Lexicon MC12 示範
圖 / 文 :巴斯光年
8月25日的星期六，位於尖東的富豪酒店，有一個Lexicon MC-12的示範舉行，
小弟當然唔會錯過咁精彩的一個節目啦!!!!示範分兩場，第一場係2:30，另一場係4:30，
小弟只能趕到睇第二場，圖中所見就係當日正面所見的部份器材。
不如我們睇睇當日器材名單好嗎????
主角當然係前級AV解碼 Lexicon的MC-12
前置喇叭ATC SATC SCM-150ASL
中置喇叭ATC SCM-50ASL-C
環繞聲和後置喇叭 ACT T16
超低音喇叭ATC SCM- 0.1/12
三槍投影機 TAW HD800
倍線器 VIGATEC
DVD機 東芝 SD-900E
投影幕 STEWART SND-082H 16:9硬幕
大家會發現，何解圖中唔見有後級的呢????MC12只係一架前級，唔通收埋後級????
原來今日的全場ATC喇叭，全係有源(內置擴音機)喇叭，所以隻隻喇叭都唔需要後級來推動。
場地係由後面進入的，一入門口，一個非常闊大的廳出現眼前，睇得出主辦單位，
非常重視這次的示範。
示範會雖然係免費入場，但係唔會因為咁樣而待薄發燒友，
精美的茶點，美食當前，巴斯食完先影相了!!!! :D
所以美味的食品無上到鏡，真係唔好意思!!!! :D
小弟走到前排，影返後面的位置，等各位網友可以大約知到會場的報局。
我左手面的係投影幕，大家由九點鐘方向望去，可以見到ACT T16 作為則面的環繞聲喇叭，
而11點鐘方向望過去的話有另一隻ACT T16 作後置，1點鐘方向依然係ACT T16，
位於三點鐘方向的ACT T16，就因角度問題，而無入到鏡。
合共有四隻ACT T16作為當日的環繞聲喇叭。
圖中所見的係ACT T16的樣子。
ATC-16 背面好有氣勢啊!!!!圖中這一隻係位於最後排的左手面，電源線係黑色的。
而呢一隻ATC-16係位於中間則面的，你們可以由紅色的電源線分到。
這個就係則面的ATC-16，和後面的ATC-16一樣，都係放在卓上，
再用物件放高到觀眾適合的高度。
圖中所見的正係主角LEXICON MC12，絕對明顯比以前的外型設計有大大改善。
由背面得知，當日作出示範的係 MC-12，而唔係MC-12B，兩者之間，只係多了幾組聲道的Balance輸出。
由於MC-12B仲未到港，所以當天的示範選用MC-12。
大家見到同時有兩款投影機，唔會好似小弟咁傻，以為今次係比併兩機的分別，
前面的Plus U2- 1110今次的工作，只係接收由Notebook發放出來的電腦畫面作簡介比我們睇，
而主力投放電影畫面的，當然落在後面TAW HD800三槍機身上啦!!!!
把兩個工作，分工比唔同的投影機做，可見專業人員的細心。
圖中所見的Plus U2- 1110 投影機，黑色的VGA輸入線，就係來自一本Notebook，作簡介用。
當日作簡介用的，正係這個Notebook。
細心的朋友可以見到畫面上的圖案，正係和投影幕顯示出來的一樣。
畫面上的Lexicon標記，正係來自Notebook經Plus U2- 1110而投影出來，
雖然CRT都可以投放出來，但係分工似乎專業D呢!!!! :D
會場的天花係用鏡來做裝飾，所以工程公司不得不把一塊黑布，把這面反射鏡封死。
圖中所見，上面的係VIGATEC 高級倍線器，
而下面的正係東芝頂級型號DVD機，DS-900E。
首先東芝會用480p( progressive )輸出到VIGATEC，
利用佢而升級到 720P的畫面，再投放到 82"的16:9幕上面。
要在這個咁巨大的廳中，做出地動山搖的較果，超低音似乎係不能缺小的器材，
當日選用了兩隻Earthquake作為一左一右前置的超低，
當然大家可以由佢的則面發現，同樣都係有電源線，咁即係有源啦!!!!(內置擴音機)。
而15"就係第三隻超低音了，佢放在最左手面，發揮其驚天動地的較果。
ATC SATC SCM-150ASL 前置，依然係用有源(內置擴音機)。
圖中所見的巨大中置，ATC SCM-50ASL-C 大得邊聲之島陳列室，自己都無法放得下，
眼前的這款中置，係由一位外籍用家，借出來比我們分享，
可想而之今日巴斯係幾咁好彩。
小弟當日正係座在這個位置上欣賞這係示範。
售價達16萬幾的CRT三槍投影機所出來的720P畫面，一般LCD或DLP用家一定睇得目定口呆!!!!
