|
|
|
第一次影荷花
貼圖日期 : 2004年7月4日
今日和好友 A-Keung去了影荷花，我咁大個仔都無影過荷花，因為無興趣，所以無打算影，
識我的朋友都知到，在攝影方面，我只對Model和音響器材有興趣影，其他就............
A-Keung 上星期去過香港公園影荷花，貼出非常高質素的相片，還貼到相簿給大家欣賞。
http://www.netnetphoto.com/photogallery/album339
這個星期日，他又打算去天水圍一個叫做水澤田園的地方影荷花，今日他沒有約Model影相，目的就係約我去這個水澤田園，
咁為了陪他，所以中午和他一起去這個叫水澤田園的地方影荷花。
影了接近個多小時，天由灰變黑，再不走，我和他全身連身上所有器材都會盡濕，幸好剛有的士經過，
123跳上車，幸好趕到返家後先下大雨，否則.........
影荷花有什麼感覺?
都唔好玩，好難影，荷花距離又遠，手捉不到的，我平日影音響器材，我可以轉動器材，轉到適合我的位置先影，
但荷花在水中，距離我太遠了，我捉不到，我眼見有很多花瓣脫了一半，真係想用手去拆，但..........捉不到。
氣死人 
影得兩影，又大風，吹到荷花反轉再反轉........
出發前，A-Keung比左少少貼士我，他說有師兄話，影荷花要影到他們的花紋，否則唔合格。
咁麻煩 ? 影張相咁高要求?咁影唔到唔準貼嗎?
這些標準邊個定架!!!
咁得喇掛!!!
不過我真係唔明，點解係都要人地影到紋呢?創作那個攝影師想點咪點囉，點解迫人家跟標準去做呢?
還有點解要跟那套標準呢?點解唔跟我那套標準呢?
依家我話影荷花唔準見到有紋，咁得唔得丫!
今日我們影的時候好陰天，沒有下雨，但有風，風很多時候吹到荷花池，
所有荷花都不停的擺動擺動再擺動，好似唔係好想我影到佢咁款，加上要用長距離鏡頭，所以對我來講，很難影。
我影了很多張，只得這幾張係自己滿意，所以貼出來作為留念。
荷花池只是面積大，對我來講，朶朶荷花樣子差不多，對我這類沒有耐性的人來講，
其實都無乜野可以影，真係幾悶下啊~~~~~~
荷葉上面果D死人水珠又唔夠多播，下次真係要帶個噴水壺先得..............丫唔好唔好，水槍射得遠D呀鬼整!!!
另外買多隻田雞放在荷葉上，哼，必要時，放舊飯一起，咁就田雞荷葉飯喇喂!!!
嘩~~~我仲唔得獎呀!!!哈，想起都開心!!!一於咁話!!!
唉..........下次唔該A-Keung安排一些 Fiona與荷花，或者 Dicky 共聚荷花池啦!
只影荷花的話，我頂唔住的
事後 A-Keung 比我早回家，他第一時間就把自己今次的水澤田園作品，貼到了他所屬的相簿了，
大家有時間去看看啦。
http://www.netnetphoto.com/photogallery/album340
下次還會去影荷花嗎?
這個.......那個..............
唔夠人先叫我吧。
唔該望望鏡頭丫....................唔采人架，
唔該則小小丫..........又唔理我，
Hold住!!!Hole住!!!..............唉，風繼續吹..............
非常多謝A-Keung今次找我一起影荷花，如果要我自己一個去，我可以好肯定答你我唔會去的，
現在如果有人問我影過荷花未，我會答佢影過，但不喜歡影，總算是影過吧。
不過A-Keung唔係好人，佢出發前，唔講我知，其實我今次最主要係有一個主題，
我影到接近尾聲的時候，我問他今日的主題，點解遲遲都見唔到，
我影了接近一個多少時，都無見到我想影的蓮藕，
我還把【藕斷絲連】這個主旨都想好了，我還在村口肥芬士多，Book了她一個姊妹叫做亞蓮，
打算叫佢拿著一個斷開兩段的蓮藕，影返一張叫【藕斷思蓮】的作品。
點知A-Keung話我唔會影到蓮藕架播!!!
點解我影唔到，佢又唔答我，仲走左去添!!!
哼!!!好叻咩!!!唔講我唔識問人嗎?
唉..........影到無野好影，花灑頭都影一餐!!!
我係咪好叻呢!!!
這個位置就是位於天水圍水澤田園附近的荷花池，我就係在這個地方用了個多小時拍攝荷花了，
由圖中可見，我和荷花的距離有多遠了，真係見到咁遠都唔想影喇..............
幸好有Peter So推介的長距離蘇制300MM大口俓反射鏡在手，否則都真係要返屋企了。
|
|
●●●●●●●●●●●●●●●●●●●●●●●●●●●●●●●●●●●●●
雖然有大殺傷力武器在手，但使用上效困難，如果可以唔用就盡量唔用啦。
好，換位!!!
在荷花池的前面，是一個觀音像，Raycad常常和我們講，叫我們不可以用相機對正神像拍照，
我當然唔會唔記得啦?我是則則地拍攝這個角度的。
換過位置，荷花依然是遠離我的身邊，無長距離鏡的話，真係可以返屋企了。
 |
●●●●●●●●●●●●●●●●●●●●●●●●●●●●●●●●●●●●●
拿拿拿!!!不單只荷花遠，話口未完，風繼續吹了!!!
影到都無用喇~~~~
 |
●●●●●●●●●●●●●●●●●●●●●●●●●●●●●●●●●●●●●
照足 Raycad所講，唔可以對正神像拍照，我依然是則則身拍下觀音像，
其實我覺得這個觀音像的神情做得好好，而且前面一片荷花池，也是這裏一個特式呢。
 |
●●●●●●●●●●●●●●●●●●●●●●●●●●●●●●●●●●●●●
在上面一段【田雞荷葉飯】笑話當中，其實我還有未完的對答，後來我Cut左，依家講埋下半段給大家欣賞。
未完的對答是當A-Keung聽到我講要影一張【田雞荷葉飯】的相片時，A-Keung就話.........
無啦啦，荒山野領，去邊度找D飯來呀~~~~
我答佢: 咁大個荷花池，搵少少飯有幾難呀，你咪己經係一舊飯啦。
後來我覺得這段笑話太長，有點畫蛇添足的感覺，所以Cut去這部份。
●●●●●●●●●●●●●●●●●●●●●●●●●●●●●●●●●●●●●
如何到達荷花池
在一本雜誌上，見到一篇荷花池隔鄰的綠田園燒烤樂園介紹，圖中右下角有介紹大家點去這個地方，
利用綠田園燒烤樂園，照以下的介紹就可到達荷花池。
燒烤樂園的活動是需收費的，但隔鄰的荷花池，是不屬於燒烤樂園的，是一個公眾地方。
不過以我去過的經驗，如果你是一個城市來的人，應該是乘座西鐵，到達天水圍站，
然後轉乘綠色的士，上車時同司機講綠田園觀音荷花池，司機會清楚你真正目的地，車費大約$30就會到達。
謝謝收看這篇文章，你是第 個收看這篇文章的讀者。
|
|
|
