Denon AVR 4810 簡評篇

好耐好耐之前，聽前輩話天聾聽歌好粗聲 ( 雖然我不同意 )，

他說自己習慣是聽歌佔 60% ，睇電影佔 40%，所以選擇其他音樂感較好表現的 av amp，我因為他這個百份比理句，覺得好適合。

近日行音響店時候，偷聽兩位路人甲乙丙在談論選 av amp問題，A君向B君講述聽歌佔 60% ，睇電影佔 40%的道理，

Denon AVR 4308自 2007年尾推出，近日終於有取代版 Denon AVR 4810推出了，

要引經據典的話，可到以下網址有詳細內容參考，簡評篇不會提到。

我不建議朋友選擇過渡期產品 Denon AVR 4308A ，因為新機聲效相差最少都有 20-25%優勢。

唔好獻醜喇~~~~我點影都無可能影得靚過官方提供的圖片架，都係用官方圖片好好多。

透過下圖大家可清楚了解這機的正面樣子，和跟機來的兩個搖控。

背面最大分別當然係有靚靚的高檔喇叭鍍金插座， Denon AVR 4308A就只係得傳統的紅黑插座，淨係個樣都輸左先啦~~~~

以前我成日以為自己手上的器材，唔係咁多機會插 HDMI，日子一日一日過，今日數下手指，PS3啦，機頂盒啦，藍光機，

加埋人有我有無所謂，人有我無就唔得的HD DVD，握噢，四組輸出剛剛好插滿晒。

HDMI輸出就被兩部投忍雞插住，4入 2 出又有幾多呢~~~所以 Denon AVR 4810 再勝一場。

呢部新機，其中一個極極極極大的賣點，就是 Dolby Pro Logic IIz技術，

你見最近新推出的幾個日本品牌，除了 Yamaha之外，一一都為用家提供這個格式新技術，

大家還記得早前一篇筆記有提到過 Dolby Pro Logic IIz技術，有興趣可到以下網址重溫。

Dolby新開發的Dolby ProLogic IIz技術，利用前置縱向聲道 front height channels (紅圈位置 ) 創造出3D立體聲效果，

使用家得到 7.1或 9.1聲道的聆聽體驗，並且向下兼容 Dolby Pro Logic IIx 。

呢部新機就係有呢個功能喇~~~~~試問 Denon AVR 4308A 仲點可以相比呢?

透過以下的設定圖，可見到 Denon AVR 4810 可提供最多達 9.1聲道的聆聽體驗。

但好可惜，我家中前面係無空位去安裝多兩個 front height channels ，所以今次無試到呢個效果。

另外菜單上可以見到之前未有出現過的喇叭 ohms數設定，為用家提供 8 ohms( 140W )與 6 ohms ( 190W )的選擇，

Denon AVR 4308 ，有 A 和無A ，最大分別就是後者可以升呢成為擁有Dynamic EQ 和 Dynamic Volume功能，

新機當然會把這個功能殖入體內啦~~~~不過好似我呢類唔喜歡Dynamic EQ功能的人來講，官方有彈性處理的方式，

呢個功能是官方重點推介的功能，但我個人一向口味比較難服待，在我個人口味當中，

我覺得用了Dynamic EQ之後，中頻好像給一層布封著，很不習慣，我還是喜歡自然一點的效果。

但我問過身邊有用開Dynamic EQ功能的朋友，他們都說好喜歡這功能，相信只是我個人問題吧。

為配合 Audyssey 設定，當然少不了自動調聲收音咪啦，雖然個咪係和 Denon AVR 4308A 樣子一樣，

但睇清楚盒上面的型號，係好大出入，不能互換用，一定要用跟來的咪調校。

由於使用Dynamic EQ和 Dynamic Volume功能，是配合 Audyssey 設定，那就要接受。

而我因為沒有打算用這功能，所以我選擇用聲壓計加人手，去為 av amp 作初次設定。

如果同樣擁有 Denon Link 第四代的藍光機，圖中位於 Denon AVR 4810 ，

背面的這個 Denon Link 第四代接口就是在聲效上，達到Denon官方最高標準。

呢個 Denon Link 第四代 Denon AVR 4308A 都係無架~~~她只屬第三代吧，所以舊機扣晒分呢~~

Denon AVR 4810所用的喇叭插座，屬於高檔喇叭鍍金插座，而且個殼仲係透明設計添，

用蕉插的朋友，就要特別留意喇，呢個黑色保護膠粒，直頭可以獲得諾貝爾獎啊~~~

用手甲或者用眼鏡羅絲批輕輕抽起，就可以取出，就算多次抽出再插入，都唔會有問題。

因為呢個設計，係屬於一個小機關，並唔係就咁倒模一點黑釘出來就算，圖中左手邊係抽出的狀態，而右手邊是插入的狀態，

留意右手邊是爆開的狀態，這設計有點像工程用的爆炸羅絲，真係好偉大的發明，我勁喜歡啊。

看看把黑色保護膠粒抽出後的樣子，可見到裡是鍍上金色呢~~~~

如果一直無用開蕉插的朋友，可選擇用側插方式，透過圖中也可見到是鍍上金色啊~~~~

雖然我今次無法在家中感受到 Dolby ProLogic IIz技術的效果，但用返相同的器材表現 7.1，

Denon AVR 4810效果比家中所用 Denon AVR 4308相比，聲效有 20-25%優勝。

單單為了這個聲效提升而換機，我自己就唔會，但如果打算用呢個價位購入新機的朋友，我就會推介呢部機比他們。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。