三區【不速之嚇 The Others】

圖。文 : 巴斯光年

昨晚( 2002年1月29日 )經過旺角，見到德發地庫出售連一區都仲未出推的【不速之嚇 The Others】，

這隻碟的三區代理係寰宇出品。

這套片聽網友講，有唔錯的劇情，小弟沒有入過戲院睇過，打算講買DVD碟作收藏之用，

而這片又係我喜歡的女主角【妮歌潔曼】主演，無心理準備之下，出現三區DVD碟在我眼前，

真有點開心，但拿封套在手上一看，

碟上面印上【Letter Box】，唔係我喜歡的【Anamorphic】畫面，

但印上DTS和DD5.1的字樣，售價只是$68，非常吸引，心中十五十六，

最後怕畫質唔好，放返低，離開上址。

十多分鐘後，進入威威店，這套三區寰宇出品的【不速之嚇】又再出現我眼前，

但今次我無法低受我的心魔了，因威威店正以 $58出售這隻DVD碟，

當日係2002年1月29日了，步入2002年，剛好係29日，這期間，我一隻DVD碟都無買過，

所以唔介意所推測的畫質差小小，就當作係租碟的價錢，好好地去欣賞這片。

於是比了錢，$60仲有錢找，就係咁，好開心的帶【妮歌潔曼】返家中欣賞。

冰冷的一個晚上，太太又出門了，手上拿出一杯暖暖的中國茶，

打算和【妮歌潔曼】渡過105分鐘的時光。

好可惜.............我睇了唔夠三分鐘，就發現這隻DVD碟的中文字幕，出現唔準確的問題，

字幕出現的時間，比畫面慢。

而且係唔可以接受的唔準確，根本唔可以明白劇情的內容。

巴斯好唔開心，願意把標準降低，打算睇自己唔熟識的英文字幕，

我真係好想和【妮歌潔曼】一起渡過這105分鐘，但.......

就算巴斯把標準降低也沒用，因為..........根本沒有英文字幕的設立。

心中非常唔開心，好好的一個晚上，一隻劣質的DVD碟，粉碎了巴斯的美夢。

巴斯放棄了，全個發燒房靜下來了，三槍投影機這刻投出來的光線和巴斯心情一樣，

係黑色的，比墨還要黑...........，其實我只係想睇一套戲，沒有太大的要求，

Letter Box我都唔介意了，點解咁樣對我呢???

一月三十日早上致電寰宇公司問如何是好，

答覆係正在回收有問題的DVD碟，顧客( 我自己稱之為受害者 )可在二月二日後，

帶同你買該碟的發票到你買碟的店舖，換回修正後的版本。

或可拿手上有問題的DVD碟，到葵涌大連排道 192 - 200號，

偉倫中心二期18樓

對換修正版的DVD碟。

如果有網友 (受害者) 想直接詢問的話，可打以下電話:

2416 3008

希望 (受害者)只有我一個，而祝福我自己，2月2日真的如期推出修正版，

但剛剛今天晚上，我在屋企樓下的影視店，

依然見到店內依然出售這隻三區寰宇公司出品的【不速之嚇】。

如果這批有問題的碟，係因為這個片名而宣傳的話，

我覺得佢非常成功，因為在我身上，收到了片名的較果了!!!

完

§§ 返回巴斯主網頁 §§ 返回麥嘜的討論區 §§返回小強新聞組 §§返回Review 33 §§