全套架生。
聆聽環境約為12呎x20呎，算是理想。
全套架生的心臟 - 揚聲器。小弟用的是一對B&W Matrix 802 Series III。
這對喇叭雖然唔係甚麼貴價貨，但對Hi Fi略為認識的都會識得，甚至親耳聽過。
萬餘圓的二手價絕對是price of steal，但802難服侍就人人都知，地方唔夠大或後級唔夠班係絕對無法發揮她的潛力。
802個”頭”，一隻5吋的kelvar中音加一隻1吋的金屬膜高音。中音的音箱是用類似石屎的物料做。
要馴服這個二肥婆(大肥婆係801)，Sound Anchor腳架係第一步。
喇叭線是Audioquest Clear Plus Single Biwire，半銀半銅的高中較合二肥婆的胃口。
馴悍記的男主角，Mark Levinson No.23.5。
未換這部後級之前，二肥婆的聲音又粗又肥，
一用這部後級，聲音簡直係N級跳，雖然低音的punch始終差少少，但其他方便已經十分滿意。
其他器材。
由最前方講起，轉盆是Sony SCD-1。
作為一部純轉盆，一仔沒有令人失望，播放SACD對我來說只算是一個bonus。
解碼是No.36，表現中規中矩。
前級是No.38S。好多人問我點解唔用No.26S，原因好簡單，懶。
其實我找26S都找了差不多成年，但都無遇到一部新淨又價錢合理的，
剛好見到有部38S，便買來”用住先”。但用落又覺得聲音都唔差(唔夠膽話好好)，
有搖控又真係好可愛，唔洗走來走去較大細聲；又有兩組Balance In，可以駁部DAC及SCD-1。
好多人話38/380的聲音冷及機械化，新機番到我家時的確有此感覺(我上手的是一部很暖聲的?前)，但用了兩個星期，
此感覺消失得無影無?，不知是部機warm up了(38S是長開設計)，還是我隻耳仔run in了。
小弟的收藏。
那些是SACD?
最左下角那一格仔。
你話，點可以為一棵樹放棄成個森林。
做乜影隻窗？小弟套機最衰聲就係呢隻窗，正正在皇帝位上面，因為面向大路，噪音甚大，
唔關窗直情完全唔可以聽Hi Fi，下次裝修，一定要換雙層隔音玻璃。
每當夜闌人靜聽歌，感覺部機升了好多級。
線材小弟是十分馬夫。全部interconnect都是VDH Integration Hybrid XLR，digital線是DIY 的AQ VSD1。
電源線則是DIY的XLO，插蘇全部都係13A，玩電的大佬一定鬧我白痴。
其實我都係讀Engineering的，而且玩了二十年土炮，
以我知識範疇要我相信一條3呎長的電源線可以改善聲音，唔係容易。
: 多謝參觀 :
