創意生日卡
創意生日卡
發佈日期 : 2006年 11月7日
aa2.gif){kind=small}
最近因朋友生日需要買生日卡，哈
選購過程當中，發現這款生日卡很有趣，於是好想和大家分享一下。
這款卡好鬼攪野，一睇見紅白藍你就知道是香港設計啦。
紅白藍信封內，一共有兩樣野，第一樣當然就係最搶眼的紅薄仔啦。
這個紅薄仔無論是顏色，大小，或者質地，彷真度都好高。
話得係紅薄仔就當然會用紅色啦，另外銀行名就用恆心銀行。
背面跟真的一樣有磁帶的，嘻
，你知道這作品是屬於邊間公司做的呢?
看圖丫，係咪好攪野呢。
紅薄仔真係一頁頁用針書機釘裝的，雖然頁數同真的有所分別，但係都好真下架喇。
打開存摺的第一頁，同真的一樣，可以見到紫外光燈簽名位。
再打開內頁的其他頁數，可給大家寫上祝福句在上面。
我寫乜野內容比朋友 ? 喂喂， 我無奶油講你知掛。
不過可以講少少過你知，我其中一句係祝佢不勞而獲。(
相信係人都想 )
其他內容當然係要你自己想啦，這是創作嘛，是對朋友的心思，好好想一下吧。
仲有呀，你留意一下紅薄仔最下面的位置，與真的紅薄仔一樣，都係有進支代號架播。
不過他們的代號就有好大分別喇。
除了紅薄仔之外，還有一張彷真度高的支票，劃有抬頭，有銀碼，有簽名位。
不過我就提意在寫完抬頭名，同埋劃完隻龜上去個簽名位上面之後，(
喂，記得真係劃一隻龜落去好播 )
但在寫銀碼位置，專登漏空唔填，然後在下面加上一句，
生日豪比你，銀碼自己填啦!
嘻 !
貢樣好似好豪氣咁呢，真係依家想到都想笑呀。
我朋友收到後好開心，好喜歡這張卡的設計，仲叫我幫佢買一張，用來送比佢媽媽，因為佢媽媽一月份生日，這張卡好合用。
後來我再和另一位朋友講有關這件事，啊!
佢又係好喜歡，剛好佢媽媽下個月就生日，所以又叫我幫佢買一張。
似乎........
大家都好喜歡這張卡的設計咁播，所以我就寫這篇文章和大家分享一下喇。
講左咁耐 
，都未講張卡幾錢呢，係港幣$30，包括圖中所見，紅白藍信封，紅簿仔，支票，書簽，封口貼紙。
如果單獨去看$30買一張卡，好似好貴咁，因為紅薄仔的質料，加上設計心思，我自己覺得不貴，
因為那些只係得一張卡的入口名牌卡都十幾二十蚊一張啦。
起碼送呢張卡比朋友，佢會記得我送過張咁特別的卡比佢先丫。
這卡我是在旺角近嘉樂商場附近的中南圖書的頂層賀卡部買的。
我有試過事後去銅鑼灣的分店找過，但那裏無入這牌子的卡，所以我最後都是要返回旺角購買。
圖中紅圈位置，就是嘉樂商場，中南圖書就在圖中左手邊呢。
不過咁播，我係話我自己在呢間店鋪用$30買炸播，我無在全港九格過價先買架呢，
所以我唔知$30係全港最貴，定係最平的呢?
千其唔好到時走個巴士呀叔出來捉住我，話買貴了張卡，咬住我唔放，我就死比你睇喇，
你知家陣D人幾咁惡得架，係無? 
希望你喜歡丫。Bye Bye。
各師兄與朋友，如需借以上圖片使用，請自便，但敬請不要抹去圖中的 avbuzz.com簽名字樣，感激感激再感激。
◆ avbuzz.com精神，人人毒我，我毒人人 ◆
謝謝收看這篇文章，你是第 個收看這篇文章的讀者。