Rambo 4 藍光碟

發佈日期 : 2008年 5月28日

欣賞奪寶耆英和 Rambo 4 的要求很不同，喜歡史泰龍是因為 Rambo 和 Rocky 的身體線條，

上次 60歲 Rocky 和 60歲 Rambo在電影院上畫，真係唔夠膽睇，怕睇完之後，影響了之前幾集對他們的美好回憶，

所以不夠膽看，原定推出光碟都唔夠膽睇，租都唔會，借比我都唔睇，

為的是保留一個美好的Rocky 和  Rambo印像在自己心目中。

但前晚在朋友家食過晚飯後，主人家以Rambo 4藍光碟作為飯後甜品，

由於主人家的熱情，不想掃慶的關係，還是把這電影一看。

這一晚朋友所播放的碟，是屬於美國版藍光碟，沒有中文字幕提供，

至今這碟還未推出香港行貨中文字幕版本的藍光碟，有傳 6月份會推出，但未有進一步消息。

這碟除應有的電影內容外，還對應 Digital copy 的碟作為轉用其他躇身走的器材播放。

篇碼方面是屬於AVC，畫面比例為 2.35:1。

這碟最有誠意是擁有我自己個人口味標準，最高聲效格式的 DTS-HD Master Audio 7.1聲軌。

聲效與畫面表現

透過屋主的BenQ LCD TV 配合 Sony PS3 作為畫面的準則，我個人是滿意這碟的畫質表現。

這點應該換在投影機大畫面上，依然會是收貨的質素。

聲效方面， Denon 4308合併 Av  amp，配上M&K M5系列音箱，  

這碟的 DTS-HD Master Audio 7.1聲效，在多段重機鎗掃射和爆炸聲效之下，這碟有滿意的效果。

劇情與個人感覺

打定輸數心理準備之下，這電影反而比我想像中為好，但所謂好，只是因為劇情，與前三集作比較的話，

今集變為極度過份的暴力和血腥，目的就是以這一些畫面，使觀眾在官能上達到刺激，轉移對Rambo身手的要求。

全片都沒有悶位，一打親就爆頭，手腳飛脫，身首異處，血肉橫飛，肚滿腸肥~~~~，還有蒼蠅在屍體邊飛來飛去。

如果你可以一邊食牛雜，一邊欣賞這電影的話，我真是敬佩你呢，所以這一點與前三集風格上很不同。

另外Rambo無除過衫，所以無露胸肌更無露點，反而村婦被強姦時有0.001秒露點，

唉.........真係應該露個果唔露，唔應該露果個就露。

DIY 武器

過去Rambo所用的名牌武器，都沒有了，例如好型又實用的軍刀啦，今集居然係自己打做，唉~~~

睇電影，就係希望可帶給我幻想，我真係唔會善慕佢識打鐵啊大佬，

我期望有把新款樣靚又型仔的軍刀出現，而唔係家陣的DIY斬柴刀囉~~~

唔通無廣告商讚助?無理由丫，拍Rambo 4啊~~~史泰龍開句聲，軍用品商空投幾個貨櫃的最新軍用品來啦。

 華仔拍戲都有支道地綠茶同埋手表讚助啦，何況史泰龍呢~~~真係唔明~~~

雖然今集都有出現過組合箭，但一來無拍攝到組合時的英姿，二來他拿上手後，雖然同一款武器，

但握在手中，就沒有當年咁有型了。

不再Rambo

大家在尾段會見到Rambo全程都企在吉普車上，淨係企響度係咁拿著支機關炮掃，掃呀掃，掃完再掃~~~~

幾辛苦先等到佢掃完，無晒子彈，丫~~~鬼整佢，居然仲想換過盒子彈再掃過~~~

丫~~~你唔話佢，佢真係夠膽死全程就係咁企響度掃完就算。

喂喂喂~~~以前的Rambo一定把呢支機關炮拆落來，兩隻老鼠仔起晒根，

一邊行一叫，仲一邊射到敵人的陣地灰飛煙滅，點會好似現在咁，由得支機關炮鎖在座上面咁輕鬆地用架~~~

最後埋尾就無啦啦在樹後，伸把刀出來，插向跑過樹邊的大奸角一刀就完場。

當然啦，你只要講一句，他都 60歲了 ，反問我想佢點的話，我真係唔識答你架，因為呢個確係事實，

比幾十蚊入場，收買人命咩~~~

所以我唔可以用之前看Rambo心態去看這電影，只能以普通動作電影心態去看這電影，自己就會滿意這電影。

這星期打算煲返前三集Rambo，作為沖洗一下第四集所帶來的少少不滿。

雖然以上我所講的個人口味評價，只是多了一些不滿的說話，但只要不是用睇Rambo的心態去看這電影的話，

整體這電影，還是有一定程度的可觀性。

這碟直到今日一共有四個款式給用家選擇。

各師兄與朋友，這篇文章，如非商業用途，歡迎轉貼再轉貼，如需借圖片使用，

請自便，但敬請不要抹去圖中的 avbuzz.com簽名字樣，感激感激再感激。

◆   avbuzz.com精神，人人毒我，我毒人人 ◆

　謝謝收看這篇文章，你是第 個收看這篇文章的讀者。