家訪 Ray 的器材

 

Ray係一位影音發燒友,發燒了一段日子了,

由於一直和家人一起居住關係,不能擁有一個滿意的影音環境,所以連器材都沒有購買,

沒有一個好的環境,倒不如不買????

Ray就只好等機會的來到,在這段等待的期間,Ray一直都無離開過AV的世界,

上網,睇雜誌,約朋友去影音店睇器材,通通都係為了興趣。

今日年青的Ray,經過自己的努力,不到30歲(我猜) ,就在名校區擁有自己的物業,

有了自己的天地,等待多年的心願,終於達成了。

一口氣買了自己喜愛的器材,把佢放在自己設計的家居中,那份滿足感,實在係無法用筆墨來形容。


一入門口,巴斯被Ray的家居裝修所吸引,一個非常非常舒服的家居環境,出現巴斯眼前,

好難想像以年紀輕輕的Ray能夠設計出咁靚的家居出來,難怪Ray的事業咁成功呢!!!!

問到Ray的工作是否設計師,Ray笑著回答不是。

一入門口,器材在放在左手面,而視聽位置就放在另一邊。


大家先來睇睇Ray的家庭影院平面圖和器材表好嗎????

VHS: Sharp VC-ML3

TV: Sony 32DZ900

Converter: Sharp AN-200SC

AV Amp: Sony STR-DA777ES

Surround Speaker: SA-815ED

Integrated Amp: Primare A20

Main Speaker: SF Grand Piano Home

DVD/SACD player: Sony DVP-S9000ES


Ray把喇叭分開純音響用和家庭影院用,平時聽歌的話,就會選用SF Grand Piano Home。

而睇電影時就會選用SA-815ED (5.1套裝) ,圖中的正係中置的擺放位置。


喇叭線係可以換上自己喜歡的線材,Ray就換上了自己喜歡的線材,雖然圖中所見係紅黑色線,

但係絕唔係我們發燒友睇唔起的那款紅黑線,只係開線後係紅黑色咁解。


前置連同腳架一起,外型相當美觀。


圖中所見的正係後置喇叭,裝修期間,Ray早就留了位置收藏後置,所以安裝上絕唔係問題。


為Ray的家庭影院做出地動山搖的較果,就係這款超低音。

以SA-815ED (5.1套裝) 售約$6xxx,Ray非常滿意佢的較果,之前Ray都有留意到Bose同款喇叭,

但係就唔滿意聲音比較單薄,最後放棄了選擇Bose而取用Sony SA-815ED。


平時Ray就係座在這個真皮皇帝位上享受AV為佢所帶來的樂趣。


這款燈巴斯好喜歡,外型非常現代化,而且可較光暗,極之適合作為家庭影院之用,

由其睇顯像管時,燈光太暗的話,睇一段時間,眼睛比較疲倦,

燈光過光的話,又會影響畫質,所以有得較光暗的燈係對家庭影院來講,非常有利,

小小心思,就知道Ray係幾咁投入他的AV世界。


平時Ray的搖控就係放在這個由Ray設計的柜上面,非常方便。


圖中的正係 Primare A20 擴音機,由於當日小弟只係掛住睇DVD和介紹數碼錄影機比Ray知,

無時間聽聽純音響的音色,希望10月中有機會再去聽聽。

點解要10月中????因為Ray正係放大假,和女朋友二人世界去北海道玩,

十月先返港,所以小弟只好等到10月中,先有機會再去。

細細聲話你知,我今次上Ray的家中,最主要的目的,就係用高解像數碼錄影機去毒佢,

因為佢係Sony DZ900日版電視的用家,可對應高解像數碼錄影機,所以我取機去佢家中毒佢。

有無成果????嘻嘻!!!!唔話你知!!!!


由於係日版電視的關係,如果想睇香港電視節目的話,

Ray就好自然,必需購買轉線器,而Ray就選擇了 Sharp AN-200SC,

作為佢的選擇器。


圖中的器材,相信呢D一代名器,我都唔需介紹了,Ray係用佢作為CD,SACD和DVD機之用。

播放DVD時,就係利用日版 9000ES 的D端子,接上DZ900上,作progressive 畫面播放。

而下面的錄影機,其中一個用途,就係用來作電視選台用。


圖中的係SF Grand Piano Home的背面。


我的感覺

以Ray的視聽環境, Sony SA-815ED (5.1套裝),做到了佢$6XXX的較果,算係唔錯的撰擇了。

同時,小弟都好滿意Sony DZ900所播放出來的 progressive 畫面。

非常多謝Ray比一個機會我這個陌生人到佢家中參觀。

等Ray返港後,小弟希望再一次有機會上去聽聽純音響的較果。

由其係SACD呢!!!!