我的器材歷史
大家好!!!!最近比較悶，不如回顧一下啦好嗎????點都好過睇廣告啦係嗎????
如果你知道相片中的器材名，相信你都一把年紀了!!!!(一笑)
小弟在1989年開始購買我第一套的器材，當時剛剛出來社會工作，
和父母住，自已收入不多，那有咁多錢一次過買咁多器材呢????
我當時又和我的現任太太拍緊拖，每個月都要節衣縮食，
每個月一出糧那天，就買一件器材返家，個個月都係咁，我第一件器材，就係由個東芝29"開始了，
一路買.......我都唔知買左幾耐，我先買晒成套啊!!!!
由於工作關係，我每日都到旺角轉車返家，我係會日日咁走去AV店的飾柜睇住自已下個月的心愛，
會同佢隔住玻璃講，你要等我，我好快就接你返屋企，你一定要等我......千萬唔好比人買左。
講到呢度，眼濕濕添......唔該比包紙巾我丫.....啊唔該，咦????Tempo泥播!!!!你真好人。
咁因為要省錢，我只係星期六晚和星期日拍拖，平日就唔出街，和當時的初戀女友，
現任的太太講電話就算了，你話咁都唔散，我係咪好叻呢!!!!(一笑)
那個時候，我只係買左隻Top Gun的LD，其他全都係租碟返來，用架Sony Beta機錄來重溫。
圖中所見，當時我係買Sony的LD碟機，點解買Sony????因為Hi-Vi話好，咁咪好Law!!!!
發燒友發高燒，又未買到心愛器材，Hi-Vi係我當時的退燒藥，現在想返起都有點傻 :p
相片中的JBL原本係放在後置的，但係因為要上鏡，所以就拿上來放住先。
拿...大家睇唔睇到我係用什麼Amp呢????係呀用Luxman，有兩個膽仔放在前面的，但係佢係原子粒機，
又係因為佢個樣Law，我見佢個樣咁戰鬥格，我以為佢好勁啦，但係........
咁你地可能又會問，咁點解又會買Bose 301????啊，好簡單，廣告!!!!
CD機就係用Sony，而Luxman下面的就係JVC的EQ，D燈走走下，幾靚架!!!!
佢話自已賣出左幾多十萬對，咁我咪當佢神咁拜.Law，最後買左返來的較果，當然係唔滿意啦!!!!
但係都無計，唔買都買左了，佢又唔係唔入得耳，咪人有我有囉!!!!
而且攪左咁耐，都係時候收手了，而且都要開始儲蓄了，所以第一套器材就到此為止了。
當時我的女友想有一個家，仲要係二人世界那人種，咁人家都開到口，咁你都無理由唔照做，
於是就抽居屋，一次過就抽中左，間屋係三房，仲有一個15X15的客廳，咁就結婚了，
由於月供唔係好多，加上兩個人搵錢，所以又身痕了，換過晒D機啦!!!!
咁，我生命中的第二套AV器材，就出現了!!!!
圖中所見，你會發覺到架電視機換上了Sony的34"了，而開始學人玩杜比，所以買來了NEC，
但係影完這相片之後的一個月，我就把佢換上了當年的頂級機Sony的SDP-777ES。
個機架係自已劃好晒Size，然後找專人幫我做，個老闆話佢拍心口保証，放架私家車上去都無問題。
而一直喜歡的JBL4425型號12"底音，都接返來成為最愛，而Amp就換上了安橋，
今次我叻仔了，LD機就買Pioneer的水貨版CLD-100，佢係當時最平的型號。
而那個時代，LD都仲係租返來，用Beta機來錄左佢來重溫。
今次你地見到的JBL中置Control one，真係中置用的，舊的那一對就放在後面作為後置用，
點解用兩個中置????又係因為Hi-Vi話用兩個中置，放的位置係微微向內側，咁我咪信到盡做到足囉!!!!
CD機就換上天龍了，那時都係聽黑膠唱片多，CD就比較小買，因為覺得CD的聲音無黑膠咁靚。
這個時候好滿足，發覺都無什麼好換，於是就只係一直咁用這套器材，直到.........
