網頁版【 Review 33 §§ 小強新聞組§ § Tower3A討論區 §§ 麥嘜討論區 §§ 阿柒新聞組§§RLII的討論區§§
新聞組版§§阿柒新聞組§§ 小強新聞組§§ KC Lau軟件DVD新聞組§§
不得了！Sony 12少 VS 100仔 (續編)
文：Racingboy
圖：jC02
日期：2002年8月15日
上回講到﹕龍劍飛比千殘脚隻香港脚踩到落o黎之際.......(原來發緊夢)！
話說好日唔坐MTR o既小弟上星期六懷着輕奮o既心情踏MTR去o拉，
點不知見到十年難得一見o既MTR塞車，EPSON個SHOW係兩點鐘開始，睇睇隻錶...(大鑊)，
依家巳經一點半鐘添，正常半個鐘可以到o既車程，足足用o左十至十一個字時間先到，
心急如焚o既我，你們明白小弟的心情嗎？如果遲o左有冇得入去呢？
如入得，又會唔會錯過o左o的精彩o既片段呢？(例如見唔見到我偶像巴斯大人呢？)
小弟一出MTR，連行連跑去到目的地"喜來登"巳經兩點半，一去到個Ball
Room門口仲有人剛剛到，
唉~~好彩！原來個SHOW兩點恭后，兩點半入席(去飲乎！？)。
首先大會一輪例行開幕詞後，跟住請o黎一位THX工程師講解現行的視頻與及聲頻o既制式，
我依家緊係講返投影機o個部份o拉，咪住........，點解我見到我身邊o既人，一人有一個夢想，
唔止添，佢o地一人有兩隻碟，一隻係DVD同一隻CD ROM o既物體，我唔制呀！
緊係晨早派曬o拉！最衰就係衰人MTR。我心諗o左一陣，無理由空手而回o架，
咁小弟唯有厚着臉皮向一位漂亮o既工作小姐問問佢仲有冇碟取呀？
呢位可愛o既小姐就問我有冇咭片，可以sent返比我，我二話不說，拿拿臨拎o左張咭片過佢。
仲唔繼續比人鬧添(咁多廢話)！
跟住我o地就由坐位移步到我o地o既後面，
因為大會安排o左一部TW-100係o個到比我o地鑑賞，我用我一個六呎唔夠o既身軀閃身就揾到個好位，
我突然見到我偶像"巴斯大人"係到，其實我都未見過佢o既盧山真面目，可能你o地會諗，
我點解會知佢個樣，唉.....原來係大會第一隻安排o既試機碟係Toy Story，
o車 ~~~！Toy Story主要係試TW-100 o既 COLOUR，100仔播放o既彩色，
無乜話有偏向某一種顏色(紅、藍和綠)o既傾向，絕對係掂，不愧係用o左sRGB o既標準
(呢一部100仔，係香港絕對會係調較得最靚o既一部份之一，因為o的大老闆係曬到，所以好難唔靚喇)
跟住再試黑夜畫面o既代表作(U571)，係一開始o個段播起，係灰暗o既環境，
100仔依然能夠表現出黑色應有o既實同細緻，同狗牙都唔係好覺係o的圓滑o既位置出現，
但如果同"12少"比較o既話，我覺得"12少"o既畫面，絕對能令你睇到緊加黑同實，而且細緻方面會利害。
我唔話得講會場上有兩部放係一齊，我見到你可能會話，你點樣做A/B比較呀？
世界真細少，原來幫呢個show做set up，正是我上次A/B比較o個間公司做，所以到呢刻，
我都係比較喜愛"12少"o既畫面。
我記得講會場上有兩部100仔放係一齊，試機時係同上次一樣用9000es經色差輸入到100仔個pat pat到，
而另有部係駁o左唔知係 VGA 定係 DVI o既(唔係好記得，小弟又無錢買DC)，
但係又無用到 HTPC 測試殊為可惜！
到最後小弟最想睇到"12少"o既VGA同100仔 o既DVI大比拼，究竟邊部正o的同幾時才有機會呢？
我諗呢個問題會係現有投影機o既朋友或準投影機o既朋友易都想知道o既答案！？
與此同時，我今日收到Epson寄o黎o既碟，但只有一隻DVD，而另外o個隻CD ROM係乜o黎o既呢？
咁就要等擁有呢隻碟o既網友，拎出o黎比大家分享o下o刺！
以下就係隻DVD o既封面、底，以及一少部份o既內容，有100仔o既你o地又有冇呀？
如果冇，我都唔會比你o架！哈哈哈！！！
但好奇怪，在會場上並無介紹或放影過呢隻碟？謎！
以上只係小弟個人o既感受，如有得失，敬希見諒！
網頁版【 Review 33 §§ 小強新聞組§ § Tower3A討論區 §§ 麥嘜討論區 §§ 阿柒新聞組§§RLII的討論區§§
新聞組版§§阿柒新聞組§§ 小強新聞組§§ KC Lau軟件DVD新聞組§§