家訪小強的家庭影院
圖 。 文 : 巴斯光年
在一間香港五星級的餐廳內，卓上面放滿各款美食，有五頭大網鮑，清蒸海皇班，
片皮鴨，炒鴨舌，椰汁官燕................
卓尾的美食真係用望遠鏡都睇唔盡，小強仲為小弟開了一枝紅酒，
雖然美食當前，但係小強一直講，不停的講，天南地北，最後小弟實在無法再忍受面前的大群翅，
正想把大群翅放進口中時，突然聽到有警鐘聲，心中好驚，就係咁!!!!一驚之下，
我就醒了.........頂!!!!原來係鬧鐘聲呀陰功!!!!係發夢，激死!!!!我的大群翅仲未入口!!!!
早知唔理個警鐘聲啦!!!!頂!!!!
大家唔好鬧我，我都只係陪養一下情緒遮，依家開始喇，唔好鬧喇好嗎????
10月26日終於下定決心，寄電郵比網上精神領袖小強網的版主小強，希望可以到佢家中訪問一下佢的器材。
和小強版主一直在網上談天了一段日子，但係就一直無見過小強版主，
因為小弟怕小強唔喜歡接受我的家訪，所以一直唔敢開口，點知一開口，小強第一時間答應小弟的要求。
仲約好了在10月29日晚上7點見面。
小強是誰????
小強係小強網頁的版主，佢係全港最受歡迎的網上新聞組。
這個新聞組由於氣紛比較好，小強新聞組內的網友好好收養，加上沒有人在小強的新聞組內生事，
所以好多網友都好喜歡去玩，有好多網友唔識設定新聞組，一樣可以睇到小強新聞組，
大家只需按以下這個地方，就可以在網頁內同樣睇到新聞組的內容。
小強版主為網友爭取了好多福利，例如在指定的店舖出示印花，就可以得到優惠。
由於小強係無條件咁為網友爭取福利，所以好多網友都好喜歡小強版主的，而事實上，
雜誌和週刊都有登出過小強網的資料，可想而知小強網的知名度，係幾咁利害呢????
今次小弟好多謝小強版主比一個咁好的機會小弟，比我這個陌生人，拿住數碼相機，
去佢家中影相比大家睇，真係要多謝版主比我這個機會，多謝多謝。
在開始家訪前，不如我們先睇睇小強的家庭影院器材名單先 :
Center - JBL HLS
Center
Front - JBL SVA 1600
Rear - Sound Dynamic BP1
Effects - JBL SAT 1
SW - KEF Coda S
AV center - Denon AVC- A1SE
DVD player - Qisheng 4026
SACD player - SONY SCD-XB770
PCDVD/PCTV - PIII 667/ATI AIW
Monitor - Panasonic TH-32MS1
Coaixal/Optical/Analog Cable - Audioquest
Front speaker cable - Tara Labs
Rear/Effect cable - Ab Liu St cheap cable...
一入門口，行幾步，就可以見到小強的家庭影院了，這器材係背住正門而放的，
大家可以由這個角度睇到小強的視聽位置。
大家見到器材的背面係幾咁方便換線和散熱呢!!!!
大家都應該知道小強版主係一個高達迷，所以在佢的家中，你都可以見到佢的高達模型。
圖中的這款天使高達正好放在中置上面，非常有氣勢。
由這個角度大家可以睇到小強的器材擺位。
小強選用呢款16:9國際線電視，附有VGA的輸入。
所以小強好開心咁利用這架電視上網，仲要係16:9畫面播!!!!
佢又可以用有VGA輸出的progressive DVD機來對應 progressive ，
PCDVD對這架電視來講一D難度都無。
咁當然，畫質方面，大家又唔可以用佢來和依家D新款16:9電視比較。
這電視兼容性比他們大，又唔需轉線器呢，
不過咁，就算你喜歡都無用，這款電視停產了，你想買的話，只好睇睇二手店先得。
圖中所見的正係小強的無線搖控，PCDVD的基本需要，無線的Keyboard和Mouse都必需擁有呢。
不如由柜的左上角第一格講起好嗎????
