starwar

我睇一區星戰前傳

星期五旺角區有一區星戰前傳發售，昨日星期六，我真係有機會親眼睇到這隻DVD畫面了，

朋友為我好，明知星期五推出這隻DVD的第一日，我沒有時間出省城買到這隻DVD，

所以在荷里活商場三樓用$190幫我買了這隻DVD。

這套星戰前傳，我擁有日本版LD，睇完之後因為我本身唔係星戰迷，

之前的三集星球大戰，我都係在明珠930係咁倚睇過，因為講得太多對白，

我個人又無耐性，所以唔係好喜歡星戰。

當日買星戰前傳的LD，係因為當日有朋友擁有，招呼我去佢家欣賞，

播放當中一段賽車場面，睇完之後，小弟好喜歡，所以想擁有這隻附有EX音響較果的LD。

這隻一區星戰前傳畫面唔單只有透明菌邊，而且比較矇，但又未至於唔睇得咁差，

總知同Sharp就有一段距離。在我眼中，這隻星戰前傳，畫面質素絕對唔可能與參考級畫面拉上關係。

可能你會話，巴斯你的器材唔夠班炸掛!!!!

這個我百份百同意，但係我可以話你知，

我用這套唔夠班的器材來睇其他DVD又唔會有咁樣情形，咁就好明顯關隻一區星戰前傳DVD事了。

但係咁樣，小弟唔生性，用隻星戰前傳來投放到100" 4:3幕上面睇，

先會有咁樣情況出見，如果你用顯像管播放的話，情況當然唔會咁難接受。

總知我就通知晒我的老友，話我借比佢地睇完，先叫佢決定買定唔買。

如果係星戰迷就唔買唔得，因為片中的賽車場面，，DVD加長了內容，

睇LD時的劇情係主要講一個壞人在比賽中針對主角，

原來針對主角的仲分別有幾個對手，在這段比賽片段，加長了幾分鐘LD沒有的片段，

令到比賽時間長左，比起LD係長左幾個片段，

即係話星戰迷可以經過這隻DVD碟，睇到以前未睇過的片段。

而音響較果方面，如果唔同LD比較的話，算係OK，

但係如果同LD比較的話，這隻DVD明顯聲音比較窄左，無咁開揚，

問心講，如果比多一次機會我，我會唔買這隻DVD，

問我會否出售到二手市場 ????我又唔會，因為我擁有LD，買埋DVD的話，算係叫做集齊一套的心態，

買左咪算囉，叫做人有我有咁樣心態。

這隻星戰前傳好有心思，做了小小功夫，

每次放碟入機內，都有可能見到唔同的菜單，今次見到呢個菜單，下次再放碟入來時，可能變了另一個。

小弟試了多次入碟出碟，分別得到以下三個菜單和大家分享，

如無意外的話，應該只有三個菜單了。

大家睇睇自己喜歡係那一個菜單????

以下的秘技係來自網上的資料

相信好多買《星戰前傳之魅影危機》呢隻 DVD 碟人，都會發
覺 Menu 畫面度，會隨機出現三個不同的標題畫面（包括有賽
車場畫面，太空船及 Naboo 等），但有冇諗過其實 DVD 碟都可
以有秘技，讓你完全控制佢出邊個標題畫面呢！
大家唔好以為打機先至有秘技，其實 DVD 碟一樣都有秘技存
在，好似《星戰前傳》呢隻 DVD 碟，其實大家都可以控制佢
個 Menu 畫面，而且方法重好簡單！

首先你要將 DVD 碟作正常播放，而當你一見到段 FBI 警告面
時，你只需按下遙控器上的「 2 」字掣，當進入標題畫面
時，你就可以見到以 Tatooine （太空船）為主題的 Menu 畫面；
如果按「 Audio 」掣，就可以見到 Naboo 的畫面，當按兩下
「 2 」掣就可以選到 Coruscant （賽車場）的 Menu 畫面。

另外，《星戰前傳》呢隻一區碟重有一鮮為人知秘技，就
係當大家 Disc One Menu 畫面度，選擇 Option 選項，當進入了之
後，再輸入「 1 、 1 、 3 、 8 」，等一會，再按「 3 」，最後
再按「 8 」，即時會見到一些電影隱藏片段。

最後一提，當大家在選擇畫面時，只要不按任何掣，亦會
出現大量特別畫面，例如在「 Animatics Menu 」時，如果大家
不按任何掣， Watto 就會走出來叫你走開！都幾得意！

圖中所見的正係第一隻DVD碟，星戰前傳的電影碟。

圖中所見的正係星戰前傳的制作特輯，包括有重播受刪剪的鏡頭，星戰迷一定會有興趣。

真係好難明白，在制作特輯內，重播受刪剪的鏡頭畫面，居然沒有透明菌邊????

完