Christine Birthday Party 簡報篇

發佈日期 : 2007年 2月11日

2月10日星期六，是眾Fans與Christine舉行生日會的日子，

雖然 Christine正日是 2月7日，為了遷就大家放假的關係，選擇了星期六舉行生日會。

生日會安排銅鑼灣區一間很有氣氛的餐廳內舉行，

在下午5時開始，一直玩到晚上10時，上次專程由台灣來香港的一位Fans，今次同樣有出席Christine的生日會，

但今日一早就回台灣了，他來香港只有一個目的，只是出席她的生日會，真係好好好好有心啊。

這晚Christine一來到，首先就收到由Fans送來的花啊，係咪好靚呢~~~~ ，艾也，我唔係講D花呀，係講Christine呀。

　今日Christine轉了一個新髮型，係剛剛轉的，係由好友 Mikoco  為她設計架，我自己就好喜歡喇，你地呢?你地覺得靚嗎?

今日係大喜日子，Christine穿上火紅低胸裙，配上黑色襯衣，靚女得來又好性感啊，大部份出席的Fans，

他們的相機都彈盡糧絕先收手架，玩得好開心呢。

Fans仲送了圖中很應景的大萍果給Christine呢，喂喂喂，妳記得大口大口咁咬落去食呀，咁先好意頭架。

各Fans到場後，都帶來各種平日收藏物品，給Christine簽名留念，有相片啦。

有跟身物品啦。

我都有張相比Christine簽架，拿~~比你地睇下佢寫乜先，嘩~~~係咪好開心呢?

Christine平時唔會同其他人講呢句說話架，佢平日只會同亞毛講架炸，亞毛係邊個，咪就係佢隻狗囉。

簽完名，當然仲有手機啦，喂喂喂，架手機係我架，係咪好靚呢~~

艾也~~~我都話係Christine靚囉，唔係手機靚呀，比你激死我喇。

我同Christine係用埋同一款手機架，係咪好有緣呢?不過她用白色，我用黑色。

Christine真係好好好好好好好好好好靚啊~~~~

到左切蛋糕的時候喇，啊~~~~有四個之多，其中一個蛋糕，係其中一位Fans自己親手做架添播。

Fans們帶來會繽火的生日臘臅，嚇到Christine呢~~~

Christine，唔該切大件D丫~~~喂喂喂，妳要望住我切先得架嘛。

係囉，咪就係咁囉∼∼卡擦卡擦，再卡擦。

拿拿拿，大家要留意一下喇，呢個蛋糕，就係Christine其中一個超級Fans Versa親手做的。

什麼味道?喂喂喂，你地Feel唔到唔需落糖都甜到漏架咩~~

到左抽獎時間喇，其他人的獎品，我就唔講住喇，我咁自私，只係講自己先啦，

我居然抽到獎品呀，就係環球嘉年華入場卷兩張，

真係做物弄人呀，我上星期約了Model私影了一輯環球嘉年華，打算在 2月14日發表，都影左架喇，

依家先中多兩張入場卷，真係做物弄人呀~~~

好喇，話咁快就到拆禮物的時間喇，嘩~~~成臺都係禮物，真係要叫貨Van先車得走囉。

其他的Fans送乜野，我唔講住，都話呢個係簡報篇囉，睇住D先啦。

等我有空再貼過你睇呢，不過都比你地睇住一份咁多先啦，就係好友 Mikoco  送比Christine的手袋喇。

睇住咁多先，其他等我有空再貼，不過如果你地心急的話，可以去Christine的留言版睇睇，

因為他們的Fans們，都會在留言版，貼出有關昨晚盛況的相片架，艾也~~~~你仲企響度做乜鬼架，

快D去Christine的留言版睇睇啦，她可能一陣會出現添架。

　謝謝收看這篇文章，你是第 個收看這篇文章的讀者。