波波離開了

波波離開了

發佈日期 : 2007年 11月18日

1997.7.20 - 2007.11.16

你有否被你最信任得過的人欺騙過嗎?可能仲一次又一次的去欺騙你，感覺不好受吧。

狗唔會欺騙人，就連一次都唔會，狗更加唔會做使人傷心的事情，

平日我唔開心，我會對硬照講心事，養狗的人會對狗講心事，

而唔會選擇向人講心事，因為狗比人，更能信任得過。

向狗講心事的時候，佢唔會覺得你煩，係一個好好的聽眾，而且能夠保守秘密。

狗唔會少氣主人，唔會比面色主人睇，每日主人返到來，依然係好開心咁迎接主人。

無論主人係什麼職業，什麼背景，那怕係道友，定係主人有口臭，狗依然會真心真意去親主人。

以下呢段片，係我認識佢無幾耐所拍的，片中可見到可愛而且為食的波波。

請 點擊正中的播放鍵開始。

由於波波好鍾意食，身體都屬肥伴，十歲對波波來講係高齡，他時常喘氣，腰骨和心藏都有問題，

他一直都有看醫生，而且醫生也建議他減肥。

波波在七個月大的時候，在寵物店買返來養，除了覺得他樣子可愛之外，仲有一個目的，就係陪伴賓賓。

賓賓係女主人由澳洲一起帶回香港生活的小狗。波波的來臨，就組成了 ( 奔奔波波 )。

賓賓波波同屬於溫純的種類，兩個感情好好是好朋友。

波波年紀比小主人樂遙還要大，他睇住小主人出世的。

我知道這個壞消息之後，當然好唔安樂吧，我自己都好喜歡波波，每次見到佢都會同佢玩，

波波每次見到我來，因為佢會好開心，就係因為太過開心同緊張，因為心藏唔好，每次佢都喘氣。

波波好喜歡人摸佢個肚，每次都訓在地上肚向天，等我可以掃佢個肚。

佢都係我朋友，今後我都再唔可以見到佢了。

希望佢可以在另外一個世界生活得好吧。

波波，多謝你帶給我們的歡樂。

波波離開之前的早上，還問出門口的雷霆救兵囉野食，但在旁晚時，突然發覺他好辛苦，

於是立即帶他落樓下診所見醫生，當時醫生話波波呼吸困難，要立即入氧氣箱，經診症後更要轉去24小時診所。

當的士來到診所後，波波離開氧氣箱登上的士，趕去24小時診所途中，在車上主人的懷抱一邊流淚一邊喘氣。

到達 24小時診所後，波波再次入氧氣箱，波波需要留在診所過夜了，

雷霆救兵離開診所前問醫護人員波波情況是否樂觀，得來的答案是～～～不樂觀，雷霆救兵聽到之後，當然心情不安吧。

通常電話在深夜響起，都唔會係好事，清晨五點幾，電話響起來，

大家都會猜到係什麼事，診所說波波鼻在流血中，希望主人能見佢最後一面。

雖然第一時間收線奪門而出，但到步後，波波未能夠支持到主人來見他最後一面...............

波波生活在主人屋企十年，他的身份早就唔係寵物了，而係雷霆救兵的屋企人之一，雷霆救兵同佢屋企人當然很傷心，

小主人樂遙年紀太小，雖然雷霆救兵有同佢講過波波唔返來，但她唔知道什麼叫死，

她可能理解成波波去了街玩吧，口中只係向雷霆救兵講好掛著波波。

波波一直形影不離伴著賓賓十年，波波離開了一日，賓賓暫時還未擦覺波波會一去不返，唔知道過多幾日佢會點樣。

　波波過去有和 avbuzz.com合作過，2005年的年初四去佢屋企拜年時，他同小主人樂遙影了一張相，帶給大家歡樂。

樂遙 : 食飽睡一睡先!!!

　在 2004年巴斯寫的見鬼 2 DVD碟評時，波波有客串過。

巴斯 : 咦? 波波，你點解入左來架，你自己玩啦，我和A-Keung兄睇電影播，你搵我乜野事呢?

巴斯 : 好丫，一起睇囉!!!過來一起睇丫!!!

　95分鐘後...........

巴斯 : 車!!!又係你話睇，咁咪比你睇囉，睇完又要驚!!!

波波，我們懷念你。

　謝謝收看這篇文章，你是第個收看這篇文章的讀者。