Trevor Ng 的器材
圖/文:Trevor Ng
首先介紹下部LD及DVD先,部LD(LD-S9)係我用部R5+$2500同我個FRIEND TRADE
嘅(我陪佢一齊買的時候要$9000),畫面及聲音均不俗,還有一個非常特別的地方,就係一D發霉的LD,
我重用緊R5的時候，係有好多有顏色和橫紋會係畫面上面出現,
但用了S9之後就只有少量(係少量)黑色橫紋仔(記住係仔,唔係大條D)出現,令到我
都會睇番一D發發o地霉o既LD,都算係賺了。
而部DVD係PIONEERDV-S6D,因為唔想(可能係無$)換AMP,而又想玩下DTS,所以就買了佢。
畫面方面都算可以收貨啦,但係聲方面就差少少啦(同部LD-S9比),
不過唔知同國產機比較,D聲係咪可以收貨呢?(我自己對聲方面敏感D)
CD-PLAYER(WADIA 23),19 BITS取樣(定解碼呢),
同而家的DVD-AUDIO及SACD比較,真係等同石器時代的產品,
不過可能係無比較,我真係覺得佢幾鬼好聲,我買了大概有5-6年時間(5-6年內長開),
暫時都未有壞的跡象,摩打及轉速都幾正常(我果陣買都要成$16000,要整都唔知比幾多$呀),
如果捱到CD完全玩完就真係棧鬼啦!!.jpg)
第三幅係部X-10D及X-PSU,話說當年睇好多HI-FI雜誌,有幾期講呢兩舊嘢,
講到話加左佢後，就多了幾多分膽味,又醇了幾多咁話,攪到心嘟嘟買曬佢地番黎,IMPROVMENT唔係話無,
不過唔值兩舊加埋成5K囉(反而部CD下面放左舊黑麻石墊底,D聲重實左定位好左,都只係幾舊水)!!
第四幅圖係想話比大家知,我擺器材機櫃有幾雞,唔講你唔知中間的兩層板只係蔗楂板,
我未用塊木頂住中間之前,中間兩塊板係U字向下彎架(隻中置係B&W-CC6S2,都買左我2K)!!!
上面果部係三菱嘅V900L,當年HI-VI都排過頭兩名架!!
嗰果陣真係覺得S-VIDEO好靚(在香港係過左4-5年先有得買),
所以7K幾都買左,所以大家都可以睇到我都DUP左好多帶,
而家睇番都唔輸蝕架(淨係講畫質唔講聲)!
中間果部係DD解碼,買入價唔駛1K,都算幾抵玩。
(不過買3對雞雞線6 CHANNEL入AMP都同佢差唔多價錢,係咪有D笨呢?)
最下面果部係LD字幕機,我唔用力巨係因為SUNTECH D字體靚好多(但係我無話力巨D字肉酸呀!)
上面果部係JVC HR-S5600AM,都係S機,只係為左睇PAL帶(結婚果餅),
如果你再問我,我會叫你去買7600囉(定7700呢?唔記得左添)
下面果部係DENON AVR-2420,PRO-LOGIC AMP,純粹貪平及MADE IN JAPAN
(不過係咪多數AMP都係日本做的呢?)
不用介紹SONY DRC WEGA,一出就買,盛惠1萬2千幾,特別貪佢的DRC 1250
(不過有個問題成日纏繞住,究竟DRC 1250同DVD PROGRESSIVE有嘜分別呢?)
前置係PROAC T2000,喺旺角MICHAEL度聽過幾對,
都係覺得呢對低音好D而又o岩BUDGET啦(為左低音就犧牲左SIGN版o既靚靚定位o勒)
喇叭腳係FOUNDATION MKI,全新$1800,MKII要起個孖,
買唔起SUBWOOFER 係廿媽媽SW-160,都係因為睇HI-VI而買嘅,
因為有一期BEST BUY WOOFER一欄內佢排第二,但係第一位果隻就係佢好多倍價錢,
所以諗都無諗就買左佢嘞,不過我知有好多人都唔鍾意廿媽媽,不過佢又唔太差就收貨啦。
後置係LUXMAN SR-005,好鬼平,但求後面(嚴格D講係兩邊)有聲出就得啦
.jpg)
這張相片係器材全景
.jpg)
亂糟糟線材一大堆,完全無理到佢究竟有嘜干擾,
求求其其唔突出個櫃出面,全部'隊'哂落櫃底算數
係CD+PS GAME+SATURN GAME+日本SINGLE,夾夾埋埋應該都有幾百隻
(以CD計,動畫佔1/3,JAPAN POPS佔1/2,CLASSIC佔1/6)
呢個係LD+雜物櫃,LD總數約60隻到,重有一部份縮左入'他錶'入面
(前排手痕左D 拿LD出來睇,除左朦過DVD小小之外,畫面出黎真係SMOOTH好多,
真係唔識點形容,果種FEEL一定要自己感受下先知道點講)
.jpg)
放CD的櫃係在實惠買的,好似七十幾蚊一個(話可以擺到60隻碟),夾夾埋埋都買左幾舊水
.jpg)
呢幅係床頭的設備
DVD係JVC XV-E100SL,貪佢樣靚(我覺得)、價錢平(在百老匯買都可以由$17XX講到$1630)、
夠薄(以我o岩o岩買o個時算係最SLIM),咁樣的價錢重有嘜要求!
DISPLAY係OLYMPUS嘅EYE-TREK,純粹貪過癮,以及無$買投射,
所以想玩大畫面就實要用咁樣配搭(不過比D HINTS大家,呢部野係出唔到純黑色既;
重有,行貨有2個MODEL,一部係有S入,但係畫面只可以較光暗;
而另一部係可較多D野[光暗,對比,彩色等],但係就無S入,要點選擇就睇下你自己想要嘜野,
我自己就買左有S入果部,因為畫面可以SHARP D同唔駛較咁多野咁麻煩)
.jpg)
呢幅圖係床尾的器材
電視係SONY KV-21SP1,日本水貨,初初買的時，只係為左睇N線S帶、LD、以及打機,
而家就用黎當MON用(電腦DISPLAY卡S出,電視S入640*480畫面,
插埋張TV卡當電視機睇,AV2就駁左部SATURN當VCD PLAYER[張VCD卡係SATURN沒落時買,
新貨都係買左3百蚊鬆D,一個字'抵'])
一D AV以外的野,一D收藏,一D生活點綴
.jpg)
DVD收藏及錄影帶收藏(尚未搵到合適的DVD櫃,而家只好用住先;
錄影帶藏量大概200零餅左右啦,不過真係好'牙定',以我細細的房計番買樓的比例,
(D 錄影帶擺放的地方真係要成幾十萬架)
.jpg)
完