aa2.gif){kind=small}
Pikki生日會2007
發佈日期 : 2007年 12月13日
圖 / 文 : 巴斯
好開心呀~~~~
今年是我第一次參加Pikki的生日會，這日安排在卡啦Ok內舉行，Pikki今日特別靚啊，
首先係由Pikki表演吞劍同埋額頭碎磚，最拿手的喉頂櫻槍當然係重頭戲啦。
嘻~~~講笑架炸，Pikki點可能識呢D野得架，你估俄羅斯馬戲雜技團咩。
一開始當然係唱歌啦，丫~~~原來Pikki唱歌都幾好聽架播。
之後就同大家傾下計，然後就送上大家一起合簽的生日卡比Pikki，又到咁上下，大家就開始忍唔住要送生日禮物同埋合照喇。
呢度就係今年大家送給Pikki的生日禮物喇~~~
串花是寫緊呢篇文章的人送給Pikki的，希望她每一年都咁靚靚。
我好喜歡聽Pikki唱紅綠燈，最衰當時我無錄到啦。
Pikki的Fans好攪鬼的，他買了個怪獸公司面具來同Pikki合照。
你睇Pikki幾開心。仲有Pikki頸上面的頸巾，都是Fans送的。
另外Fans當中所送的禮物，唔只一條頸巾啦，仲有多一條，好暖啊~~~
當中仲有Pikki的大特寫靚靚相呢。
Pikki似乎好喜歡這一份禮物咁啊~~~
大家估下係什麼來的呢?
就係水晶耳環囉。
Fans們所送的禮物，連個袋都靚過人的。
仲有大大的Pikki照片添~~~
而我就送了呢份禮物給Pikki呢。希望她用得著啦，因為我唔知道她用開什麼牌子啊。
Pikki好叻女架，佢有車牌的，由於我的家族關係，自小我就由司機接送，所以我無學車囉。
我坐開果D車兩層高架，平日都喜歡坐上層，因為可以看風景囉，所以沒有駕駛經驗。
拿拿拿，坐坐下車都可以見到 Pikki架，仲三層樓高添啊。
講比你知丫，原來Pikki對自己一直用了一年的數碼相機好不滿，好想換啊，席上有Fans給她看Canon的 860is，
她好滿意拍攝出來的效果，拿，大家識做喇，
好啦，等我家陣立即成立一個Pikki數碼相機基金，請播出歡樂滿東華籌款音樂丫~~~
請把捐款寄去Pikki的戶口丫。
到了節目的高潮了，就係許願同埋切生日蛋糕喇。
呢個就係今年的生日蛋糕款式喇，都幾好食架。
12月初，Pikki就開始出席大小不同的生日慶祝活動，
之前和不同的朋友慶祝活動當中食過不同的蛋糕了，呢個係今年第八個蛋糕喇。
究竟~~~ Pikki許了個什麼願呢，個樣笑到 "貢"樣架 ?
許願 : 所有願望都成真囉。
我讚成!!!!
好啦，以下時間，就係同大家一起分享 Pikki 許願同埋吹蠟燭一刻的情況啦。
請點擊正中的播放鍵開始。
你睇Pikki切蛋糕個樣幾傻。
切完生日蛋糕之後，就開香檳慶祝喇。
呵~~~~自隊一支先~~~~
(細細聲)>>>>>其實佢扮野架炸~~~~佢倒淨最後一淡先話乾左佢。
林海峰腔口>>>>真係超低能，近稿笑。
Pikki隊完之後個樣"貢"啊~~~
不如睇睇片啦，就係Pikki開香檳一刻的情況喇。
請點擊正中的播放鍵開始。
明年一定要參加 Pikki 的生日啊，因為明年係好值得記念的一年，就係 Pikki 的 60大籌喇
Pikki 
巴斯
Sorry .............Sorry.........我講笑架炸，應該係 70大壽先對。
巴斯 
Pikki
無陰功啊，打到人地咁 
有點隱隱作痛啊~~~~
嘻!!今年好開心可以參加到Pikki的生日會啊，Pikki話明年攪燒雞翼啊。
好呀好呀~~~ 
燒雞翼，我鍾意食~~~
在生日會上面見到 Pikki 的Fans，個個送的禮物都好有心思，有位Fans差不多集齊Pikki所有的工作圖片，
連Pikki自己都無，而且有一些連Pikki自己都唔記得有做過的Job都收集到，好利害啊。
而最開心就係我終於可以聽到Pikki不是用咪同我講野喇，
因為我每一次見到她，都係她做司儀的時候。
係播，不如我比Pikki做司儀時候的片段給你們分享丫，連Pikki自己都未睇過架。
請點擊正中的播放鍵開始。
睇過以上的短片，你就知道除了Pikki夠高夠靚而做到司儀之外，
就係她企在台上講野了得，所以先會有咁多司儀工作喇。
喂喂喂，順便提提Pikki，妳在Model先決的縮圖入口，季初換上，到現在都一段日子喇，
妳有空再給我新的一個縮圖更換啊，同妳講多一次生日快樂，日日都咁靚，最緊要就係祝妳心想事成，不勞而獲啦。
而這篇報導是我送給Pikki的生日心意，希望Pikki喜歡丫，再見。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。