香港高級視聽展2008

第三日行程

發佈日期 : 2008年 8月12日

時間過得真係快，這一日也是一連三日香港高級視聽展最後一日，有點不捨得的感覺，

而你又是否可以如願得到原音精選 LPCD / SACD 呢? 而你又是否在這個展覽，得到過中樂趣呢?

來到第三日，最後1500張 LPCD / SACD $120套票，作最後發售，主辦單位希望多一點人受惠，把限額再收窄，

安排每人最多只能購買3套套票，雖然有這個安排，但全數依然是一早售清。

特價貨品

展品當中，少不免有特價貨品出售，場內其中一款板售價，最吸引發燒友，

圖中的MF板，每件$480，呢個價錢，真係去街口五金店介一塊都要啦，分分鐘快手快腳的話，

襯未有咁多人知，上網賣鬼左佢，仲有錢落袋。

馬榮成再現視聽展

去年參觀過米樂影音示範的著名漫畫家馬榮成先生，

今年在視聽展最後一日的中午，來到會場，走進 M&K屠房。

馬先生睇得開唔開心? 你話呢 ~~~米樂影音安排這一場所播放的片段，都為馬先生而針對挑選過，

分別是五星級大鼠，三國，頭文字D.......

風行唱片

來到最後一日的視聽展，風行唱片公司，安排大家非常熟識的方伊琪小姐來臨風行展區，舉行簽名會，

如果你是一線發燒友的話，一定知道她早前推出了一隻錄得很好的CD碟，名為不一樣的方伊琪，收錄12首歌曲，

而我個人就最喜歡第一首花心和抱緊眼前人。

這日下午2:30在風行唱片展區，可見到方伊琪小姐，為各歌迷簽名。

唔該唔該，借一借，我想影一影，噓~~~終於迫到入來影相喇，好開心啊。卡擦卡擦~~~

PMS郎才女貌

PMS 門外有Jessica 吸引參觀者，而知名度與 Jessica有返咁上下的 Li On，就屬於PMS駐場技術顧問，

在PMS展區內有示範房提供範示，並由Li On主講和解答大家提出的問題。

但 Li On 成日都話要出來同 Jessica爭收視，因為佢話成日屈在集中營內好悶，

Li On，唔好啦~~~...........喂~~~你仲係要去 ? 唔好啦~~~

拿，係咪呢~~~你走出來，嚇走晒D人喇~~，係咪衰呢?

你都係乖乖地走返入去集中營.....咳咳.........Sorry Sorry，應該係走返入去示範房做示範啦，你的Fans等緊你架。

乖啦，聽我講啦好唔好?你返入去先啦。

拿~~~咁係咪好好多呢~~~你睇你幾多 Fans 需要你。

來到第三日，由於 PMS 機頂盒缺貨的關係，所以無在會場內出售機頂盒，來到這日的尾聲，

代表 Olevia的Cice主持機頂盒和其他產品拍賣活動，吸引多一些人參與。

錢國偉鼓樂

錢國偉的鼓樂， 其中一個不錯的表演，相信入場人仕都感受到那個氣勢。

騙按金

  童麗今年依然有來為大家演出，門票是免費的，但需預繳 $20按金作為確保出席，不浪廢位置，

如期出席的朋友，在散場時，可即時憑票換回現金 $20。

入場卷有兩種，除以上所提到的票外，市場上還有拿贈卷入場的，這一些贈卷無需預繳 $20。

聽一些師兄講，散場時有人拿著贈卷去排隊領取現金 $20，但最終被當場發現，這行為小弟實在~~~ 拜服。

而第一日我忘記問Klipsch展區內的Model名字，在第二日返到家中收電郵時，接到其中一位的電郵，

所以這日就.........

現在大家都會知道她們的名字了。

一連三日的展覽，曲終人散，尾聲就是把所有展區一一拆除，各大小展區都會比人拆招牌呢~~

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。