Kendy Fan
Club
Kendy Fan Club 會訊三
發佈日期 : 2004年 4月27日
大家好，和大家宣佈一個好消息，一個壞消息。
先講好消息，就是Kendy在26日下午5:30返到香港。
第一個壞消息:
Kendy的聲帶非常非常差，比起她在澳洲時還惡劣，和她通電話，她聲音不但沙啞，而且唔用得力講野，
好細聲，咳得好緊要.......大家聽到我形容都應該覺得肉痛，何況我是親耳聽到那聲音。
第二個壞消息:
今日Kendy一返到屋企，雖然帶病，但係都好興奮咁去留言版，睇大家的留言，
原來自上她貼相後，就沒有再接觸過電腦，我猜她應該大約有六頁留言未睇。
滿心歡喜的Kendy，一邊咳，一邊打算上網，點知.......
Kendy出發到澳洲前，因為想轉上網公司，所以由A公司轉去B公司。
A公司在她去澳洲的時間就夠期終結了。
原來新的一間公司，到今日還未上門安裝，所以Kendy現在只可呆呆地面對一部不能上網的電腦。
而Kendy今次澳洲之旅，一共影了過千張相，正打算今晚貼住部份相片和我們分享，但現在.........
Kendy用微弱而帶咳嗽的聲音，向大家講聲不好意思。
明日Kendy需要返公司報到，試試用公司的電腦去看看大家的留言，
之後會去睇醫生，之後試試找她的姐妹又好，朋友又好，把相片貼上來給大家分享。
請原諒雜工講一句，我們不要kendy的相了，只想kendy快點好返，妳的聲帶和喉嚨，
不可能傷咁耐的
，kendy算算妳由澳洲之旅開始的第二日就開始有事，
到現在還不好，還惡化到咁樣， 
我們唔要睇相了!!!只要Kendy快點好返。
我沒有宗教信仰，但如果這個上真係有神，
我希望祂快點使kendy好返，這些痛苦不應該給Kendy的。
Kendy十張硬照
非常多謝Denny的報料，剛剛買了這本$15的數碼流動，隻光碟是跟書送的。
本書的右上角，清楚見到有Kendy的樣子。是告訴大家知到買書送碟，碟內有六位美女相片。
|
唔計隻光碟，本書一共有四個位置可以見到Kendy的出現。
分別是圖中左上角是封面，右上角是目錄左下角是內文，右下角是介紹這隻光碟內容。
幫Kendy攝影的這位攝影師，希望你唔好介意，我轉貼只係因為我們是Fan Club會員，
所以想分享消息，希望你唔好覺得我們偷取你的作品。
但如果你感覺唔開心，請你告知我，我會抹去的。謝謝。
|
咪就係那日Kendy在個井內大叫我們去影佢，但係最後無人趕到去個日囉!!!
你咪攪亂我講野先啦!我講到邊度呢....呀係，
Kendy話佢依家在時代廣場內的三星店鋪，她會在三星店出現，推廣產品，叫我想辦法通知大家，
希望有人可以走到去這個井搵到佢，幫佢影相，咁萬民就即日可以見到
kendy。
但那一刻係大家返緊工的時間，唔係星期六，又唔係星期日，望下個錶，兩點幾。
於是我開啟蝙蝠緊急紹集燈，在某個網站的幾個討論區貼這個消息出來。
但................唉.......兩個鐘之後，Kedny再次來電，失望的她說，她剛剛完成了該工作，正歸家........
Denny，你看Kendy的表情多開心，但你又知否當時Kendy的內心，正猜想我們那一位會到場，但...........
這輯相影得好好，但我相信，如果SunSet或者Denny等高手，加上愛Kendy的一裸心，
影出來的相，一定比這輯相好好多。
而且Kendy Fan Club，又可以有這輯相了，唔好似依家咁轉貼人家相片，仲有就係即日有得睇添，唉...........
不過我都覺得Denny好好人，把這輯相貼出來和我們一起分享，大家有興趣的話，仲可以去買這本書返來，擁有這隻光碟添。
唔講咁多了，我都要買本先......
A!!!唔該一本今期數碼流動丫。
kendy會訊報告完畢
謝謝收看這篇文章，你是第 個收看這篇文章的讀者。
Kendy Fan
Club