛋落去會好好多架~~~~~

大光圈微距散景

  飲杯!!!!

小插曲

留意呢張相,正處於相機的自動模式,現場我打算表達這部機 105mm Zoom的力量,所以要影兩張相,一張遠,一張近,

圖中我係影第一張遠景,成像後點知我正想 Zoom近去擦鞋匠的時候,突然有一件主體高速劃過...........

卡擦 ~~~~~!!!!!噢~~~~~就係咁,個主體就入左鏡喇~~~~呢張相號碼係 IMG_0177 ,即係話影呢部機只係影左 177張,

對於一部從來無影過女生的新機來講,仲見到咁款,一時之間當然唔知點算啦~~~~

呢部機有四級防手震功能,但無用丫~~~震成咁主要唔係手震問題,係主體移動得太快的關係。

當時架機快門係處於 1/50 ,光圈 2.8 , ISO 200

架機影完呢張相,仲顯示主體中間位置曝光過度,就算右手邊白衫男仕,同樣係曝光過度呢~~~~~

所以影出來咪咁樣囉~~~~震晒呀,失手囉。

 

 105mm   Zoom

算喇,我都係搵過另一個位置試 Zoom 吧,好啦就呢度啦,呢度唔會發生剛剛的事情,

S90 擁有 28mm-105mm 3.8倍光學變焦鏡頭,首先影一張 28mm 廣角先。

卡擦 ~~~~~

好,等我依家 Zoom~~~~~  Zoom的時候,S90有點呆一呆先去馬,呢點有少少扣分。

呢張就係 zoom到105mm成像圖喇,你滿意嗎?

以機仔來講,我真係好滿意架喇~~~~,何況因為呢部機成千萬像素,再唔係咪再 Crop出來囉。

拿~~~Zoom完唔滿意咪 Crop 成咁樣囉,好清楚見到幾多號電話喇掛~~~~

唔好唔記得最初未Zoom到Zoom了,再Crop,一般市民都好夠用架喇~~~

唔通真係想做間碟咩~~~影張相遮老細~~~~

試左咁耐用 S90影示範相,好悶呀,等我搵 Ceilia 和 S90合照一下先得。

待續~~~~~~~~~~~~~~~~

各師兄與朋友,這篇文章,如非商業用途,歡迎轉貼再轉貼,如需借圖片使用,

請自便,但敬請不要抹去圖中的 avbuzz.com簽名字樣,感激感激再感激。

  avbuzz.com精神,人人毒我,我毒人人 ◆

 謝謝收看這篇文章,你是第 個收看這篇文章的讀者。