三區變形俠醫
筆記日期 : 03年10月29日
一區推出了接近兩個星期了，三區到現在先推出，明顯是比效遲了一點，
以$138這個價錢在香港推出，不算貴，但也不是平。
這碟是環球電影的出品，由以往的歷史可以知到，畫質都應該有返咁上下。
●●●●●●●●●●●●●●●●●●●●●●●●●●●●●●●●●●●●●
格式
1.85:1的Anamorphic畫面，DVD 9格式，聲效可選DTS 5.1或 DD5.1。
字幕方面可選英文或繁體中文。
如果在電影開始了的時候，你想改變字幕或切換碟內的聲效，就一定要進入碟內的菜單去做，
不容許播放中途，利用DVD機搖控去簡易切換。
劇情
雖然這電影我聽到很多人都話唔好睇，尤其係討論區的會員，都話這電影差得很，
但係DVD店的售貨員話惦，加上討論區一線會員【射擊人】，在討論區貼出以下內容 :
啱啱睇完!真係好好睇!
故事緊凑,主角靚仔靚女,
特技出神入化,
情節令人驚奇完又再驚奇,包冇悶場!
唔睇過今年都冇話題!唔睇就笨!
5粒星!!!!!
我見平時大家關了燈之下，我同【射擊人】都差唔多靚仔，睇怕看電影的口味都應該差不多，
但係原來我睇漏了佢篇文章最尾一句，就係.................
(都冇佢份....)
●
嘩....................這電影真係悶到你呢.............
講講講..............講完再講.........係咁講.......講呀講...............
我都不知轉了幾多次坐姿，總係覺得套戲點解咁長?
只係近尾段變身後，跳幾個山頭，攪下幾件直升機同坦克車咁，真係無眼睇囉。
不過好好彩，內裏的女主角有幾分姿色，叫做有少少野打發下時間，否則真係
畫質
雖然由Pioneer 858Ai的讀數表顯示，這隻碟的Bitrate是大約處於7- 8之間，
但畫質絕對係近期佳作，很多人像大特寫，女主角的樣子很神奇，某一些角度好靚，
但係有時又唔靚，但靚起上來，又真係好鬼死靚..........其實我講緊什麼呢?
全片最佳畫質，大部份係人像大特寫，就連上了年紀的老伯伯，都出得好靚，畫質真係一流。
聲效
由於大部份時間都係講講講，可發揮的時間不會太多，槍聲和俠醫變身後，
跳來跳去的DTS效果不錯，算過得去吧。
而且由Sony 9000ES前級解碼，都見到這碟的 DTS是用一般兼容碟的 768kbps 容量格式。
雖然有製作特輯碟二的存在，一隻碟的容量有限，又要放電影內容，又要同時放入DTS和DD聲軌，字幕，
但是依然係都要放一些巴斯覺得無用的內容在碟一碟內。
由於要遷就DTS聲效的關係， DD 5.1聲效，在Sony 9000ES的讀數只是錄得 384kbps 容量格式紀錄，
距離原有DD 5.1聲效標準的 448kbps有出入。
而事實用耳來收貨，使用DTS來收聽這隻碟是比較優勝，尤其是低頻的伸展性。
●
犧牲DD5.1音質，為的就是這個功能:
這隻碟一，就是加上了一個圖中的功能，當用家在菜單上設定了開啟功能之後，
每當電影內容畫面出現右下角的圖像時，代表有拍攝特輯隱藏在內，如果有興趣的話，
按DVD機搖控上的【Enter】鍵，就會進入這段拍攝特輯，
通常有幾分鐘的長度，播完又自動跳返出來，欣賞電影內容。
睇睇不電影，又有上面講過的圖像時，又可以再做一次..........
 |
 |
|
 |
 |
製作特輯
仲睇?仲唔夠悶嗎?我唔睇架喇，要睇你自己睇啦!!!
我連這個碟二都唔講喇，花時間做其他野好過囉。
總結
盡在不言中............
WANTED
各單位注意，各單位注意，
現正追輯一名中國籍男子，外型施文靚仔，外號射擊人，活躍各大討論區。
軟件分析員巴斯光年，昨日受射擊人落毒，使佢購入有毒軟件，查實該軟件是十大劣片之首，
巴斯光年當場領野，現正在醫院接受搶救，情況未能樂觀......
如有會員見到射擊人下落，格殺勿論!!!
多謝，你是第位閱讀這文章的訪客
