Victor HM-DH 35000 高解像錄影機

昨晚真係非常好彩，見到有架Victor HM-DH 35000高解像錄影機棄在垃圾房門口，我望望四週無人，

123就拿回家玩，但係拿回家之前，我大聲問過係咪無人要，但係無人答我，

所以我就拿回家中自用。

論外型，Victor HM-DH35000的確唔能夠和巴斯眼中的東芝A-HD2000比較，

我喜歡東芝A-HD2000的外型，但係Victor HM-DH35000的設計對巴斯來講就好好用。

未開蓋的Victor HM-DH35000。

開蓋後的Victor HM-DH35000

搖控方面沒有多大的分別，一般搖控的樣子。

為了方便用作為輯錄之用，正面的面版會有輸入的接頭。

一組S，一組i-Link和一組Video的輸入。

由這個角度望過去，大家可以睇到Victor HM-DH35000 的背面輸入和輸出位置。

這款機對巴斯來講，強項當然係同時附有RCA頭的色差輸出和D4端子的輸出。

巴斯好想同一時間出到兩組高解像畫面輸出，好等巴斯有兩款顯示器來欣賞高解像畫面。

一組輸出到Mon上去，另一組接到投影機上去。

圖中係散熱用的風扇。

圖中最頂的位置，正係Victor HM-DH35000的強項，

全球第一架日本版高解像錄影機，附有RCA高解像色差的輸出。

有了這個輸出，發燒友唔再需要被逼用$400-$600買一條D端子線，

就算你附出也，未必有你合心意的長度，可能要加轉頭而達到你合用的長度。

現在有了高解像色差輸出，咁用家就可以購買自己喜歡或一早擁有的發燒色差線了。

圖中的正係Victor HM-DH35000的D端子輸出，

也是市面上唯一的一架 同時 附有兩組數碼影像輸出的高解像錄影機。

無論你喜歡用D端子線，還是喜歡用色差線，Victor HM-DH35000 一定會滿足你的需要。

而且這兩組影像輸出，仲係同步的輸出，連選擇器的費用也節省了!!!!而且不用按鍵去選擇呢!!!!

這款Victor HM-DH35000有好多個唯一，第三個唯一，就是市面上唯一的一款，

附有AAC聲音解碼輸出的機種。

你們眼前的這個錄影機， 附有AAC 5.1音響較果輸出，日本數碼廣播是以AAC音較播放，

分別有AAC 2.0 / AAC 3.1 / AAC 5.1 的音響較果。

所以發燒友大都喜歡以AAC音響器材，重播節目的音響較果。

AAC和杜比音響較果一樣，AAC一樣需要AAC解碼的，以前的高解像錄影機種，

必需用家有AAC AV擴音機，再配合高解像錄影機，先能享受到AAC音響較果。

現在唔想換AV 擴音機的朋友有一個喜訊，

這個新款設計的AAC 5.1輸出，只需用戶，家中現有的舊款Av Amp有 5.1 音較RCA輸入，

而這組輸入又能由你的AV amp操控聲音的話，(如Yamaha的AX-1或A-1.........)

咁發燒友就唔需另外購買新款附有AAC功能的AV Amp了。

就咁用六條訊號線，接上錄影機和Av Amp之間，就可以享受到AAC的較果。

但是這六條訊號線，連接到你的AV Amp上面時，最好選擇同一款和同一長度的訊號線，

即係話 6條線一樣，點解要咁做，聰明的你，唔需小弟解釋了嗎?

但如果朋友你們家中的AV Amp是比較新款，早有AAC解碼在內，

咁你們就可以直接利用錄影機的光纖連接AV Amp，享受AAC音響較果。

如果家中的AV Amp沒有AAC解碼在內又沒有5.1輸入的話，

咁朋友同樣可以利用這組光纖輸入去你的舊款Av amp上，咁當然出來的較果就唔會係AAC，

只可以係PCM較果，但要求不高的話，PCM音較都會使你開心的。

無需講太多，事關Victor HM-DH35000的畫面絕對係今日買機首選，靚畫面係用來睇，唔係用來寫或講，

小弟用上了之後，非常喜歡，打算閉關一星期，把以前睇過的高解像錄影帶，再重睇一次，

其實小弟打這份筆記時，多次回頭望Victor HM-DH35000，好想快D打完這份筆記，

我好想全身投入去重溫之前睇過的畫面，真係唔知做得邊一樣先好，

以下就係小弟需要重溫的影帶，

我希望各位好友見諒，由即日起，小弟晚上會停止上網或做其他活動，必需閉關一星期，

我真的好想百分百投入高解像畫面。

時間無多，太心急了，再見!!!!

自私的巴斯敬上

完

§§ 返回巴斯主網頁 §§ 返回麥嘜的討論區 §§返回小強新聞組 §§返回Review 33 §§