Christine Barthday Party II

發佈日期 : 2007年 2月15日

叮叮真係越睇越靚架~~~

歡迎來到  Christine Birthday Party 第二集。 

我見到呢個蛋糕就火都滾喇，係由叮叮頭號Fans Versa，親手為叮叮做架，呢個蛋糕好得人驚，唔同人食會唔同味道，

叮叮食落去好甜架，但係我食落去，酸到入心，點極糖漿都係酸的，唉...........叮叮仲問我個蛋糕係咪好好味喎~~~~

喂，情敵做的蛋糕，我點可能會覺得好食先得架?

唔好問我呀，家陣心情唔好呀，我想搵人來咬呀~~~

Versa，嘿!!識整蛋糕好叻咩，我.............我..........我夠識整野食啦，你咪真係以為我流架

叮叮，我細細聲話比妳知丫，我最拿手係煮杯麵，三分鐘就有得食架喇，我下一次表演比妳睇丫，

我覺得一個男人為一個女人煮杯麵，會浪漫過整蛋糕囉，叮叮!!!叮叮呀~~~點解妳唔答下我呢?叮叮!!!喂~~~叮叮~~~

又到左Fans親手送禮物給叮叮時間了。大家當然唔會錯過的機會呢~~~

由於我唔知道各位Fans喜唔喜歡上鏡，又無奶油個個走去問佢地架，

所以我在每張相的每個Fans個頭，都套上紙袋，咁就唔需煩喇喂。

不過以下只係部份的合照相炸，因為我的相機影影下唔夠電，所以錯過了部份拆禮物的Fans，真是對不起。

唔好講咁多喇，第一份  係.............

左圖的Fans好利害啊~~~他買了一個八達通飾物給叮叮，這個飾物外表看是一個掛在手袋邊的飾物，

但實際上是一個八達通來的，而且這位Fans仲永久為這個八達通增值呢~~~碌極都唔會爆，真係開心死。

可見他對叮叮的愛摹係幾咁利害呢~~~

右手邊的Fans就送了一隻好可愛的毛毛海狗比叮叮。

圖中右手邊的就是剛剛所講到的八達通飾物，右手邊係送多條手鍊囉，好開心架~~~

圖中右手邊的Fans，送了件好鬼死靚的褸比Christine。另一位就送相架呢。

圖中左手邊，唔願意出鏡的Fans，送層樓比Christine啊，係咪好利害呢?不過係Kitty 屋呢，另加一個銀包。

另一位就送Kitty毛毛公仔。

左圖的Fans，送了藍牙給Christine，唔好以為係掛在耳用的老套款式呀，是吊咀款式來架，真係有心思了。

而右圖的Fans因為有事不能出席，但依然送生日禮物給叮叮呢。

圖中的Fans就送了毛毛公仔啦，仲有啦 ，同埋這個香水樽，上面刻上了字句呢。

嘩~~~~也咁大整蠱呀，生日送牛肉乾 ? 如果叮叮係的士司機，一定追住你來

啊~~~~原來係台灣Fans送的，唔係牛肉乾，係肉鬆，咁都無咁驚。

另外仲有一個公仔的，不過無上到鏡架。

跟住就係來到另一位Fans喇~~~係女仔來的..........艾也~~~ 死喇死喇~~

巴斯    Christine 　

  唔好打呀~~~我知錯喇，救命呀~~~我唔敢喇~~放我出去呀~~~

對唔住呀叮叮，我真係唔係有心架，我真係一時套錯妳個頭架炸，我依家改返正丫 ，你唔好嬲我啊~~~。

薯~~~好痛啊~~~

嘻~~~我都係攪下笑架炸，叮叮點會捨得打我呢?

 Nakiter是唯一出席叮叮生日會的女Fans，她都係送了兩份禮物比Christine架。她好好人架，又有禮貌，我很喜歡她呢。

出席當日，她仲去美甲添呢，隻隻手指都唔同色架，係咪好靚呢?

嘩~~~~熊仔你似乎過份左少少啊~~~不過叮叮不介意啊。

好多謝出席Christine慶祝生日會的各位Fans，尤其係千里由台灣專程來參加生日會的鐵扇兄。

當然都多謝你們為Christine細心挑選的禮物，多謝晒~~~好喇，一連兩輯的 Christine Birthday Party報導完喇，

下次有Christine的消息，再同大家分享啦。

Bye!!

　謝謝收看這篇文章，你是第 個收看這篇文章的讀者。