機柜的最左手面的第一格，正係 SACD player - SONY SCD-XB770，平日小強就係利用佢來聽SACD了。
SACD機下一層，就係圖中這批器材，作用就係提供上網所用的器材。
最下面的電腦，位於全套器材的左下角電腦，正係小強網的基地，
小強話我知，我們新聞組就係在這個電腦內，
不過小弟唔識電腦，我襯小強去了洗手間的時候，由這架電腦的風扇位單眼裝入去睇過，
出盡力都唔見你們各位響裏面，可能入面黑所以睇唔到啦，但係我有試過細細聲叫你們，
但係又無回音........丫????小強又唔似係騙我丫????算啦.........佢話係就係啦。
講完左手面，依家就講右手面啦好嗎????就咁右手面的最頂講起，
巴斯的最愛，天龍頂級型號，AVC-A1SE，以一架合併AV Amp來講，售價真真驚人，
小弟當日推出時，真係好想擁有佢，但係無奈..........無法接受咁名貴的價位。
我個人好喜歡佢的外型設計，力度又足呢!!!!
接下來就係右手面的第二格了。
和其他發燒友一樣，小強都會有一架progressive 的DVD機，奇聲 4026就係小強的選擇了。
位於全套器材的右下角，即係最下的位置，
就係小強的PCDVD機了，小強覺得和奇聲比較的話，奇聲的聲音會比PCDVD好，
而畫質方面，小強會喜歡PC多一點。
小強就係用圖中的這款 KEF Coda S 超低音，在這個面積之下，對佢來講，唔係問題。
後置方面，小強選用了 Sound Dynamic BP1 。
大家試幻想一下，在這個咁舒服的距離下睇戲，係咪好開心呢????
而且梳化的腳係可以紳縮的，有需要的時候可以變身成為頭等機位的。
而梳化前的茶几，就可以放上零食。
這個軟件柜，係小強的設計，原意係訂做一個軟件柜，係可以完全藏入晒窗台內，
但係可惜尺寸有所出入，未能完全藏入窗台內，需突出 1/3在外面。
但係我個人覺得，咁樣突出來，仲比較美觀，我反而唔喜歡軟件柜和牆身一起平。
登登登凳!!!!
各位觀眾，睇下係什麼????
..........下????邊個????邊個咁大聲答 福祿壽????你有無文化架????
係高達呀，唔識就週圍問下人，唔好亂咁講野，比人笑就唔好啦，唔!!!!依家D後生仔真係.......
平時小強就係用位於梳化右手面的這架電腦上網和大家開心，係咪好方便呢????
唔講你唔知，小強家中養了5-6隻貓仔，這隻係其中一隻，佢和大家打緊招呼。
丫????你話右手面果隻嬲D乜呢下????如果係唔想上鏡的話，大可以講出來聽丫????
唔知D貓仔，食小強住小強，又打算回報返D什麼比小強呢????
不過小弟好擔心家中一家六口的貓仔，會對無線Mouse不利。
家訪係由電視上網開始，最主要係想了解一下小強的16:9電視用來上網的較果，
16:9畫面上網時，視覺上睇得好舒服，我好喜歡。
進一步就接上了PCDVD了，播放了幾段片後，就接上奇聲DVD機作比較，
在小強的組合上，似乎PCDVD機的聲音輸了比奇聲DVD機，但畫面就PCDVD比較好。
天龍頂級型號的確唔係浪得虛名，AVC-A1SE強而有力的表現了所要表現的較果。
接下來就一試小強剛買無幾耐的新貴 SACD機 SONY SCD-XB770。
試過後的較果算係有唔錯的表現，但係小強覺得以前一直用緊的Philips，
在CD機這部份，小強喜歡昔日的Philips多D。
今次的家訪，小弟和小強版主都會在以下這個地方討論一下小強的器材，
事實上各位平時一樣可以上網睇到小強網的朋友對答話提呢!!!!
唔需設定新聞組架!!!!好方便的呢!!!!
完