時間過得真係快，我因為工作的關係，要搬去遠一D的地方住，所以我就要離開這個15x15的廳，
本來由成間屋的面積數目字咁睇，我的居住面積係比舊居大左，但係新居.....個廳係三尖八角，
根本就唔可能玩到av，好無奈咁搬到去一個咁樣的廳，於是我只好又要買過晒d器材，
因為我要把發燒廳的習慣，改為發燒房，間屋有三個房，我用左一個房來做發燒房，
個房真係細得可憐，得70平方，真係一間AV籠屋來架陰功!!!!
你地可唔可以想像一下，一間70平方的房，點樣可以容納得到兩個12"底音呢????但係無法啦.....唉.......
由於當時AC-3和DVD正當推出，咁我就把心一橫，一次過買晒佢返來，用以履補我被迫遷到籠屋的空虛。
舊的Sony34"就留返在廳用來送飯啦!!!!
我走去旺角中旅社二點鐘方向的山本影音【現在轉左老闆】，當時的老闆好好人，
咁我咪一次過同佢買以下的器材，一二三就車晒返屋企了!!!!
首先換上Sony的16:9 Profeel Pro純NTSC來用，這架機真係正，合晒我用，我只得70平方，
真係名符其實的【尺金寸土】，佢唔單止畫質靚，仲有VGA入，所以佢係可以當電腦的Mon用，
咁我就可以物二用了，雖然只係去到640X480，但係都好正了!!!!真係笑住咁比錢買呀朋友!!!!
想想下都忍唔住Kit一聲笑出來。
但我真係好好彩，架Profeel Pro夾在兩個12"的中間，只得唔夠24"的空間都無上磁，真係好彩!!!!
咁中置就唔再用兩個了，轉為買返一個Boston算了，個後置就係用返個JBL的Control One，
解碼就係用買Sony的EP9ES啦!!!!DVD機就買Sony的S7000，而LD機就買Pioneer的D99，
本來我想買日版的9G，但係當時無貨，咁我只好要D99了。
之後就去科寶買左套彷7+9，的前後級膽機，點解買佢????出名囉!!!!
外型靚仔囉!!!就係咁簡單了!!!!
我買完晒手上的器材之後，就以為就咁可以玩一世了，但係就在這個期間，我因為上網，
所以認識到網上的朋友，如Andy Kong，Lee HC，Ricky Lee，TK Chan........咁就出事了!!!!
當我認識左佢地之後，就發覺佢地係世外高人，問什麼都答得出，答得快，而且答得準，
所以我好快就同佢地熟落了，有一日，Lee HC請我們去佢家，咁我當然好有興趣去啦!!!!
我朋友唔多，所以好小去人屋企，我一入到Lee HC的家，嘩........真係一點心理準備都無，
我真係唔係咁相信眼前的景物，成幅落地玻璃，外面的夜景好靚燈光迷人，好似走到美國的洛杉磯，
啊...個廳咁闊????再睇睇D器材，真係一流，點解會係咁靚????但.........點解我唔可以好似佢咁呢????
我個廳做唔到呀!!!!真係慘啊!!!!
後來又有一天，TK Chan招乎我們去佢屋企，嘩..........佢個發燒廳如果唔係樓底的關係，
真係可以打羽毛球，原來這世界真係有D咁正的發燒房，
無幾耐又去到Ricky Lee的家，嘩......仲離譜，直頭係中幾次六合彩都買唔到，
咁我於是就說服我太太打通兩間房，經過長時間密集式疲勞轟炸，
佢終於都答應我可以打通兩間房，使我可以開開心心咁玩AV了。
今次找來Andy Kong來為我設計和由美國訂購回來，全港只有一套五件的AV Speaker，
有左地方，咁就不如玩三槍投射機啦!!!!於是就買左個Sony D50了，利用美國的Stewart4:3幕，
投射出84"，中置和後置的AMP都係時候升級了，咁就換上了天龍的A3了!!!!
畫質係我比較注重的，所以需然買左D50，但係始終都係差小小，為左畫面得到最高的發揮，
所以Faroudja的2200最後都買左返家，現在我都好滿意各件器材在家庭影院方面的表現。
但係我每次買器材，都話到此為止，但係最後都.........今次我都唔例外，都係話換機到此為止。(一笑)
