|
|
|
|
|
|
閒報
發佈日期 : 2004年5月23日
我時常清風兩袖..............
非常多謝大家的關心，多謝你們在討論區的回應，不過我希望大家把兩件事分開，
【巴斯遺囑】真係有必要的，唔係我想多了而做出來的，這事真係一定要實行，相信你們都應該明白。
星期六與TopGun到銀行做了有關的開戶手續，所以大家可以放心，我現在死左都唔會影響到你們喇。
另外有關觀看我的貼文，要大家按一些你們不願意按的鍵，真是對不起。
因為我沒有想到你們的感受，是我不好，我太自私了。
其實我原意是想保障我自己，但係後來見到你們的反應，發覺用詞過激了。
所以我作出修改了，修改後的內容，我相信大家都應該同意的，如果仲係覺得唔習慣，
不緊要，按按下就麻木，到時你們會變成慣性Click一Click，好快習慣架喇。
咪好似你們平日安裝電腦軟件一樣，係咁Click個願意一樣囉。
當你習慣左之後，到時我加多幾隻字落去，你都未必有留意啦，係無?
不過我反而不明白你們點解會誤會我唔再貼筆記呢?
如果唔貼，又點會做個咁樣的問答呢?
其實我係唔應該為大家帶來麻煩的，希望大家原諒一下我。
心理醫生
有關會員
Cow Boy Woody提意巴斯去看心理醫生，我去看了，有圖為証 
丫喂喂喂，依家D心理醫生真係好鬼死靚，我打算以後都去睇多D先得。
其實朋友無需擔心我，我無事播，你咪當我係一種行為藝術囉。
我只是對人無信心，未去到心理病啊。
 |
巴斯樂園
首先多謝 ronnie lam ，到時一定找你幫手，不過.........唉.......我都係發下夢吧。
這個只是理想，唔好講會唔會找到咁多錢，只係最後一加上人類就唔係那一回事了。
不過方向係咁，即管係咁樣行，最後是否會到步，或目的地又是否我想的又另作別論了。
有關會員【京】的 賣驢的故事 ，我好耐之前聽過了，早前還找人想把內容做成四格漫畫，貼上拍紙簿和大家分享，
但找不到合適的人做，所以不了了之。
多謝京。
出售【王者再臨】
前晚把【王者再臨】DVD碟帶到信和地庫的二手店出售，當日購入時是$145，當二手店老闆看過後，出價$80成交，
問我損失了$65是否得?答案對我來講是值得，可以同這套DVD碟影相，仲可以寫篇報告讓自己日後重溫，
而且又可給網友打發一下時間，我覺值得，現在等比效好的版本推出後再出手。
購買俄國反射鏡頭
非常多謝Peter So借我玩了近一星期的反射鏡頭，由於Peter所借我的是500MM，無論距離、重量、體積和操作上，
都對我來講做成不便，所以我前晚七點幾鐘，到旺角信和中心選擇了300MM，4.5光圈的同類型反射鏡。
放下$1000後，落到街原本聽Peter講去影砵蘭街黃色招牌，佢鼓勵我咁話遲D會無得影喎，
但我驚在那條街影相會比人打，所以在信和樓下試試就算，
初步算係滿意，加上昨日在日光下再試了幾張，都覺得OK。
但出現圈圈的技考還未能完全把握到，所以未能得心應手，希望用多一點會有所進步。
非常多Peter教左我好多野，我覺得Peter心中很富有
如果這個世上多一些好以Peter咁樣的人，世界會變得比現在美好。
閒報完畢，再一次多謝大家關心巴斯，巴斯無事，近期打攪大家係我不好，我以後唔敢
但那句【同意】【不同意】我依然是要做出來，因為這會使我有安全感一點，總覺得人類是不該生活在一起。
|
|
|
|
|
|