1543.jpg)
網頁版 §§ Review 33 §§ 小強新聞組 §§ Tower3A討論區 §§ 麥嘜討論區 §§ RLII的討論區 §§
新聞組版 §§ 小強新聞組 §§ KC Lau軟件DVD新聞組 §§
小強最新利器
日期 : 2002年11月2日
沒有上網幾日，今日上返來，居然見到擁有過百萬信眾Siukeung.com的網主，小強公佈出他的最新利器，
一直有 網底蛙 之稱的巴斯，一直完全沒有見過這件利器，今日係我第一次見，
這件器材的外型好利害，好惡!!!型到爆晒燈!!!正面睇好似一對黑豹眼，非常凶狠!!!單係個勢就惦喇!!!
這件沉重兵器，是小強剛購入的，不如等我轉貼佢的貼文內容比大家欣賞一下，一陣我再和大家傾過。
以下綠色字，是轉貼自小強版主的內容。
●●●●●●●●●●●●●●●●●●●●●●●●●●●●●●●●●●
嚮添置三樓買, 仲撻左'巴斯光年'介紹, 即時比市價貴少五百! 老板真好人.
諗住貪佢有BI WIRE OUT, BALANCED
IN. 誰知拆開至發覺BI WIRE係流....我諗BALANCED IN都係一樣啦.
見D咸真係好削下, 幾粒管兩個環牛兩粒整流.....真係自己都整到, 真係唔知貴在乜, 但係又真係好好聲喎!
頂佢!!!
同場試了MF A3.2 / STEIN /
AUDIO ANALOG ，發覺呢部一萬元價位的合拼機ALCHEMIST PRODUCT 8，
分析力高，力水勁，音質一流!!!
係咁二執埋對NBS平衡線(嘩! 成三千銀!!!) 就咁就粟一燒.....
駁左三粒鐘, 遲D丟埋部奇聲同XB940, 專心一意玩純音樂2 CHANNEL.
但係有好多MULTI CHANNEL SACD用佢播又過癮D, 真激氣!!!
當然, 我只係初哥一名.
我好開心, 希望大家都蹬我開心!
呢部AMP嚮呢個價位來講真係無乜買錯!
加埋我對JBL XTI 100真係震到天花都拆呀!!!
對BALANCE係假....咁加埋SA14假假地的BALANCE OUT咪一絕囉!
仲有假的BIWIRE...成部都好似假咁.....-_-"
座嚮梳化, 倒杯金牌威水, 聽心愛的SACD, 真係幾辛苦搵錢都係值得. 最緊要呢D時勢,
唔係你辛苦就搵到, 有小小機會就要好好享受, 唔好緊住緊住啦! 條命唔知有幾長!
聽日就去試AMP啦!! 再拉大隊上去撻巴斯個朵啦! 好過癮嫁!
【轉貼完畢】
●●●●●●●●●●●●●●●●●●●●●●●●●●●●●●●●●●
我真係唔知點解小強咁大膽，居然同老闆講識我，其實你知唔知，有90%機會，係你話識得我，而會比人圍敺的!!!
小強你真係好彩無比人打，仲貴少$500，你應該拿呢$500去何先生度過三關 !!! :p
你睇睇以下的圖，就算係霸皇卸甲後，不但沒有影響其殺氣，
相反，機內的零件和陣勢外露後，反而使佢睇落比未開蓋時更凶狠!!!
殺氣來自一對重型環牛，給人一種難以呼吸的感覺!!!
1211.jpg)
●●●●●●●●●●●●●●●●●●●●●●●●●●●●●●●●●●
156345.jpg)
●●●●●●●●●●●●●●●●●●●●●●●●●●●●●●●●●●
16453.jpg)
●●●●●●●●●●●●●●●●●●●●●●●●●●●●●●●●●●
16644.jpg)
●●●●●●●●●●●●●●●●●●●●●●●●●●●●●●●●●●
這個Volume鍵係好野來架!!!柯頌的V8i都係用佢，係密封式設計，高級機先會有架!!!
1645455.jpg)
●●●●●●●●●●●●●●●●●●●●●●●●●●●●●●●●●●
15433.jpg)
●●●●●●●●●●●●●●●●●●●●●●●●●●●●●●●●●●
10.jpg)
●●●●●●●●●●●●●●●●●●●●●●●●●●●●●●●●●●
圖中是屬於ALCHEMIST PRODUCT 8的搖控。
124.jpg)
●●●●●●●●●●●●●●●●●●●●●●●●●●●●●●●●●●
都唔知點解，把這件利器放在小強的其他器材上，立即使小強全套器材都醒神起來。
雖然我真係一次都無聽過這件利器的聲音，但能夠登上小強兵器譜上，絕對不是一般二打六器材。
加上前音響寫手，都點名提到這件利器，所以一定唔係野小。
其實V8i的出現，早使到市場上的萬元級Amp成壓力，今次小強把這件利器曝光後。
萬元級的兩聲道Amp價位，一定做成一連串骨牌較應，重災區必定是同價的二手市場。
唔~~~~~~ 配合小手上SA-14出來的SACD，一定是靚聲到不得了!!!
由其係播放1812或天下第一鼓呢D軟件添!!!
我提意如果有網友需要一試那個較果的話，座前排的朋友，記緊穿上防彈背心!!! :p
1.jpg)
●●●●●●●●●●●●●●●●●●●●●●●●●●●●●●●●●●
小強和他的網友正在小強新聞組內用【沉淪】作為主題，正談得火熱!!!你仲唔去睇睇他們講到邊???
快D進入小強新聞組，加入戰團吧!!!
●
網頁版 §§ Review 33 §§ 小強新聞組 §§ Tower3A討論區 §§ 麥嘜討論區 §§ RLII的討論區 §§
新聞組版 §§ 小強新聞組 §§ KC Lau軟件DVD新聞組 §§