Denon DBP- 4010UD

藍光機在我個人心目中變成兩極化，一係入門級，一係高級層，

在我個人眼中只有Sony PS3 Slim 係入門級最佳選擇，可以講係平靚正，我知道很多人不會同意一部遊戲機被列入為藍光機，

唔緊要丫，我自己喜歡就得呢，唔同意當我發神經就得架喇。

而高級藍光機方面，在我個人眼中，同時擁有兩組 HDMI輸出，可以聲音畫面分開輸出，就是最高級藍光機。

但呢類機種到目前為止，售價都係屬於分身家，對有人錢人來講，當然散了啦，

佢只有一組HDMI輸出，唔可以提供到聲音畫面分開輸出，用料都唔會失禮。

呢部機的售價，對我來講，依然係好名貴，不過售價 $15800港幣，總算平過之前所推出的旗艦藍光機。

想清楚了解 Denon DBP- 4010UD的格式，可到以下網址得到詳盡資料。

點解要買名貴藍光機，其中一個重要理由，係可以微調畫面，而且聲效比入門級為佳。

Denon DBP- 4010UD收咁貴，一定落足料，否則競爭咁大，真係搵鬼買喇~~

底盤採用了由 1.6 mm 鋼板組成的 3 層複合結構，橫貫底盤的3個框架使機箱的剛性被大大增強，

機箱的頂部亦增加至 2層的金屬板，這樣的防震結構可以徹底阻斷外界震動。

DBP- 4010UD 使用最新開發的 S.V.H. 混合防震檢拾結構，進一步提高了讀盤精度。

它是由多種不同物料組合而成，有效抑制光碟高速旋轉時的震動和顫震所引起的機械諧振，

而且可以建立一個理想恒定的伺服環境，確保高度精確地讀出信號。

試機時候，係配上 Denon AVR- 4810 Av amp 一起使用，所以一定係會用上她的Denon Link接上，

雖然官方一次又一次強調 Denon Link接上是最好聲，但我自己個人口味就喜歡用Denon Link聽歌，看電影就用回HDMI，

這是個人感覺，無需理會我個人問題，因為我見其他用家都說長期用Denon Link最佳表現，所以只是我個人問題吧。

今次所用的 Denon Link 線材是屬於極優質的線材，所以結果是與我個人口味有關。

唔好再問藍光機操作和讀碟速度，在我眼中，市面上暫時無一部機的操作和讀碟速度，可以和 PS3 作比較，

這機和普通藍光機一樣，都是需要多一點耐性去等，如果你習慣了其他藍光機操作速度的話，一定滿意這機的操作速度。

中途唔好快速搜畫或跳 Pop Up Menu 出來攪的話，只要安安靜靜由頭播到尾，我保証大家一點不滿都沒有吧。

畫質方面比起PS3 Slim版，有大約 10-15%的優化作用，聲效就有極大的差距，

播放軟件內的細碎聲音，聽得極之清楚，平日PS3所出現的訊號尾音和擴散效果，都不夠 Denon DBP- 4010UD長，

今次呢個 Denon AVR- 4810 配 Denon DBP- 4010UD，無論聲畫都達到我個人滿意程度。

如果有朋友在呢個價位要買藍光機的話，我一定會推介這一部，

你有無見過讚完但係唔買的人呀?讚完唔買咁.......佢講的內容豈不是廢話?

我最著重的軟件，使我太失望，你知我最新買的藍光碟係邊一隻嗎?

功夫熊貓囉~~~死未? 買完機無碟睇，我不如買其他玩具玩好過。

如果你並不如我這一期處於影音冷感的話， Denon DBP- 4010UD是單一HDMI輸出機之中，一個很好的選擇。

如果Av amp並不對應 Denon Link 第四代的話，當然可以使用HDMI吧。

與平價機最最最最最大分別，高級機種就是可以容許有畫質微調，本身 Sony PS3 Slim 對我來講都係合格畫質，

但如果畫面可以作出微調的話，會更加好，高級機能提供微調功能，實在可以補不足之處了。

要畫面光位夠光得來，暗位唔會變灰，Gamma功能自DVD格式開始，就可以知道她的存在價值。

Denon在DVD年代，他們推出的DVD機，畫質未能達到我個人心目中的標準，所以當年我只選 Pioneer。

但來到藍光年代，她們的藍光機畫質有了一大進步，而聲效更加是我個人口味的取向。

這點Denon確實在聲音上花了不少功夫，高級機又點可能缺少聲音的表現呢?

搖控方面，沒有亮燈鍵，只有吸光物料而成的按鍵，平時如果有足夠時間，讓物料吸足光線的話，

在仲手不見五指時，就可以如圖見到操作鍵發亮，但可惜續航力不是太長，但總比全不發光為好。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。