家訪光哥的器材
Li On早兩日帶我到光哥的家探訪，這個光哥係做室內工程，
他唔係一個普通的三行工人，而係安裝投影機的專家，上機較機，一手包辨。
做果行厭果行這句說話，似乎唔配合光哥的性格，他計時唔單只為千千萬萬的客戶安裝投影機，
放工後仲自己積極研究如何改善自己家中器材，
過佢手上的投影機不計其數，所以一架優質的投影機，係佢必需擁有的。
G70對佢來講，經己係歷史，今日用緊的係軍方指定投影機牌子，Ampro 9"管三槍投影機。
Ampro 這個牌子你們聽過未????據講軍方就係使用這個牌子投影機，
你們極有可能在航空母艦上見到這款投影機。
我的好友亞強，一直在我心目中的手藝係一流，由其佢家中天花掛起G70的五行八掛陣， 實在係考奪天工。
但係相比起光哥的電動升降多角度操控器，
亞強的五行八掛陣，就直頭變成幼兒班的勞作了。
由這個正面的角度影上，大家就可以見到利用單車鏈來運作的升降器，
這條單車鏈的接口，係利用索帶來收口緊扣單車鏈。
光哥在這個升降器上花了唔小時間和心血。
圖中我係由投影機的機尾影上去，大家可以見到左手面的係升降器的摩打。
平日使用三槍機時，這架 9"三槍機， 就會在機栻帶動下，由天花降到指定的位置作投影用途，
唔用時，一按電，三槍機立即升返上天花，唔會撞到頭呢!!!!
這個位置係我企在三槍機尾影的。
大家見到後面的黑布窗簾嗎????這塊黑布係一個電動窗簾，同樣都係光哥自己做的，唔係買返來架!!!!
佢利用一枝叉電的電動羅絲批來把黑布收上和放下，電動羅絲批的好處係摟力大，
兩個不同方向轉都可以，所以光哥選用電動羅絲批來作為電動窗簾的摩打。
可能你會問，咁就算係用電動羅絲的話，當你開動佢後，佢都係自己單一個方向轉動，
佢點知你的黑布到頂未嗎????你一比電佢，佢只會單一方向轉，直到無電為止，
如何令電批到達指定的位置後就會自動停止運作呢????
光哥把一個探測器放到指定的合適位置，再用一個硬幣接上黑布的適合位置，
當黑布上的硬幣被電批捲到探測器時，這個探測器因為探測到硬幣，
探測器就立刻切斷電批的電源，你們話係咪好專業和聰明呢????
平時唔想開投影機時，這個背投電視就係代替品了，
而左右兩隻超巨型喇叭，只係用作聽歌專用的。
而家庭影院的前置喇叭，正係圖中這款細喇叭的工作。
這個中置，同樣都係奇人自己做的，這個中置仲高過我成個人，
中間金色邊的兩個單元，係天朗，仲有兩個號角型的喇叭 ，
再加上左右各一的中置超低音，
加上連皇帝位的梳化下，都滿報超低音，強成點????唔需我講你都會知!!!!
光哥入住這個單位五年，晚晚爆機到2:00-3:00，從來都無被人投訴過。
你們知否這個係什麼????唔係茶几咁簡單!!!!
這個係一個18"的超低音，光哥一日經過垃圾房，見到這個茶几，
就咁拿回家中打通內藏，把一個18"的超低音藏在裏面，而面向地下，
再放入一個圖中有散熱功能的後級作為超低音專用的擴音機。
就係咁樣，一個有源超低就出現了!!!!
這個同樣都係光哥的作品，係用來放軟件用的柜。
Faroudja 250係光哥所用的倍線器，當年推出時，係講緊十幾萬港元一架的。
同奇聲4026一樣，都係提供 480p的解像度，
但係家訪當日小弟睇到的頂班畫面，正係S10A經Faroudja 250出來的480p，
真係靚到死!!!!Good!!!!單單係480p都靚成咁，好難想像再上高D的解像度會點????
但係光哥依然唔滿足，正係訂緊一架Faroudja 400A返港，希望使畫面進一少提升。
圖中這個係一個普通的DVD字幕機，大家是否未見過這款字幕機呢????
當然啦!!!!這個字幕機的外殼係光哥自己做的。
有一日光哥覺得力巨字幕機的外型唔靚仔，唔合佢口味，
佢去買料返來，把力巨的內臟抽出，換到自己在鴨寮街買返來的外殼內，
所以內臟係力巨的零件，外殼就係佢自己做的。
圖中黑色條的位置，就係用來插字幕盒的插口。
圖中的開關，正係光哥自做的器材開關，
下面一個個的開關，其中有兩個係分別100V火牛的開關，另一個係220V火牛的開關，
其他太過覆雜，小弟真係唔知係什麼開關，總知就係控制各器材的開關。
大家是否記得亨利五世為了怕白色天花的反射光，而影響畫面的質素，
佢自己做了一塊黑布在天花頂呢????
光哥同樣都有一個咁樣的設計，但係光哥的係電動伸縮設計，
搵來大家平日見到店舖用來擋太陽的(龍蝦臂)改裝，加上一個小摩打，
平時(龍蝦臂)會連同黑布收在幕後，當需要用時，光哥一開動佢的話，
這條(龍蝦臂)就會連同黑布登直咁伸出到幕前，阻擋投影機的反射光。
但係好可惜當日黑布被拆了下來，正等候換上一個質料較佳的黑布，
所以無法上到鏡比大家見到(龍蝦臂)伸出來的氣勢。
圖中位於假天花和電幕中間的，就係未伸出來的黑色(龍蝦臂)。
圖中的正係Stewart的100" 4:3投影電幕。
這個HR系例的Sony專業Mon，最大的用途係比佢家中的小朋友睇VCD之用。
光哥的仔仔，係由細睇Sony HR專業Mon長大的。
圖中的Yamaha ，只係得個樣係Yamaha，內臟早被成份抽出來，換上膽機的零件，
成為一架有搖控的膽機了。