示範會的場地非常之巨大，三隻超低，在Lexicon MC12的帶動下，
把全個廳的天花震動得非常利害，
好難想像如果用D再頂級的後級，每一個聲道都推一隻喇叭會係點????
示範當中，大草先生帶來了一隻兩聲道的DVD，利用Lexicon MC12的Prologic II功能，
播放出來的較果，如果用Ac3來比，我覺得就唔係咁理想，
但係本身我在其他地方聽到的Prologic II，都係平平無奇，
可能Prologic II，唔係小弟幻想中的咁利害。
雖然這隻碟係古典樂曲，小弟一向唔喜歡，但這隻碟所出來的較果都唔會難聽。
接下來又再播放了導火線和終極天險，小弟又想睇靚畫面，但係又想聽較果，
巨廳太大了，我自己都唔知自己該感受那一樣好，最後我都係選擇了留在前面，
睇住個畫面，和正面喇叭所帶來的感覺。
當播放到U571，深水炸彈一幕時，真係好似世界未日一樣!!!!
我響屋企，邊夠膽開咁大聲!!!!燒機連喇叭都似!!!!
但係開到咁大聲都唔燒機，真係利害!!!! :D
Lexicon MC12B售約 8萬幾，而MC12就 7萬幾咁上下。
巴斯這一生都唔會買得起，幸好有這個示範，睇見當係擁有過就算了!!!! :D
完場時有一個抽獎，有15名幸運兒，每人有一隻DTS示範碟，
大草先生話，這隻示範碟，係精選DTS電影片段，唔好以為你家中都有這片，
唔需和精選碟片段比較，因為這隻精選碟係落重藥，無倫畫面和聲音，都加我份量，
唔可以和家中的DVD電影比較。
我聽到之後，好想抽到這隻碟，同時我腦海中想到，萬一我抽到的話，問埋幾位強人的簽名，
咁咪發達????一想到這裏，我個心開始係咁跳!!!!連我自己都聽到自己的心跳聲。
名單一一過去，失望的表情出現在巴斯面上，心跳聲唔明顯了，
最後尾三的名單上，讀出我的號碼!!!!
嘩!!!!發達了!!!!我成個人彈起，走出去接過大草先生手上的DTS精選碟，
問朋友借來一枝原子筆，搵了我最想簽名的三個人簽名，
以下就係佢地三個人的簽名。
最在手面的係影音顧問Alan Lee，最上的係大草先生，下面的係Lexicon代表Brian的簽名。
巴斯足足開心了兩日，今日心情先平靜下來。
只有一點點可惜的就係無簽名筆在手，簽出來的較果唔好，下次我唔會咁好彩有機會抽中獎了，
我咁大個人，次次抽獎都無我份，連小學時飲汽水都中唔到贈飲，真係黑，唔係晒黑!!!! :<
所以今次抽中獎，仲拿埋簽名，好開心啦!!!!其他14位幸運兒似乎無拿簽名就走了。
總結今次的示範，小弟真係好滿意，唔單只可以睇到工程公司的細心，
Lexicon的MC12好似係這日第一次在亞洲區展出，
我猜如果上陳列室睇的話，較果會好好多添!!!!
小弟當日收獲豐富，仲又食又靂添!!!!
圖中的拿住枝咪的當然係我偶像之一，音響技術的支柱，大草先生，
而左手面的正係今次的主角Lexicon公司營業董事 Mr.Brian Zolner。
Brian身後的紅衣美女，正係今次的翻譯。
今次提供喇叭示範的聲之島負責人，正由大幕先生介紹比各位知。
當示範仲未開始時，影音顧音，Alan Lee正和Brian先生交流一下心得。
完