頂級器材


建做這網頁時,搵返約一年前的家訪,主人家唔想小弟公開佢的個人資料,所以名字不便說明,

只想和大家分享器材。


週未收到我們圍內其中一位好朋友的E-mail,話佢新居的AV器材,全都裝好,

叫我們上去玩,器材總值約二百萬。

所以立刻集合各兄弟,

一行十多人,約好時間和地點集合就去佢家。

一入門口,眼前一亮...........全屋裝修非常簡潔,傢俬和裝修以白色和啡色為主,

給人一種說不出的舒服感覺,這感覺我咁大個仔都從沒有過!!!真係好靚。

單位面積1600呎,那個區份,定必係過千萬的單位。

進入廳中,嘩..........發覺全套都係頂級器材

件件都係頂級,都唔知由那一件開始介紹???

OK,小弟係Video發燒友,咁就介紹Video部份先:

Video

5.1的喇叭全套係同一的產品,一套六隻喇叭。

兩隻前置     Revel Saloon
一隻中置     Revel Voice
兩隻後置     Revel Embrace
一個超低     Revel Sub-15


~*~*~*~*前置~*~*~*~*

大家首先來睇睇個前置先,天啊........你們睇睇,幾咁有線條美???


頂部的顏色就同私家車的車身一樣的銀色而且反晒光,靚到不得了!!!

則板可以由你選擇顏色來配合裝修和傢私,屋主選用返家中的主色修裝,即係啡色為則板。


 

真係睇佢前面,鐘意到佢後面!!!未知大家可有同感???

背面插上"兩組" 頂級靚線"THE ONE"作為連接Power Amp之用。



       ~*~*~*~*中置~*~*~*~*

我咁大個仔都未見過咁大隻中置,佢唔只大,仲係好靚仔呢!!!


        ~*~*~*~*後置~*~*~*~*

後置就選用返牆身的白色




     ~*~*~*~*超低~*~*~*~*

我又係未見過咁靚仔的超低,你睇睇!!!真係好想比佢轟一野!!!

唔需多,只係轟一野就舒服晒!!! :p


     ~*~*~*~*超低Amp~*~*~*~*

圖中所見LE-1 amplifer ,就係用來單獨咁服待個超低音用,我猜你們一定目定口呆了,對嗎???


    ~*~*~*~*Video用的前級Amp~*~*~*~*

講到Video用的前級係選用左Proceed的AVP作為Video前級。


 


   ~*~*~*~*Video用的後級Amp~*~*~*~*

前級用Proceed,咁後級都無什麼理由唔用返Proceed,

咁當然Proceed HPA3就好自然咁成為Video的power Amp了!!!但係這個只係用作推中置和後置之用。


    ~*~*~*~*DVD機~*~*~*~*

Proceed最新出品的PMDT  DVD機,剛剛第一批到港,

功能成架電腦咁!!!當然區碼對佢來講,都唔係問題呢!!!  


 

~*~*~*~*三槍投射機~*~*~*~*

投影機選用Vidikron的頂級型號Vision 1,這個投影機係9"管,機身有多種顏色選擇,什麼顏色選擇???

法拉利有什麼色,佢咪有什麼色囉!!!這個機身係由意大利名設計師所設計,

外型非常咁靚仔,我好喜歡呀!!!而屋主就選用左同喇叭一樣的銀灰色,

唉........靚成點???我唔識講,你們自已睇啦!!!但係我有一點要講清楚,就係實物靚好多好多!!!

和我家中的D50比較的話,唉.............個D50個樣足足好似落後左十年的產品,大家同意嗎???

售約$45萬


    ~*~*~*~*倍線器~*~*~*~*

倍線器係選用Faroudja的DVP-3000。


   

  ~*~*~*~*投射幕~*~*~*~*

用得9"管,當然唔會好似小弟咁播84"的幕啦!!!所以屋主就選用左Stewart的100" 16:9電幕。

講左咁耐先講完Video部份,隻手都有小小抽筋  >.<

無法子.....頂硬上啦!!!


~~~~~~~~~~~~~~~Audio~~~~~~~~~~

 


Audio方面,屋主想得非常週到,新居收樓時,隨樓附送的優質楓木地板,對器材的發揮唔係咁好,

所以全部在裝修時順手起晒出來,而換上對音質有好處的"紙壇木"作為地板。

 

OK!!!開始講Audio的 器材了:


      ~*~*~*~*Audio用的前級Amp~*~*~*~*

AUDIO前級選用Mark Levinson No.32


~*~*~*~*Audio用的後級Amp~*~*~*~*

而兩隻Mark Levinson No.33H作為Audio的後級。


收音機選用TAGMcLaren F3 T-20。

 



CD 機方面,選用被受多方讚好,Linn的CD12



講返我如何欣賞這套器材丫!!!

首先我們咁多位經過半小時談論有關音響上的問題,有講有笑,氣紛實在難忘,

經過半小時後,大家都開始把注意力集中在器材上了,而且器材都得到一定程度的熱身,

OK!!!一隻又一隻的Demo級和優質DVD碟播放出來。

嘩..........畫質好靚啊!!!當播放風景或靜態畫面時,

每一個細小的地方都係咁清楚,每一個色彩都係咁鮮艷,畫面質素真係達到頂點。

至於動作電影方面,5.1聲道發揮得淋離盡至!!!一次又一次的低音,撲面而來!!!

方向感非常準確,你絕對清清楚楚地聽得到每一粒子彈殼的落地點!!!

飛機的強勁氣流,真實地重現眼前!!!使你有驚的感覺。

這個還境之下睇投射,真係天下間最最最最最大的享受。

快樂的時間,往往都係好快過去,今晚都唔例外,我們個個都唔係咁願意離開,但係尾班車唔等人,

所以不得不離開。

我咁大過仔,從沒試過見到咁美的家居和器材二合為一的,

我絕對無法用我的文字來表達到我心中的感覺,

那天返到家中,我無法入睡,在床上左轉右轉,唔知點解,眼一閉上,

就是這個發燒屋的器材,家具和出席網友的談話內容,再一次出見腦海之中,

我差唔多用左兩小時,先能把心情放下,在半夢半配的情況下睡著...........

但係睡不到三小時,就醒來了,而再不能入睡.......

我實在無法忘記這個難忘的晚上,在這塈皒蛪N多謝這位相識了兩年幾的網友,

十分多謝佢把我放在佢邀請名單之上,使我能夠得到這一個難忘快樂的晚上。

現在我也希望其他未能出席的網友,能夠分享我的喜悅。

我的手不能再打下去了,相信你們都睇得眼花花了,就比個時間小弟休息一下...........

最後送上最後一張相片作為結尾,希望你們喜歡。

你們睇這張相片時,因為我係用三張相組合成的,

咁你就可以清楚一D來睇到個幕和梳化的距離。


這些頂級器材小弟一向見到個價位都唔會睇,因為根本買唔起,想都唔會想,

所以對佢的價目完全唔知,所以希望各網友唔需問我點解唔Post個價出來。

1.  Projector -- Vision One
2.  DVD Player -- Proceed PMDT
3.  AV Processor -- Proceed AVP
4.  Center, Surround Amp -- Proceed HPA3
5.  Front Speaker Amp -- Mark Levinson No.33H
6.  Center Speaker -- Revel Voice
7.  Surround Speaker -- Revel Embrace
8.  Front Speaker -- Revel Saloon
9.  Pre-amp -- Mark Levinson No.32
10. Sub-Woofer -- Revel Sub-15 with LE-1 amplifer
11. Video Processor -- Faroudja DVP-3000
12. Tuner -- TAGMcLaren F3 T-20
13. CD Player -- Linn Cd12
14. Cables and accessories -- Too many to be name

****************************************

返回巴斯主網頁

回到小強新聞組

回到hk.rec.audio-visual新聞組

回到netforum.leisure.avhi-fi新聞組